I Versetti Biblici più popolari da 1 યોહાન 3

Condividi

હે મારં વાલં બાળકોં, આપું વસન અનેં વાતં થકીસ નેં, પુંણ હાસ થી કામ કરેંનેં પ્રેમ કરજ્યે.

ઇસુ મસીહવેં આપડી હારુ પુંતાનો જીવ આલ દેંદો, હેંનેં થીસ આપું પ્રેમ કરવો જાણન્યે હે, એંતરે હારુ આપડે હુંદું વિશ્વાસી ભાઈ-બુંન હારુ જીવ આલવો જુગે.

ભાળો, બા પરમેશ્વરેં આપં ઇપેર કેંવો પ્રેમ કર્યો હે, કે આપું હેંનં બેંટા-બીટી કેંવાજ્યે, અનેં ખરેખર આપું હેંનસ બેંટા-બીટી હે. એંતરે હારુ દુન્ય ન મનખં આપનેં પરમેશ્વર ન બેંટા-બીટી હે એંમ નહેં જાણતં, કેંમકે હેંનવેં પરમેશ્વર નેં નહેં જાણ્યો.

ઝી કુઇ પાપ કરતુંસ રે હે વેયુ શેતાન ના કાબુ મ હે, કેંમકે શેતાન સરુવાત થીસ પાપ કરતો આયો હે. પરમેશ્વર નો બેંટો, શેતાન ન કામં નેં નાશ કરવા હારુ દુન્ય મ આયો.

ઝી કુઇ પરમેશ્વર નું બેંટા-બીટી હે વેયુ પાપ નહેં કરતું, કેંમકે હેંનેં મ પરમેશ્વર નો સોભાવ હે. અનેં પરમેશ્વર હેંનો બા હે એંતરે હારુ વેયુ પાપ કરેંસ નહેં સક્તું.

અગર કુઇ ધનવાન વેહ અનેં વેયુ કઇનાક મનખ નેં જરુરત મ ભાળેંનેં, હેંનેં ઇપેર દયા નેં કરે તે પરમેશ્વર નો પ્રેમ હેંનેં મ રેં નહેં સક્તો.

ઝી પરમેશ્વર ની આજ્ઞાવં નેં માને હે, વેયુ પરમેશ્વર મ અનેં પરમેશ્વર હેંનેં મ બણેં રે હે. અનેં હેંનેં થીસ એંતરે ઝી પવિત્ર આત્મા હેંને આપનેં આલ્યો હે, આપું જાણન્યે હે કે વેયો આપડી મ બણેંલો રે હે.

એંનેં થીસ પરમેશ્વર ન બેંટા-બીટી અનેં શેતાન ન બેંટા-બીટી વળખાએ હે, ઝી કુઇ ધાર્મિક કામં કરે હે અનેં વિશ્વાસી ભાઈ-બુંનં નેં હાતેં પ્રેમ રાખે હે વેય પરમેશ્વર ની તરફ થી હે.

ઝી હમિસાર તમવેં સરુવાત થી હામળ્યો, વેયો આ હે કે આપું એક-બીજા હાતેં પ્રેમ રાખજ્યે.

હે વાલોં, અગર દુન્ય ન મનખં તમારી હાતેં નફરત કરે હે તે નવાઈ નેં કરતં વેહ.