I Versetti Biblici più popolari da Matteus Matteus 24

Condividi

En omdat die ongeregtigheid toeneem, sal die liefde van baie verkoel. Maar hy wat volhard tot die einde toe, hy sal gered word.

En hierdie evangelie van die koninkryk sal verkondig word in die hele wêreld tot 'n getuienis vir al die nasies; en dan sal die einde kom.

En julle sal hoor van oorloë en gerugte van oorloë; pas op dat julle nie verskrik word nie, want al hierdie dinge moet gebeur, maar die einde is nog nie.

Want nasie sal teen nasie opstaan en koninkryk teen koninkryk, en daar sal hongersnode wees en pessiektes en aardbewings op verskillende plekke. Dit alles is die begin van smarte.

Die hemel en die aarde sal verbygaan, maar my woorde sal nie verbygaan nie.

Want baie sal onder my Naam kom en sê: Ek is die Christus; en sal baie mislei.

Dan sal hulle julle aan verdrukking oorgee en julle doodmaak; en julle sal deur al die nasies gehaat word ter wille van my Naam. En dan sal baie aanstoot neem en mekaar verraai en mekaar haat. En baie valse profete sal opstaan en baie mislei.

En Jesus antwoord en sê vir hulle: Pas op dat niemand julle mislei nie.

Daarom, wees julle ook gereed, want op 'n uur as julle dit nie dink nie, kom die Seun van die mens.

Waak dan, want julle weet nie watter uur julle Here kom nie.

Maar van daardie dag en uur weet niemand nie, ook nie die engele van die hemel nie, maar my Vader alleen.

Want daar sal valse christusse en valse profete opstaan, en hulle sal groot tekens en wonders doen; in soverre dat hulle, as dit moontlik was, die einste uitverkorenes sal mislei.

Maar soos die dae van Noag was, so sal ook die koms van die Seun van die mens wees. Want soos in die dae voor die sondvloed, het hulle geëet en gedrink, getrou en in die huwelik gegee, tot op die dag dat Noag in die ark ingegaan het, En dit het nie geweet totdat die vloed gekom en hulle almal weggeneem het nie; so sal ook die koms van die Seun van die mens wees.