Salmau 39
39
SALM 39
Tro draw dy lid, Arglwydd
St. Michael MB
1Dywedais, “Gwyliaf rhag
Pechu âm tafod rhwydd.
Rhof ar fy ngenau ffrwyn pan fo’r
Drygionus yn fy ngŵydd.
2-3Bûm ddistaw, ond i beth?
Gwaethygu a wnaeth fy nghri;
Llosgodd fy holl deimladau’n dân
O’m mewn, ac meddwn i:
4Dysg imi, Arglwydd Dduw,
Fy niwedd; dangos di
Mor brin fy nyddiau yn y byd,
Mor feidrol ydwyf fi.
5Gwnaethost fy nyddiau i gyd
Fel dyrnfedd, ac nid yw
Fy oes yn ddim i ti, cans chwa
O wynt yw pob un byw:
6Pob un yn mynd a dod
Fel cysgod, a di-fudd
Yw’r cyfoeth a bentyrra; ni
Ŵyr pwy a’i caiff ryw ddydd.
7-8aYn awr, O Arglwydd, am
Beth y disgwyliaf fi?
Gwared fi o’m troseddau oll.
Mae ’ngobaith ynot ti.
8b-10Na wna fi’n wawd i ffŵl.
Bûm fud, a’m ceg a daw.
Ti a wnaeth hyn, a darfod rwyf
Gan drawiad llym dy law.
11-12aDrylli fel gwyfyn bawb
Pan gosbi’n pechod ni.
Yn wir, mae pawb fel chwa o wynt.
O Arglwydd, clyw fy nghri.
12b-13Pererin estron wyf,
Fel fy holl dadau i gyd.
Tro draw dy lid a’m llawenhau
Cyn imi fynd o’r byd.”
Attualmente Selezionati:
Salmau 39: SCN
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© Gwynn ap Gwilym 2008