I Versetti Biblici più popolari da प्रेरितन के काम 1

Condividi

पर जब पबित्र आतमा तुम पै आबेगौ, तब तुम सामर्थ पाऔगे और सबरे येरूसलेम, सामरिया, यहुदिया और धरती कै छोर तक तुम मेरे गबाह ठहरौगे।”

ईसू ने उनते कही कै, “बू समै और बातन कौ जानबौ तुमारे काजै जरूरी नांय, जिनें पिता परमेस्‍वर ने अपने अधिकार मेंई रखौए।

एक बेर जब ईसू अपने चेलान के संग भोजन कर रयौ हतो, तब बानें अपने चेलान कूं जि आग्‍या दयी कै, “येरूसलेम कूं मत छोड़ियों, पर जाके बारे में तुमनें मोते सुनीऐं, मेरे पिता परमेस्‍वर के बा बादा कूं पूरे हैबै कौ इन्‍तजार करौ। चौंकि तुमें यूहन्‍ना ने तौ तुमें पानी ते बपतिस्मा दयौ, पर कछू दिनन बाद तुमें पबित्र आतमा ते बपतिस्मा देगौ।”

अपनी मौत के बाद चालीस दिनन तक बु भौत बार बिनके सामने पिरकट भयौ और सबूत दये कै बू जीबित है। बिन्नें वाकूं देखौ और बानें बिनते परमेस्‍वर के राज की बातें करीं।

जि कैहबे के बाद देखतई देखत ईसू कूं सुरग में उठा लियौ गयौ और बादरन नें उन सबन की आंखन ते छिपाय लयौ।

जब ईसू सुरग में ऊपर उठाय लयौ तब बे सब सुरग की ओर टक टकी लगायकै देख रये हते तबई दो जने सफेद कपड़ा पहने भये उनके सामने आयकै ठाड़ौ है गयौ। और बे कैहबे लगे, “अरे गलीली लोगो तुम सुरग की ओर टक टकी लगायकें का देख रयेऔ? जा तरैह ते ईसू कूं बादरन में जाबत भये देख रयेऔ बैसेई बाय दुबारा आबत भये देखौगे।”