I Versetti Biblici più popolari da Loomë 5

Condividi

Kasi Nzaambi watuleesi ti naandi wutuzolisi. Kliistu wufwiilë mu beeso, bunë twabooso mu mësumu.

Civuufu be cyooci cisë tufwiisi sonyi ko, cibilë Nzaambi wudukulë luzolo lwaandi mu mitimiitu mu Ciluunzi ci Saantu cyo naandi kutuvaanë.

Beeso tuke beenë liyaanji mu simpasi tum'monë, cibilë tuzabisi ti simpasi sin'twaalaangë n'ciimbë moonyi, n'ciimbë moonyi yin'vaangësyaangë kuciindë mu simpekaadu i kuciindë kun'vaanaangë civuufu.

Mu lyaawu, beeso tweekë baatu bësulëmë mu Nzaambi mu cibilë ci ciminu ciitu i beeso tweekë mu n'sikë yimunë naandi mu Fumwiitu Yeesu Kliistu. Mu ciminu mu Yeesu, twabakë muulë wu Nzaambi wunë tun'kalilë tuciindë. Linë lituvangisi sinyeenzi, mati civuufu mu kubakë cikuuku mu bumpumu bu Nzaambi.

Mu bwaawu, bunë beeso tukaambu kubakë likanë mu kubasikilë, Kliistu wufwiilë mu misumici mu ntaangu yo Nzaambi kusitikë.

Mu luvakulu lwaandi, beeso tweekë baatu bësulëmë fë nduunzi Nzaambi. Buni beeso tun'kaambu kuvukilë mu likaanzi li Nzaambi!

Bwaawu, mu cibilë ci muutu mweekë wukaambu kuwulu Nzaambi mpaapë baatu bëbwa mu lisumu, bo bumweekë, mu cibilë ci luciinzu lu muutu mweekë, mpaapë bisë ba bësulëmë fë nduunzi Nzaambi.

Beeso tuke beenë liyaanji fë nduunzi Nzaambi mu cibilë ci Fumwiitu Yeesu Kliistu, mu naandi mwaawu twavutulë cindiku yimunë Nzaambi.