I Versetti Biblici più popolari da Ndwuma 1

Condividi

Na mbom Sunsum Krɔnkrɔn no nya ba hom do a, hom benya ahoɔdzen; na hom bɛyɛ m’adasefo wɔ Jerusalɛm, nye Judea nyina, nye Samaria, dze ekodu asaase ano noho.

Na ɔsee hɔn dɛ, Ɔnnyɛ homdze dɛ hom bohu mber anaa mber nkyekyɛmu a Egya no ahyɛ ato hɔ wɔ nankasa no tum mu no.

Na ɔnye hɔn dzii ehyia no, ɔhyɛɛ hɔn dɛ mma wommfi Jerusalɛm nnkɔ, na mbom wɔntweɔn Egya no n’anohoba no a hom tsee ho asɛm wɔ m’anomu no: dɛ John dze, ɔdze nsu numae, na hom dze, orinndzi nda dodow biara wɔdze Sunsum Krɔnkrɔn bonuma hom.

Hɔn so na n’amandzehu ekyir no, oyii noho kyerɛɛ hɔn adaduanan mu mpɛn pii dɛ ɔda ho tse ase dze yɛɛ dasehyɛ, na ɔkyerɛɛ hɔn Nyankopɔn n’ahendzi no ho nsɛm mu.

Na owiee yinom ka, na wɔrohwɛ no no, wɔmaa no do kɔr sor, na mununkum gyee no fii hɔn enyiwa do.

Na ɔrokɔ na wɔrohwɛ sor hann no, hwɛ, mbarimba beenu bi hyɛ ntar fufuw begyinaa hɔn nkyɛn, na wɔkaa dɛ, Galilii mbarimba, Ɔyɛ dɛn na hom gyina hɔ rohwɛ sor yi? Jesus yi ara a wɔafa no efi hom nkyɛn kɔ sor yi, ɔbɛba dɛmara dɛ mbrɛ hom ehu dɛ ɔrokɔ sor yi.