I Versetti Biblici più popolari da Loomë 10

Condividi

Ningë ti mu munwaaku wulë mu kusisiminë fëke bakë booso ti Yeesu wuli Fumu i ningë njeeyi wun'ta lyaanë mu n'timaaku wooso ti Nzaambi wun'vulumunë mu bëfwa, njeeyi wun'vuukë.

Cibilë mu n'timë, mwaawu bëkun'teelë maanë i Nzaambi wun'vangisyaangë kusulëmë muutu wo wacikunë, mati mu munu tun'sisiminë i Nzaambi wun'vuuci wunë wun'vangilë kati obo.

Boobo, ciminu cin'fuminë mu manë tun'kuwu i manë tun'kuwu mën'fuminë mu Libuungu li Kliistu.

Cyelikë lisonëmë : « Wosuku wun'ta maanë mu naandi kusë wum'monë sonyi ko. » Boobo, luvyakunu voo yimunë Sizwiifë i basë Ngeleekë: bakë booso fumwaawu yimweekë, wun'vangaangë mëboti maandi ke bakë booso bëkun'telë mbilë. Cibeeni bëtubë : « Wosuku wun'telë lizinë li Fumu wun'vuukë. »

Buni bëkun'tendulë ningë baatu ve bëfilisi mu lyaawu? Busonëmë : « Mati liboti mu kumonë lwisulu lu banë bën'natë Mpolu Mboti! »

Kasi buni bëm'podi kun'telë mooti bësye n'teelë maanë ko? Buni bëm'podi kun'cikuninë mooti bësye kuwulu wosuku wutubilë mu naandi? Buni bëm'podi kun'yuwulu mooti muutu ve wukun'tendulë?

Cibilë Kliistu wanatë tee ku siitu n'kaakë Moyiizë, bwiinji bakë booso bën'ta maanë bësulëmë fë meeso më Nzaambi.