I Versetti Biblici più popolari da Matteus Matteus 26

Condividi

Waak en bid, dat julle nie in versoeking kom nie; die gees is wel gewillig, maar die vlees is swak.

Toe sê Hy vir hulle: My siel is baie bedroef tot die dood toe; bly hier en waak saam met My.

En Hy het 'n bietjie verder gegaan en op sy aangesig geval en gebid en gesê: My Vader, as dit moontlik is, laat hierdie beker by My verbygaan; nogtans nie soos Ek wil nie, maar soos U wil.

Want dit is my bloed van die nuwe testament, wat vir baie uitgestort word tot vergewing van sondes.

En terwyl hulle eet, neem Jesus brood en seën dit, breek dit en gee dit aan die dissipels en sê: Neem, eet; dit is my liggaam.

En Hy het die beker geneem en gedank en dit aan hulle gegee en gesê: Drink almal daaruit

En Hy het na die dissipels gekom en hulle aan die slaap gevind en vir Petrus gesê: Wat, kon julle nie een uur saam met My waak nie?

Maar Ek sê vir julle, Ek sal van nou af nie van hierdie vrug van die wingerdstok drink nie, tot op daardie dag wanneer Ek dit saam met julle nuut sal drink in die koninkryk van my Vader.

En Petrus het die woord van Jesus onthou wat vir hom gesê het: Voordat die haan kraai, sal jy My drie maal verloën. En hy het uitgegaan en bitterlik geween.

Staan op, laat ons gaan; kyk, Hy is naby wat My verraai.

Toe sê Jesus vir hom: Bring jou swaard terug in sy plek, want almal wat die swaard gryp, sal deur die swaard omkom.