I Versetti Biblici più popolari da Isaya 55

Condividi

Nguko mialakanyo yangu, hi nga mialakanyo yanu, ni tinzila tanu, hi nga tinzila tangu, kuwomba MKOMA.

Nguko nga kule nzuma yi ku txitimwi ngutu kupinda mafu, ngu tona eto, ni tinzila tangu ti txitimwi ngutu kupinda tinzila tanu, ni mialakanyo yangu yi txitimwi ngutu kupinda mialakanyo yanu.

Lavani MKOMA a txi ngadi e maneka, m'dhaneni a di ngadi hafuhi.

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka MKOMA, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Anu motshenu mi ku ni ditora, ngonani matini, ni nanu mi singako ni male, ngonani mi ta xava, mi dya; Ina, ngonani mi ta xava, mi si nga ni male, mi si nga ni mtengo, vhinya ni masi.

Nguko nga ti nzuma ni huguva si txhikako ngu nzumani, si si tshumeleli kona, aniko sa nakanisa mafu, si ma maha me ninga dibhindu, ni kumilisa, ni kuninga mbewu ka wule a phayako, ni sakudya ka wule adyako, di na mahisa toneto dipswi di di no huma ngu txisofuni kwangu; dona di na tshumelela kwangu i ti diphanga, di na maha kudhunda kwangu, ni kuhetisa tile ni ngadi rumela tona.

Nguko mi na huma mi di tsakile, mi tsimbitiswa ngu kuthutha; mimango ni simangwana si na kwangula ngu kutsaka masoni kwanu, se yotshe mindonga ya txitinga yi na peka manza.

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.