I Versetti Biblici più popolari da Di Mulakata 3

Condividi

Jaji barik maminna kenanga dinen jaruma uraren, andian atena babainye dinen. Bua’ dinen dabele, kadaka. Maam di matana maam bea ikaan. Kenang bea bua’ dinen baguna pan. Pande manyuro’ manamu pasitimbangang jalu ajau’en nanna jalu maamen. Jaji barik bua’ dinen dala barik kole’a babainye dinen de’i, dakaan. Laloang daunjukang dinen barik sapa dua lo’a lakina.

Jaji andian urar. Uraren dinen labi pande. Labi bayu’ akala lo’a ambata gulungan inatang yang batiin bokanen, yang dapolaan kole’a Alatala Yahuwe. Jaji barik manjarum uraren lo’a babainyeen dinen, “Ai de’i jaruma Alatala lo’in lo’a soal jalu kaannin? Tapataka dapase’ang ikaan lo’in samuana ambata bua’en yang jalu datanamen indi’angen?” ingka kenang dinen uraren matoanina lo’a babainyeen.

“Kusuro’kin sipangayoanen turun-manurun, ikin nanna babainyeen. Andian ona’ anak kanturunanna yang manimbaten lo’a ulunu. Daikopi ona’ to’ manotok timbatako,” ingka kenang manjaruma i Yahuwe lo’a uraren dinen.

Maminna dinen lo’a babainyeen manjaruma, “Na, daiko barik di’en di arauntingu ona’, di aranaku, kusuro’ insang kaya apadisu. Poangsi, kapi awan dinen, na’anko to’ alibak lo’a lakinu. Mainya’ko bua. To’ daangkamko barik kole’a lakinu,” ingka kenang manjaruma i Yahuwe lo’a babainyeen dinen.

Apalo’ko aparuken, baru’ andian jalu ikaan iko. Kenang katio’annu sampai mondok di matenu, sampai mole’ko lo’a asal diri’u. Kole’a dinen asalu dari tana’en,” ingka kenang dinen i Yahuwe lo’a babakaan dinen.

Jaji manjarum bapi barik i Yahuwe lo’a babakaan, “Daiko di’en bua’ jalu kupase’angen, ikaan bua iko. Inang lalo dadua’u. Jarumku’ na’an ipaduli iko. Laan alit ipaduliin iko jaruma bainyenu,” ingka kenang. “Kukutuki iak tana’en barik kole’a basanu dinen. Apadisko barik manyari gulungan jalu kaanen salangke-langke tio’u.

Jaji barik manjarum i Yahuwe lo’a, “Intain panamuangen lo’u, manyuro’ itamuna iko tulendangu?” ingka kenang. “Bua’ kupase’angen lo’u, ikaan iko de’i?” ingka kenang jaruma i Yahuwe.

Mamin barik daburo mantuariin, andian suro’anna Alatala yang dasuro’ manyagai baba’ tanaman dinen bagian timur. Andian bea dinen pedang yang adale’en. Manyala-nyala pedanga urait kalaut mainto’ na’anna dapat tauen malaloi inang. Na’an dapat mondok lo’a bua’ pangatio’en.

Jaji barik mulakata anak mantuariin dinen ialalo i Adam asanna. Jaji baki’ Adam dinen mameang asan lo’a bainyena, i Hawa asanna kole’a. Ratina daasan i Hawa kole’a gulungan anak mantuariin, piang Hawa kausa yang mangaturunangen. Ialalo iasanna i Hawa.