I Versetti Biblici più popolari da Mëvaangë 1

Condividi

Kasi beeno lun'tambulë luleendo, ntaangu yo Ciluunzi ci Saantu cin'kulumukë mu beeno. Mu lyaawu beeno lum'ba simbaanji syaami mu Yelusaleemë, mu Zudee yakë yooso i mu Samali, tee yi kunë situkulu n'toto. »

Yeesu wusë bëvutulilë : « Liinu beeno ko mu kuzaabë sintaangu, kaambofo siteepu, cibilë naveekë Taatë na wusitikë syaawu mu lutumu lwaandi.

Cilumbu cin'viipë, ntaangu yo kulëkwambulaangë yaawu fë cimweekë, naandi wusë bëvaanë lutumu alu: « Luyakënyaanu ko fë livulë li Yelusaleemë, kasi ciingaanu linë Nzaambi wulukanyi, Likabu linë miinu yilukaambë. Za wubatizyaalë baatu mu masi, kasi fë mwa bilumbu beeno bëlubatizyaalë mu Ciluunzi ci Saantu. »

Fë mbusë lufwa lwaandi, naandi wuyimonikë ke baawu mu mpilë ku mpilë yaandi ti naandi wuke moonyi. Fë mëkumë-na (40) më bilumbu, naandi wusë bëmonikinë i wusë bëkaambë mu Lwaangu lu Nzaambi.

Abu kwe bëkaambë mamoomë, bunë bakë booso bëlën'talaangë, Yeesu wusë kweendë ku yilu, livweeti lisë n'fukë fë meeso maawu.

Bunë bëlëtalaangë ku yilu kunë Yeesu wunangukë, kuzimbukulabu, bëbakëlë bwaali bëba mu n'vwaatu wu mpeembi bisë kubëmonikinë, i bisë kubëkaambë ti : « A basë Ngalilee, cibilë mbicye beeno luke talilaangë ku yilu? Na Yeesu wunë Nzaambi kunangunë ku yilu fë n'twaliinu, wun'vutukë bo bumweekë lwam'mweenë kwendilë ku yilu. »