1 Thexalaunikes 4
4
Lub Neej Uas Haum Vajtswv Siab
1Thaum kawg no, cov kwvtij, peb twb qhia rau nej lawm hais tias nej yuavtsum ua nej lub neej licas thiajli haum Vajtswv siab; qhov no nej twb niajhnub ua lawm. Nimno peb thov txhawb nej lub zog los ntawm tus Tswv Yexus lub npe kom nej yuavtsum ua li ntawd ntau dua qub ntxiv. 2Rauqhov nej twb paub tej lus uas peb qhia nej lawm hais tias tej lus ntawd yog los ntawm tus Tswv Yexus lub hwjchim los.
3Vajtswv xav kom nej ua nej lub neej dawbhuv, tsis txhob ua kev nkauj kev nraug kiag li. 4Nej txhua tus yuavtsum paub nrog nej tus pojniam#4:4: paub nrog nej tus pojniam; lossis tswj nej lub cev. ua neej nyob rau hauv txoj kev dawbhuv thiab txaus hwm, 5tsis yog yuav ua neej nrog lub siab ntshaw ua phem ua qias zooli cov neeg uas tsis paub Vajtswv ua. 6Hais txog zaj ntawm no, nej ib leeg yuavtsum tsis txhob ua tsis zoo lossis ua saib tsis taus nej ib tug kwvtij ntseeg ib zaug li. Peb twb qhia tej no rau nej los lawm thiab yeej ceebtoom rau nej lawm hais tias tus Tswv yuav rautxim rau cov neeg uas ua txhaum li ntawd. 7Vajtswv tsis tau hu peb los ua kev nkauj kev nraug, tiamsis hu peb los ua neeg dawbhuv. 8Yogli ntawd, yog leejtwg tsis ua rawsli txojlus qhia no, tsis yog nws tsis hwm neeg, tiamsis yog nws tsis hwm Vajtswv tus uas pub Nws tus Ntsujplig uas Dawbhuv rau nej.
9Hais txog kev sibhlub li kwvtij sibhlub ntawd, tsis tag kuv yuav sau tuaj qhia nej, rauqhov Vajtswv twb qhia rau nej hais tias nej ib leeg yuavtsum hlub ib leeg licas lawm. 10Tseeb tiag, nej yeej hlub txhua tus kwvtij ntseeg Yexus uas nyob thoobplaws lub xeev Makedaunias lawm. Txawm li ntawd los cov kwvtij, peb nquahu kom nej tseem sibhlub tshaj ntawd ntxiv thiab. 11Nej yuavtsum muaj lub homphiaj tsis txhob ua neeg ntau ncauj, nyias rausiab ntso rau nyias tes haujlwm, nyias khwv ntawm nyias txhais tes, rawsli peb twb qhia rau nej lawm. 12Yog nej ua li no, cov uas tsis ntseeg Vajtswv thiaj yuav hwm nej, thiab nej thiaj yuav tsis tos lwmtus ua rau nej xwb.
Hnub Uas Tus Tswv Rov Los
13Cov kwvtij, peb xav kom nej paub qhov tseeb txog cov neeg uas tau tsaugzog lawm, kom nej thiaj yuav tsis quajntsuag ib yam li cov neeg uas tsis muaj chaw ciasiab. 14Peb ntseeg tias Yexus tau tuag thiab sawv hauv qhovtuag rovqab los lawm, yogli ntawd peb ntseeg tias Vajtswv yuav coj cov ntseeg uas tau tsaugzog lawd nrog Yexus sawv rovqab los thiab.
15Zaj uas peb qhia rau nej no yog tus Tswv tej lus qhia: hnub uas tus Tswv rovqab los, peb cov uas tseem ua neej nyob, yuav tsis xub ua cov uas tuag lawd ntej mus. 16Yuav muaj ib lub suab hu uas yog tus thawj timtswv lub suab, yuav muaj Vajtswv lub suab rajxyu, thiab tus Tswv yuav los saum ntuj los. Cov ntseeg Khetos uas tuag lawm yuav xub sawv hauv qhovtuag rov los. 17Tomqab ntawd peb cov uas tseem ua neej nyob no yuav raug sau zog los nrog lawv uake mus rau saum huab saum cua, mus ntsib tus Tswv saum ib nta ntuj; peb yuav nrog tus Tswv nyob mus ibtxhis li. #1Klt 15:51-52 18Yogli ntawd, nej ib leeg ciali muab tej lus no los nplig ib leeg siab.
Attualmente Selezionati:
1 Thexalaunikes 4: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
1 Thexalaunikes 4
4
Lub Neej Uas Haum Vajtswv Siab
1Thaum kawg no, cov kwvtij, peb twb qhia rau nej lawm hais tias nej yuavtsum ua nej lub neej licas thiajli haum Vajtswv siab; qhov no nej twb niajhnub ua lawm. Nimno peb thov txhawb nej lub zog los ntawm tus Tswv Yexus lub npe kom nej yuavtsum ua li ntawd ntau dua qub ntxiv. 2Rauqhov nej twb paub tej lus uas peb qhia nej lawm hais tias tej lus ntawd yog los ntawm tus Tswv Yexus lub hwjchim los.
3Vajtswv xav kom nej ua nej lub neej dawbhuv, tsis txhob ua kev nkauj kev nraug kiag li. 4Nej txhua tus yuavtsum paub nrog nej tus pojniam#4:4: paub nrog nej tus pojniam; lossis tswj nej lub cev. ua neej nyob rau hauv txoj kev dawbhuv thiab txaus hwm, 5tsis yog yuav ua neej nrog lub siab ntshaw ua phem ua qias zooli cov neeg uas tsis paub Vajtswv ua. 6Hais txog zaj ntawm no, nej ib leeg yuavtsum tsis txhob ua tsis zoo lossis ua saib tsis taus nej ib tug kwvtij ntseeg ib zaug li. Peb twb qhia tej no rau nej los lawm thiab yeej ceebtoom rau nej lawm hais tias tus Tswv yuav rautxim rau cov neeg uas ua txhaum li ntawd. 7Vajtswv tsis tau hu peb los ua kev nkauj kev nraug, tiamsis hu peb los ua neeg dawbhuv. 8Yogli ntawd, yog leejtwg tsis ua rawsli txojlus qhia no, tsis yog nws tsis hwm neeg, tiamsis yog nws tsis hwm Vajtswv tus uas pub Nws tus Ntsujplig uas Dawbhuv rau nej.
9Hais txog kev sibhlub li kwvtij sibhlub ntawd, tsis tag kuv yuav sau tuaj qhia nej, rauqhov Vajtswv twb qhia rau nej hais tias nej ib leeg yuavtsum hlub ib leeg licas lawm. 10Tseeb tiag, nej yeej hlub txhua tus kwvtij ntseeg Yexus uas nyob thoobplaws lub xeev Makedaunias lawm. Txawm li ntawd los cov kwvtij, peb nquahu kom nej tseem sibhlub tshaj ntawd ntxiv thiab. 11Nej yuavtsum muaj lub homphiaj tsis txhob ua neeg ntau ncauj, nyias rausiab ntso rau nyias tes haujlwm, nyias khwv ntawm nyias txhais tes, rawsli peb twb qhia rau nej lawm. 12Yog nej ua li no, cov uas tsis ntseeg Vajtswv thiaj yuav hwm nej, thiab nej thiaj yuav tsis tos lwmtus ua rau nej xwb.
Hnub Uas Tus Tswv Rov Los
13Cov kwvtij, peb xav kom nej paub qhov tseeb txog cov neeg uas tau tsaugzog lawm, kom nej thiaj yuav tsis quajntsuag ib yam li cov neeg uas tsis muaj chaw ciasiab. 14Peb ntseeg tias Yexus tau tuag thiab sawv hauv qhovtuag rovqab los lawm, yogli ntawd peb ntseeg tias Vajtswv yuav coj cov ntseeg uas tau tsaugzog lawd nrog Yexus sawv rovqab los thiab.
15Zaj uas peb qhia rau nej no yog tus Tswv tej lus qhia: hnub uas tus Tswv rovqab los, peb cov uas tseem ua neej nyob, yuav tsis xub ua cov uas tuag lawd ntej mus. 16Yuav muaj ib lub suab hu uas yog tus thawj timtswv lub suab, yuav muaj Vajtswv lub suab rajxyu, thiab tus Tswv yuav los saum ntuj los. Cov ntseeg Khetos uas tuag lawm yuav xub sawv hauv qhovtuag rov los. 17Tomqab ntawd peb cov uas tseem ua neej nyob no yuav raug sau zog los nrog lawv uake mus rau saum huab saum cua, mus ntsib tus Tswv saum ib nta ntuj; peb yuav nrog tus Tswv nyob mus ibtxhis li. #1Klt 15:51-52 18Yogli ntawd, nej ib leeg ciali muab tej lus no los nplig ib leeg siab.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.