I Versetti Biblici più popolari da سيرة الحواريين 1

Condividi

بس لمّا يحلّ عليكُن روح الله وتاخدوا قوّة، وتصيروا إلي شهود، بتبلشوا بالقدس وبكلّ بلاد يهوذا والسامرة ولآخر الأرض."

فجاوبُن (سلامه علينا): "ما بصير تعرفوا الأوقات والمواعيد يلّي حدّدها الوليّ الرحمن، والعلم عند الله.

وبمرّة كان سيّدنا (سلامه علينا) عم ياكل هوّ والحواريين والأتباع، فوصّاهُن وقلُّن: "ما تفلّوا من مدينة القدس، بس خلّيكُن فيها ناطرين وعد الوليّ الرحمن ربّ العالمين، بحلول روح الله فيكُن يلّي سبق وسمعتوه منّي، وإذا النبي يحيى كان يغطّس الناس بالميّ ويطهّرن، فإنتو بعد إيّام قليلة رح تِتطَهّروا بفيض من روح الله يلّي رح يحلّ عليكن.

وبعد صلبُه، وموتُه، وبعثُه حياً، برهَن سيّدنا عيسى للحواريين والأتباع ببراهين كتيرة إنّه بعدُه حيّ، وهالشّي بظهورات امتدِّت لمدّة أربعين 40 يوم، خبَّرهُن فيها عن المملكة الربّانية.

وبعد ما أنهى كلامُه معهُن وهنّ وحوارييه عم بشوفوه إجت غيمة وحاوطِتُه ورُفِعَ معها، واختفى عن عيونُن.

وبين ما كانوا عم يتطلّعوا عالسما مدهوشين ومش مصدقين، قام ظهرلن ملاكان عهيئة رْجال لابسين أبيض بأبيض. وقالولن: "يا أهل الجليل ليش عم تتطلّعوا عالسما هيك؟ شايفين عيسى يلّي انرفَع من بيناتكُن عالسما! هو نفسه راجع وبنفس الطريقة متل ما شفتوه رايح لهونيك."