I Versetti Biblici più popolari da Galatas 6

Condividi

Goleke morabi te chera o lachipe ta te na chiniva, soke te na jasardam e zor, ka avel o vreme ta o Del ka del amen amaro chari.

Goleke te sai cherdan o lachipe saurrenge, cherale, a mai anglal cherale e llenenge kai si amare pplal ando pachape.

Pomozisaren tumen maskar tumende kana ka aven ande nuzda ta gia ka kanden o zakono e Kristoko.

Na kojadon: niko nasti kojavel e Devle soke so tu de, gua le.

Kogo llal pala o bilache ezgode, katar gola bilache ezgode ka lel o meripe. A kogo llal e Duoia, ka lel katar o Duo o zivoto ostade.

Pplalalen, te dikken kai vareko si ande varesavo bilachipe, tumen kai sen ando Duo morabi pomozin le te ortolpe. Ta cherenle postenimaia. Ta suako lleno te del orba bizaimaia, soke i vou sai avel ttodo ando zumadipe.

Kana vareko mislilape kai si vareso kana vou inai niso, vou pe kojavel. Suako lleno si te chinel kris vou peke, a te acharela kai sai veselilpe katar vareso kai cherel, te na mislil kai si mai lacho neko aver llene. Soke suako lleno inllarel po pparipe.