I Versetti Biblici più popolari da San Mateo 24

Condividi

Ta scaj te ya xp'ohl te mulil, bayel mach'atic ya xpehc'aj te sc'uxul yo'tanique. Pero te mach'a ya xcuhch yu'un c'alal ta slajibal, ha me ya xcol stuquel.

Ya me xpuhc ta halel ta swohlol bahlumilal sc'oblal te lec yach'il c'op yu'un te cuentahinel yu'un Dios, scuenta testigo-c'op ta stojol spisil nacionetic, ha to me ya xtal a te slajibal c'ahc'ale.

Yac awa'iyic te ay guerrahetic soc ya xchicnaj sc'oblal te ya xhahch guerrahetic, pero ma me xnihc awo'tanic yu'un, como ya sc'an ya xc'oht ta pasel spisil ini; pero ma to ha'uc te slajibal c'ahc'ale.

Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wi'nal soc nihquel ta bayuc. Pero ta spisil ini shahchibal to nax te sc'uxule.

Ya xlaj ch'ulchan soc bahlumilal, pero ma ba ya xlaj stuquel te jc'ope.

como bayel me yich'beyejon jbihil ya xtalic, te hich ya yalic: Ho'on Cristohon, xchihic; bayel mach'atic ya slo'loylanic.

Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile. Ta hich ora ay tsobol mach'atic ya xchebaj yo'tanic, talel c'axel me ya yac' sbahic ta c'abal soc talel c'axel me ya yihlay sbahic. Ya xchicnaj hahchel tsobol lotil jalwanejetic soc ya slo'loylanic tsobolic.

La sjac' te Jesús: Xawil me abahic, ma me ayuc mach'a ya slo'loyex

Ha nix hichex, chapaluquex me, como ya xtal te Nich'anil ay ta scuenta winic te bin ora ma ba yac ana'belic a.

Cuxuluc me awo'tanic, como ma na'biluc awu'unic bin ora ya xtal te Ajwalil awu'unique.

Pero mayuc mach'a ya sna' bin c'ahc'alil soc bin orahil, ni ha'uc te ch'ul a'batetic ta ch'ulchan ni ha'uc te Nich'anil, ha nax stuquel te Tatile.

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

Hich te bin ut'il ta yorahil Noé, hich nix ay ta yorahil ya xtal te Nich'anil ay ta scuenta winic. Como te bin ora ma to xtal a te puhlel, yacalic ta we'el uch'el, yacalic ta nuhpunel soc yac yac'belic nuhpunel a, ha to c'alal och ta barco te Noé, ma ba la sna'ic ha to c'alal tal te puhlel soc spisilic lajinotic yu'un, hich ya xtal te Nich'anil ay ta scuenta winic.