I Versetti Biblici più popolari da Markga 10

Condividi

Egi Wankshig‐hinigra una shesge E inke wagirairekje waunjinina, eshi wawagirekje, egi wankshig‐hoi harnira wogarna roha hikikuruwi hiuine.

Egi Jesus waworuxujanaga wena: Wankshig homashja harnine hiura inke ruxurug phinina, eshi Maura inke washanisha gijexinina.

Egi Jesus wagena: Karare, harnaxgu hashinira rushjanina. Egi higuana wajarna egi Jesus hironagshana.

Esge Maura jagu hakishjeghira inke hisha kiruje wahininana.

Egi Jesus horuxujshana egi wogixetena egi wagena: Washa hisha hininujis‐rajena, karanaga egi jagu hashinigi wawikuru‐winge, egi wanajojaisgeja wawogaje, egi wangregi washa jexi hashinikjanena, egi jiarnaga, egi nanamihera rusanaga egi hiroinagaja.

Egi Jesus horniharna egi wagena: Jagu ningiunkje roragushe? Wang hishjarning‐jega wagena: Hirukanara waja‐hingigire.

Eshi inke she‐nisgarnikjawina horograwiregi, eshi higu peshe horograwiregi xetekjegi, e ware hashinikjanihawina.

Hisgexjina hinigawina, higu peshe Maura hungma harnira inke rusnianaga ninkjang xununig hikisge khinigi, inke hija hokawarnikjanena.

Eshi roha jornira hereranihegi hahi hirowagnira hererekjanena, egi hirowagni hiranihegi hahi jornira hirerekjanena.

Eshi wogus jeg hojikere‐hiejareja Maura wangra egi hinugra wagus‐shana. Esge wangra hianjra egi hiunira wat’unarnana egi hijawina harusherejnana. Egi nupiwi she‐e rora hishankira hirekjanena, esge epa inke nupiwini‐kjanihawina eshi rora hishankira hirekjanena.