I Versetti Biblici più popolari da Apocalipsis 20

Condividi

Chupam i a' le, xek'aq b'i ni'pa i tz'ib'am ti kib'i chupam i wuj re i k'aslemal saqil. Keje ile x-aljinsax chwe.

Xaq xewil i kamnaq je tak'al chwach i Dios; o i je nimaq xaq o i je ch'utiq je tak'al chwach i kub'ib'al chi o u'ij. Ni'pa i ki'anom tz'ib'tal chupam jub'an wuj. I wuj le o i xjaqawik; te'uri xjaqtaj jun chik wuj chi are i wuj re i k'aslemal. I je kamnaq, x-at ni tzij pkiwi, wach i ki'anom, chrij pacha i tz'ib'tal chupam i wuj.

Ipa krajawin wi i kamik xeujach i kamnaq chi je o te'eq ru' ire, xaq i mar xeujach i kamnaq, i konojel ike x-at ni tzij pkiwi chrij wach i ki'anom pkik'aslemal. Te'uri, i rajaw i kamik xk'aq b'i chupam i uk'ijib'al a'. I k'ijib'ali re i a', are i ukab' kamik.

Te'uri xwil jun nim laj kub'ib'al saq chi o u'ij, xaq xwilo chi o jun kul chila chi lik nim i u'ij uchomal, xwiri chwach Ire xsach uwach i kaj xaq uwach ulew, lik mijun xril chik uwach.

Are kk'is i lajujwinaq kamo' (1,000) junab', are uri ko'tax li Satanás kelsax li pa tz'apil wi. Ire k-e chkit'orik i Gog xaq Magog, chi je are ni'pa i tinimit re ronojel uwach i jyub' ta'aj. Te'uri i Satanás kumol kichi' i achiyab' chi je yij che i ch'oj, lik je k'i, pacha i uk'iyal i seneb' re i mar. Keumol na re i ch'oj.