I Versetti Biblici più popolari da Mátyuu 26

Condividi

Kû n̂g ebám ba-fâ nshwam, eringe nyí baa*ba/chi ba-nung ké okan*. Dyityém ndyi dyi-ryuu ng, nké enyam-byiko nké nyi kyeekyee.

ne o-sét kámbé o/fu, bafip baa/sú mě ké dyityém éné wǎ m-kpú u. Kyú n̂g nyín ba-bám ne me ké kyikû.

O-tín o-jâ ké kashú kaǎnyín, o-fé bushú kyísí, ne o-fé nshwam o/fu, Kyítá, â kyi-nwa ng echi, koo mě mmîk-busông eri mún. Nké *chí ńkyí me mu n-ryuu ng* nké ńkyí wo amu a-ryuu ng.

Ké ebóng, nyín něen baróng ejí ḿbé ba/kúlî ocím mú Osówo o/ryí o-sem byiko emen, baróng ejí ḿbé ba/chi ba-byí mě ké byiko, ké dyishí-banet chwóó, ké byibî epwoo.

Ké nkéré mú mbe ba-ryí i byiryíng, Jisos o-yip berêt, o-kó Osówo asǎma, o-ját kámú o-kye bǎmgbán emen. O-raa o/fu, koo n̂g ba-ryí, nyín něen enyam-byiko ejí.

O-kúng to kâng mmîk-bato, o-kó Osówo asǎma, o-kye kámbé to. O/fu, jwáp n̂g ashí enen amúmú.

O-bwa kâng esim o-kâm bǎmgbán emen ámbe ashí achât, ne o-ri o/fu, ba-kú ba-rê ng. O-raa kâng ne Pyíta o/fu, ebóng ńkyí ben ashí achât baa*man ebám ne me ké kyikû* ké nang kaǎnyín-nkéré*.

Me mu n-sét ng běn n/fu, me mm*ba/chi n-chîjwáp bato ḿbén* tata dyicí ńdyí ndajwáp ḿbé bafyîfî ne ben ké Butu ḿbú Bonchí ejí.

Ne Pyíta o-zîim ńkyí Jisos o/mû o/sét ǎ o/fu, ne otúkwa o-kûkó, wo a/chi a-fu kampén kachât a/fu, wo a*fí a-nyît ng mě*. O-byí kyíjí, o-da-tii kanong kanong.

Bûu n̂g nensang, byi-dim m̂. Onet mú mu o-bâ echi ba-kám mě oo/fárâng.

Jisos o-raa kâng ne nyǐ o/fu, bwa ne kashwám eyên a-shwá ké nkwóp, ké ebóng, kángkáng banet ḿbé mbe ba-kúng ng kashwám ba-kpú u ké nké.