I Versetti Biblici più popolari da रोमियों 3

Condividi

चौंकि सबन नें पाप करौ है और सब परमेस्‍वर की महिमा ते दूर हैं। पर परमेस्‍वर की किरपा ते सब कूं सेंत मेंत में पापन की छमा मिली है, चौंकि ईसू मसीह नें सबन कौ उद्धार करौ है।

परमेस्‍वर ते मिलबे बारी धारमिकता ईसू मसीह पै भरोसौ करबे ते मिलतै, सब भरोसौ करबे बारेन काजै है, चाहे बे कोई चौं ना होबैं।

परमेस्‍वर ने ईसू मसीह कूं, बामें भरोसे के द्वारा पापन ते छुटकारौ दिलाबे काजै लोगन कूं दयौ। बानें जि काम ईसू मसीह के बलिदान के रूप में करौ। ऐसौ जि साबित करबे काजै करौ गयोओ कै परमेस्‍वर सहनसील है चौंकि बानें पैहले के लोगन कूं बिनके पापन कौ दन्‍ड दये बिना छोड़ दयौ हतो। आजऊ अपनों न्याय दिखाबे काजै बू न्यायपूर्न है और बिन सबन कौ न्याय करबे बारौऊ है, जो ईसू में भरोसौ करतै।

जामारै व्‍यबस्था के कामन के द्वारा कोई आदमी परमेस्‍वर के सामने धरमी नांय मानों जाबेगौ। पर व्‍यबस्था केई द्वारा पाप की पैहचान होतै।

जैसौ के पबित्र सास्त्र में लिखौ भयौ है, “कोई धरमी नांय, एकऊ नांय। कोई समझदार नांय, एकऊ नांय। कोई ऐसौ नांय, जो परमेस्‍वर कूं खोजतौ होबे। सब भटक गये हैं, बे सबई निकम्मे बन गये, कोई भलाई नांय करत, एकऊ नांय।

जाते हम जान सकतै कै लोग व्‍यबस्था के करम कान्‍ड के द्वारा नांय पर भरोसे के द्वारा धरमी ठहरतै।

भलेई हरेक लोग झूंठे निकर जाबें, पर परमेस्‍वर सच्‍चौ ठहरैगौ। जैसौ कै पबित्र सास्त्र में लिखौ भयौ है कै, “तू अपनी कही भयी बातन में धरमी ठहरायौ जा सकै, और जब तेरौ न्याय होबे तब जीत पा सकै।”