I Versetti Biblici più popolari da Va le Roma 8

Condividi

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe.

Hakuva nza kholwa nguvu lezaku hambu ku hi kufa, hambu wutomi, hambu ni tingelosi, hambu ni vafumeli va mimoya, hambu ni zilo zi nga kona, kutani zilo zi ta ngata, hambu ni mintamu ya le hehla, hambu ya lomu kueteni, kutani xinwani xilo xi vangilweko, zi nga ta zi kota ku hi hambanyisa ni liranzo la Nungungulu, leli li nga kona ka Kristu Jesu a Hosi ya hina.

Hizalezo kambe a Moya wa hi vunetela a gomeni ga hina; hakuva hina a hi zi tivi a ku khongela kota lezi zi hi faneleko; kanilezi wona Moya wutsumbu wa hi khongotelela hi miketo leyi yi nga wulawulekiko.

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Hikwalaho a ku na kukoniwa ka lava va nga ka Kristu Jesu.

Hakuva a maalakanyo ya nyama hi kufa, kanilezi a maalakanyo ya Moya hi kuhanya ni kurula.

Kanilezi ka zontlhe lezi zilo ha hlula ni ku hlula ha yena loyi a nga hi ranza.

Hakuva nza alakanya nziku, a kuxaniseka ka lexi xikhati a ku na ku ringaniswa ni kungangamela loku ku ta nga wonekeliswa ka hina.

Himani a ta nga zi kota ku hi hambanyisa ni liranzo la Kristu ke? Ku ta ngha ku hi kukarateka, kutani hlomulo, kutani kuxanisiwa, kutani i ndlala, kutani wuna, kutani timhango, kutani supado ke?

Loyi a hlolako timbilu wa ma tiva a maalakanyo ya Moya, hakuva wu khongotelela a vobasa khwatsi hi kuranza ka Nungungulu.

Hakuva vontlhe lava va rangelwako hi Moya wa Nungungulu, lava hi vana va Nungungulu.

Hakuva lava va hanyako hi ka nyama va chela kota hi zilo za nyama, kanilezi lava va hanyako hi ka moya va chela kota hi zilo za moya.

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

Ni wona Moya wutsumbu wu kustumunya zinwe ni moya wa hina lezaku hi vana va Nungungulu. Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye.

Hakuva a maalakanyo ya nyama wulala ka Nungungulu; hakuva a ma ingisi a nayo wa Nungungulu, futsi a ma zi koti.

Hakuva zontlhe zivangwa zi cuwukela hi kunavelisisa ka hombe a kuvululelwa ka vana va Nungungulu.

Hakuva ha zi tiva lezaku a zivangwa zontlhe za keta ni ku xaniseka hi kulunwa kala makunu.