I Versetti Biblici più popolari da Sak 2

Condividi

Nane gaandi re na gitu: ga gibile ke gyo piinze guga biliimbe, gyo gikegifu gyo bene.

Kagu nave nyuru yiga dinyunyi yifu, gitu giga ne biliimbe gikegifu.

Baane ba Tayi, tsoongu nde gi gu mutu mu wuyambile re ane gitu ga asaritsige gyo ne biliimbe? Gitu gyene girungule muyobula?

Yine gitu re guke Nzambi moosya? Yine miluunge. Te manyunyi mabive ne mo, mane gitu gyene, makaregimi ne wome.

Te gotsu mutu arungule wuyambile re: «Yu, yine gitu te me mane biliimbe!» Ritsige me gitu gyagu giga biliimbe, ne me maguritsige yu gitu gyami ne biliimbe byaami.

Mumbare Nzambi asakebile ne dingyebe vaketsuundise yandi mutu wuselabe bambaatsi dingyebe; te mutu ga alabe bambaatsi dingyebe, Nzambi ne yandi agulabe yandi dingyebe wisu wu mutsuundu.

Kagu yenu dimeyulusu re mutu akavagu re ayi wusuungeme mu biliimbe byandi, sake mu gitu piinze.

Yigonelabe dyo: gitu gyandi ne biliimbe byandi biyendenge ke yiloonge, ne mu biliimbe byene, gitu gyandi gibile giga togu.