I Versetti Biblici più popolari da MATEWUS 24

Condividi

Jiw-zlata ma li ŋolo, ti-kamda hay sumuna ŋolo ma muɗ kiɗaya. May sa ma so tuwamu ta-ta hay dabaŋ-gu'ta, nam ma fi su'da.

Labara ma firina vi mulda ma kusis goy hay nagat kuɗulu', kay vul di-goyta tam jaf-sumun kaf, hay na'ta dabaŋ-gu'ta ma ma'a.

Nigi ma hum kay duura hiɗi winekŋa vi duura: Nigi ma li narɗi, kay la nanige kaw slen kayni ma co'o, may vatta bay co tuwa.

Jaf-sum sara'a ma yaw kulo'o kay jaf-sum sara'a, mulda tara'a ma fok kulo'o kay mulda tara'a kaw, mayta hiɗi wiira nagata ma li tani, li ɗawn kaw. May slen namna kayni kaf mi tun cawta vi tuw-tita.

Dukalawna hiɗi nagata ma vat goyo, may yoboyna vanu ma vat goy noŋɗi.

Kay sumun ŋolo ma ma'a hay semda vanu, nisi ma di ala nan zawn mi Kristu; nisi ma ɗut sumun goy ŋolo kaw.

Hay na'ta nisi ma vulgi goy hay lasta, cigi goyo kaw, jaf-sumun kaf ma ka gawt kigiya kay semda vanu. Hay na'ta sumun ŋolo ma hora, nisi ma di newt jar-tuwsiya, ka gawt jar-tuwsiya kaw. Sa jobta-Lawna sa bay-gasina ŋolo ma yaw kulo'o, ɗut sumun goy ŋolo kaw.

Yesu disiya: Ligi ŋali, hin sa ɗutgi goyɗi.

Kay na'ta nigi kaw lakgi jigere, kay goora vi sana ma ɗawni hay leer ma nigi may var kalamɗi.

Kay na'ta lakgi jigere kay nigi may wi buur ma Bum-Sumuna vigi ma maanɗi.

Buura hiɗi leera namna sa ma wum mayɗi, sunda-wuralawna as wumɗi, goora kaw as wiɗi, may mi bumna nam kepe.

Kay Kristuwayn sa bay-gasina hiɗi jobta-Lawna sa bay-gasina ma yaw kulo ŋolo, nisi ma li ɗekka ŋolo ŋolo, hiɗi sle ma ŋulona kaw, ta-ta la asa, sa vileki-goyn noŋ kaw nisi ma ɗutsi goyo.

Kay ki hay buura vi Nuwa nala, mata vi goora vi san kaw li ɗawn nala. Kay jew a niyn de kay nagat kayni, sumun ti'e ci'e kaw, yaw boyna, vul guron goyo kaw, ta-ta hay buur ma Nuwa kal kalaf hay lumna, nisi may giriŋ kay va noŋɗi ta-ta hay li ma niy ma dena, dolsi kafe; mata vi goora vi san kaw ma li ɗawn ki kayn nala.