I Versetti Biblici più popolari da Svun Mateo 24

Condividi

Ch-epaj li c'usitic chopole, ep ti much'utic chicta sbaic ta sc'anel li xchi'ilique. Pero ti much'utic chcuch yu'unic li ilbajinele, mi mu xicta o sbaic ti c'u sjalil cuxulique, ja' ta xcuxiic ta sbatel osil.

Ba'yi chvinaj ta sjunlej balamil li sc'oplal coltael yu'un ti Cristoe xchi'uc ti tspasvan ta mantale. Mi iya'iic xa scotol li nacionetique, ja' o xa chlaj li balamile ―x'utatic.

C'alal chava'iic ti chlic milbail ta yantic nacione xchi'uc ti oy much'u chalic ti ta xa xlic milbaile, mu me xaxi'ic o. Yu'un ch-c'ot ono'ox ta pasel yech, pero ma'uc to yora chlaj li balamile.

Ta to xlic scrontain sbaic nacion xchi'uc yantic nacionetic, ta to scrontain sbaic jyu'eletic xchi'uc yantic jyu'eletic. Ta xtal vi'nal, ta x'ech' niquel ta buyuc no'ox. Scotol taje sliqueb to vocol.

Li vinajel balamile chlaj onox. Yan li c'usitic chcale, mu xch'ay sc'oplal.

Yu'un ta to xtal ep ti much'utic ta sp'is sba c'ucha'al li vo'one, “vo'on Cristoon”, xiic. Ep crixchanoetic ta slo'loic.

»Ta xa aq'ueic entrucal, chavich'ic ilbajinel xchi'uc chavich'ic milel. Scotol crixchano chascrontainic ta jcoj li vo'one. C'alal ch-c'ot yorail chac taje, ep much'utic chicta sbaic ta yich'el ta muc' ti Cajvaltique. Ti much'utic chicta sbaique, chopol xa chilic ti much'utic mu xicta sbaique. Ja' xa ch-ac'vanic entrucal. Ta to xtal ep j'alc'opetic yilel. Ep ta tslo'loic li crixchanoetique.

Itac'av ti Jesuse: —P'ijanic me, mu me much'u xa slo'loic.

Ja' no'ox yech tsc'an chamalaicon no'ox, ac'u mi mu xana'ic c'usi ora chicha'sut tal vo'on ti Xch'amal crixchano li c'ote. Mu me ch'ayemuc avo'onic chul jtaoxuc.

»Vic'o me asatic a'yic no'ox me osil, yu'un mu xana'ic c'usi ora ch-cha'sutal la Vajvalique.

»Ti c'usi ora chicha'sut tale muc' much'u sna', mi ja'uc ti angeletic ta vinajele, mi ja'uc li vo'one mu jna' uc. Stuc no'ox sna'oj ti Jtote.

Yu'un ta ono'ox xtalic ti much'utic tsp'is sbaic ta Cristoe xchi'uc ti much'utic tsp'isbaic ta j'alc'ope. Chac' ta ilel slequilal syu'elalic, tspasic ti c'usitic muc' much'u xu' yu'un spasele, ja' ch-lo'lovanic o. Ti xu'uc yu'unique ta tslo'lo ya'iic uc ti much'utic t'ujbilique.

»Ti c'alal xi cha'sutal vo'on ti Xch'amal crixchano li c'ote, ja' yech ch-c'ot ta pasel chac c'u cha'al ic'ot ti c'alal cuxul to'ox ti Noee. C'alal mu to'ox chtal ti nojele, jun yo'on ive'ic, iyuch'ic vo', inupunic, iyac' ta nupunel stsebic. Pero c'alal ital ti nojele, c'alal i'och ta barco ti Noee, ja' to tey quechel icom scotol ti c'usitic tspasique. Muc' xch'unic ti chtal nojele. Ja'to ixch'unic c'alal itale, pero muc' xa xcolic, icham scotolic. Ja' no'ox yech c'alal xicha'sut tal vo'on ti Xch'amal crixchano li c'ote.