I Versetti Biblici più popolari da Gɨye-lɔɔ 1

Condividi

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Jesu jɨga dɨbɨge cay nee yege hɨn̰: «Na kɔl kogɨŋ gɨ ni sɔlɛ wɔlɛdi, wala tɨwadi di Banɨ ba ɔjɛ dan̰ dɔnɔ toyi le naŋ.

Wɔlɛ gɨ pɨna gɨŋ, kɨɗɨn̰ ga ban som danage kɨbɨ dɔɔ gɨŋ na, ban yege hɨn̰: «Ɗɔɔgɨŋ cay ƴaa-di-gumu di Jerusalɛm coŋ naŋ. Ama sɨmagɨŋ nee, gaman̰gɨŋ hɨnga ga Banɨ ba ye gɨ ɗi na kɨya lɔɔ bɨgɨŋ le, na hɨnga ga kɨŋ ba je koldɨge kɨbɨnɨ tumɔ le. Kɨya wa Ja̰ leen̰ kalaŋ batɛm na duroy kaŋ gaŋ, ama baa wɔlɛ dḛ wo̰ gɨ Kumu kɨya loogɨŋ batɛm da Turnɔ ɗe-kuduroy-bɛrɛ.»

Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Kɨɗɨn̰ ga ban yege kɔl gɨ nee le hɨn̰ wo̰ bɨ ga ma, kan soliige gɨ ban say cɨndɨge or daa nii. Kardi nee ɨni na, kan ɨre sol kardi hɨrɨm bɨ, gɨrɨmbale ɨrga tol cɨndɨge narge solii coŋ.

Kɨɗɨn̰ ga Jesu say or jɨn̰ gɨɗɨgɨ-Kumu gɨŋ na, ka-gɨre-gɨye kayi ɨre solge kardi gəɗəɗə. Sɨla! Ban̰aŋ won̰ge sɔɔ dege kɨɗɨn̰ andaŋge cayge dan̰ badɨge ga bɛrɛ tɨrɨjɨ tɨrɨjɨ, bɨ yege hɨn̰: «Kɨŋ kalaŋ ga Galile ga ba kɛ, na kɨya wa ma, magɨŋ ɨre sol kɨɗɨn̰ jɨn̰ gɨɗɨgɨ-Kumu gɨŋ hɨrɨm wo̰ ga? Sɨlagɨŋ! Jesu gɨ ba kɛ gɨ kan ayige duroygɨŋ orɨn̰ a daa nii le. Ban kɨya bɨlgɨ cayi jɨga na hɨn̰ wo̰ bɨ.»