I Versetti Biblici più popolari da ᤛᤣ᤺ᤰᤕᤢᤰᤔᤡᤒᤠᤜᤠ᤹ 1

Condividi

ᤁᤖ ᤂᤡᤏᤡ᤹ ᤌᤧᤔᤠ ᤏᤡᤱᤘᤠ᤹ ᤂᤥᤔᤠ ᤐᤥᤱ ᤑᤠ᤹ᤗᤧ ᤛᤣᤛᤣᤔᤠᤱᤅᤡᤴ ᤂᤡᤏᤡ᤹ᤀᤥ ᤋᤠ᤺ᤸᤗᤧ ᤔᤢᤰᤛᤠᤶ ᤁᤧᤄᤥᤛᤢᤶᤔᤠᤱ ᤂᤡᤏᤡ᤹ ᤕᤖᤢᤛᤗᤧᤶᤔᤥ. ᤕᤜᤢᤍᤡᤕᤠ ᤏᤢ ᤛᤠᤔᤖᤡᤕᤠ ᤌᤢᤶᤔᤥ ᤜᤧᤰᤁᤩᤠᤱ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤠᤖᤠᤰ ᤀᤡᤱᤃᤠ᤹ ᤀᤠᤍᤥ᤺ᤴᤍᤡ ᤁᤧᤒᤥ᤺ᤰᤂᤡ᤹ᤖᤥ॥”

ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤠᤵᤑᤠᤸᤗᤧ ᤁᤴ ᤐᤠ᤺ᤴᤜᤠ᤹ ᤁᤧᤳ ᤁᤧᤗ᤹ᤒᤠᤴ ᤏᤡᤔᤠ ᤌᤠᤔᤠ ᤂᤡᤏᤡ᤹ ᤕᤠ᤺ᤶᤒᤰ ᤔᤣ᤺ᤴᤗᤥ॥ ᤂᤧᤱᤃ ᤐᤠᤏᤢᤍᤡᤱ ᤐᤠ᤺ᤸᤗᤧ ᤀᤠᤒᤠᤅᤣ ᤁᤢᤏᤡᤱᤘᤠ᤹ᤀᤥ ᤏᤡ᤺ᤴᤎᤥ ᤆᤥᤃᤢ᤹ᤖᤥ॥

ᤌᤡᤰᤗᤧᤱ ᤂᤢᤏᤧ᤹ ᤂᤧᤱᤜᤠ᤹ᤏᤢ ᤆᤖ ᤕᤢᤅᤧᤸᤗᤧ ᤀᤰᤂᤣ ᤔᤧᤳᤋᤢᤛᤡ. “ᤕᤖᤢᤛᤗᤧᤔ ᤗᤧᤖᤧᤶᤔᤧ᤹ᤀᤠᤱ ᤀᤠᤸᤗᤥᤛᤠ ᤔᤧᤒᤣᤃᤧᤶᤔᤡᤴᤏᤧ᤹ᤀᤥ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤛᤣᤛᤣᤔᤠᤱ ᤐᤡᤏᤡᤱ ᤗ᤹ᤖᤡᤰ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤜᤠᤱᤄᤧᤶᤔᤧ᤹॥ ᤁᤱᤃ ᤋᤃᤡ ᤔᤧᤳᤏᤡᤱᤒᤠ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ ᤕᤢᤜᤢᤴᤏᤠᤖᤧᤃ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ. ᤁᤖ ᤁᤢᤓᤠ ᤕᤧᤴ ᤀᤣᤃᤠᤱ ᤛᤣᤛᤣᤔᤠᤱᤗᤠᤶ ᤒᤵᤋᤡᤛ᤻ᤔᤠ ᤁᤧᤒᤥ᤺ᤰᤂᤡ᤹ᤖᤥ॥”

ᤕᤧᤛᤢᤴ ᤋᤢᤰᤂᤣ ᤆᤩᤧᤀᤠᤱ ᤛᤩᤧ. ᤜᤧᤰᤁᤩᤠᤱ ᤛᤡᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤀᤠᤱ ᤗᤡᤒᤥᤱ (᥊᥆) ᤕᤧᤴ ᤌᤠᤖᤡᤰ ᤂᤢᤏᤧ᤹ ᤛᤧᤰᤂᤠᤀᤣ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤎᤠᤰᤛᤡᤱᤔᤠ ᤑᤠ᤹ᤀᤠᤱ ᤀᤧᤳᤗᤧᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤥ ᤀᤥᤛᤣ᤺ᤴᤎᤠᤰᤛᤡᤱ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤆᤧᤰᤋᤢᤛᤡᤖᤥ॥

ᤕᤧᤛᤢᤖᤧ ᤜᤧᤰᤁᤣ ᤐᤠ᤺ᤳᤋᤢ ᤛᤢᤖᤢᤀᤠᤱ ᤂᤢᤏᤧ᤹ ᤀᤥᤔᤧᤔᤧᤳᤋᤢᤖ ᤔᤧᤒᤳᤇᤧᤸᤗᤧᤀᤣ ᤌᤠ᤺ᤱᤎᤠ᤺ᤱ ᤛᤠᤱᤃᤪᤠᤶᤐᤣᤍᤠᤱ ᤗᤧᤵᤔᤠᤱ ᤐᤰᤂᤧᤖ ᤂᤠᤵᤔᤡ᤺ᤳᤋᤡᤸᤗᤧ ᤀᤡ᤺ᤵᤋᤢ ᤋᤣ᤹ᤖᤢᤖᤥ॥

ᤂᤧᤱᤜᤠ᤹ᤖᤧ ᤋᤠᤱᤛᤠᤰᤐᤥ ᤂᤢᤏᤧ᤹ ᤐᤱᤛᤡᤱᤒᤠ ᤀᤥᤔᤧᤔᤧᤳᤋᤢᤖ ᤔᤧᤕᤧᤒᤧᤸᤗᤧ ᤑᤃᤧᤗ᤹ᤒᤠ ᤋᤣᤳ ᤁᤧᤈᤠᤱᤒᤠ ᤏᤧᤵᤑᤢ ᤔᤠᤱᤗᤠᤀᤡᤱᤒᤠᤜᤠ᤹ ᤜᤰᤆᤄᤳ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤣᤛᤠᤱ ᤕᤧᤶᤏᤧᤳᤇᤡᤀᤠᤱ ᤐᤠᤖᤧᤳᤇᤡ. “ᤃᤠᤗᤡᤗᤒᤠ ᤔᤏᤠᤛᤣ. ᤌᤣᤀᤠᤱ ᤋᤠᤱᤛᤠᤰᤐᤥ ᤀᤥᤃᤧᤔᤧᤳᤋᤢᤶᤒᤠᤒᤣ᥅ ᤕᤧᤛᤢᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤥᤎᤥ ᤐᤱᤛᤡᤱ ᤐᤣᤒᤠ ᤜᤧᤰᤁᤣᤀᤣ ᤂᤢᤏᤧ᤹ ᤌᤡᤰᤕᤧᤴ ᤕᤠᤶᤔᤥ ᤕᤢᤖᤥ॥”