I Versetti Biblici più popolari da Pwärätä 20

Condividi

Iö esap mak itan lon ewe puken iten chon manau a koturulong lon ewe nomun ekkei.

Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.

Mürin ewe matau a fangewu ekewe mi mäla ra nom lon, pwal mäla me ewe lenien sotup ra fangewu ekewe mi mäla ra nom lor. Iwe, ir meinisin ra küna kapwüng won meinisin mine ra föri. Mürin mäla me ewe lenien sotup ra koturulong lon ewe nomun ekkei. Ei nomun ekkei, iei ewe aruen mäla.

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.

Iwe, wesin ekewe engeröü ier, Satan epwe musala seni an fötek. Epwe feila pwe epwe atupu chon ekewe mwü won unusen fanüfan, ekei mwü Kok me Makok. Satan epwe achufengeniir meinisin pwe repwe maun, iteiter meinisin ra usun iteiten föün pien aroset.