I Versetti Biblici più popolari da Mâk 10

Condividi

Ké ebóng, nang Wǎn-Onet o*da/bê o/fu, bakû ǎ ebángê byitwóm*. Nké nyǐ o/bê byitwóm ebángê, ne dyikpen emen ekye, eringe nyí odaré dyifwá ńdyí banet chwóó o-kye Osówo.

Jisos o-tún bǎmgbán emen achi ké bushú cápcáp, ne o-faa kámbé o/fu, ńkyín banet baa*man echi* nké Osówo o-man n echi. Osówo o-man n echi kángkáng byěm.

Jisos o-sét onyinchéng ámu o/fu, ca a-dim, dyityém eyên ńdyí a/fé ne me dii/chi ǒ a-nyange. Ké abe ányi, o-kpet erángê, ne o-kpet ecen o-ca ké bukwóp ne Jisos ké kyikû.

Onet o*dachi o-pap kâng ńkyí Osówo oo/cibi kyikit kyibónge*.

Jisos o-tún onyinchéng ámu achi ké bushú cápcáp ne kyijé, ne o-sét ǎ o/fu, chwǒm kyi/waa ǒ kyibónge ńkyí adachîchi. Ca a-da-kúng byěm eyên ḿbyí amu ne mbyí a-shee kángkáng, a-yip akpuga ányi a-kye banet-byikpu, ne wo a/chi a-fang kyíbóng. Ne a-bâ a-kûcen ne me ké kyikû.

Jisos o-bí ǎ o/fu, wo amu a-ryuu ng a/fu, me nchi ǒ ebóng. Nsêe achi ámu o-faa o/fu, ntánge byiraa-Osówo, me mu n-ryuu ng n/fu, n-chî ng erángê.

Ńkyín kâng ne ben kyi*fí éné*. Â nang onet obónge ké burwám enen mu o-ryuu ng o/fu, nyǐ o-kyú u kiǐtí-onet, nyǐ o-man o-kyú ḿgbán enen ashí amúmú.

Zîim m̂ ńkyín ba/fu, nang yeě nké o*da/bángê ne dyityém emen wǎ wǎn-ojújwô* o/fu, Osówo okyú Otu emen* oo*ba/chi o-nung ké Butu ḿbú Osówo*.

Nké bujê-banet chwóó ḿbé ba/bwóp kashú kántîk ba/chi ba-ryí esim, ne bujê-banet chwóó to ḿbé ba/ryí esim kántîk ba/chi ba-bwóp kashú.

Nké ké kiimkpet kyikû, ké nkéré mú Osówo o/chi ejíí, ba/mû ba/sét ba/fu, Osówo o/chi onyinchéng ne onyinyi. Ké bubwô ḿbún, onyinchéng o-mîng ng bonchí ne boné, o-da-cibi ne onyi emen, ne mbé ashí afee ba-firi onet obónge. Mbé kâng ba*fí to ashí afee*. Ba/firi onet obónge.