I Versetti Biblici più popolari da GAL 6

Condividi

इंगा मनाम शिंगार शेशेदेंक कंटाळा शेयाराद; येनटीक की जर मनाम शिंगार शेस्का उंटे, तर योग्य वेळला मनाक दानदी फळ शिक्की.

दिनिचांग यल्ला मनाक संधी शिक्या आल्ले मनाम आंदारदी शिंगार शेयाला इंगा विशेष शेशी विश्वासी मंदीद शिंगार शेयाला.

मीर वगामेगारदी भोरु यतना आंटे इल्ला शेशी मीर ख्रिस्तद नियम पुर्ण शेशार.

फसाया कुंडा, परमेश्वर मजाकदी विषय लेड, येनटीक की मनशी येम पण पेरास्ताड दानदे फळ वानकी शिक्की.

येनटीक की यवाड स्वता फय इचांग पेरास्ताड वानकी फय तीकेल नाशदी फळ शिक्की, पण यवाड पवित्र आत्मा इचांग पेरास्ताड वानकी आत्मा तीकेल सार्वकालिक जीवनदी फळ शिक्की.

हे आक्का तम्मुळ्ळालाला, यवाडाना मनशी यादाना अपराधला शिक्ते, तर मीर यवार आत्मिक उंडार वान नम्रताता सुधराय मतना; मीर स्वता पण परीक्षाला फडाराद आंका स्वता तीकुड लक्ष इंडा.

येनटीक की यवाड येमीच लेड पण स्वतान येमाना समजास्ताड, वाड स्वतान फसाय मतताड. पण आंदार स्वता फनीद परीक्षा शेयाला, मंग आप्पुड वानकी इंगोगोर बद्दल लेद, पण फक्त स्वता बद्दल घमंड शेशेदेंक संधी शिक्की. येनटीक की, प्रत्येक मनशीक स्वताद भोरु यत्ताने बेक.