Tsiqeeq 111
111
Tsiq eeq 111
Heeqphaq Miqyail bhai tsiq eeq nail daoqsel
1Haq leiq lul yaq.
Ngal neq, Heeqphaq Miqyail nail
tsaol-aq juq jil lai nail bhai
aivq bhai neema lavqkhoel nee tsiq eeq nail ngaol.
2Heeqphaq Miqyail-i mail nl-a nail ganl neq
noeq-u maq dov nail ganl juq pevq nail ngaol.
Ganl al juq bhai neekhaol sil nail juq neq
a bhai saol-nvq nail ngaol.
3Aivq-i mail khal nl-a nail ganl juq neq
seiqleiq khaoqsail nee bhee lovq khi
tsaq nail daol nail phaq iqsanl
nqmaq maqluv halyeel ivq nail ngaol.
4Heeqphaq Miqyail-i mail nl-ai thaq nail
noeq-u maq dov nail ganl juq bhai
maq ya nioil peivq dai, nl daiq lavq khi
aivq-i mail gaoq haq goil gaiq-a nail phaq iqsanl
bhee lovq nail ngaol.
5Aivq neq, aivq bhai gee sil khi ev nail juq bhai
jaq jaq daol daol bivq nail nee ovqtavq
aivq nail daoqma saljial bhai iqsanl
teevq thal-iq maq nioil peivq-ail.
6Aivq neq
aivq nail bhaqaoq bhi moel nail dai khi
yu nail jeq-e jaq-a nail miltsaq bhai
aivq nail tsaol-aq juq-ai bivq-a nail ngaol.
7Aivq-i mail nl-a nail ganl juq iqsanl mail
saljial ivq nail phaq maqkhaiq
tsaq nail daol nail phaq maqkhaiq
teevq di di khi
aivq nail ya tsao the nail ganl juq iqsanl mail
neema thaq tsaol heeq phaq-ail tsaq nail ngaol.
8Aol al juq iqsanl mail
nqmaq maqluv halyeel ivq nail nee ovqtavq
saljial ivq nail phaq khi mail
tsaq nail daol nail phaq bhi dov lal nail ngaol.
9Aivq neq
aivq nail tsaol-aq juq bhai bhi jel-ail khi
aqyu juq nee nqmaq maqluv halyeel
daoqma saljial jaq-a nail ngaol.
Aivq nail aqmil neq
meeq dee haol dee dee khi
bhaqaoq eeq nail ngaol.
10Heeqphaq Miqyail bhai
gee sil khi ev nail phaq neq
neenoeq neekha nail
daoqthaoq pevq nail ngaol.
Aivq nail ya tsao the nail ganl juq bhai
tsao the nail juq iqsanl mail
gov heeq nia jaiq lal nail ngaol.
Aivq bhai nqmaq maqluv halyeel
tsiq eeq tsiq heel bhel.
Attualmente Selezionati:
Tsiqeeq 111: aeu
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2016, Wycliffe Bible Translators, Inc. All rights reserved.