I Versetti Biblici più popolari da Rkaa̱ 5

Condividi

Ngije kamaá nga tsíchji̱a̱, Kjisoo̱ bi̱ katsoó Ximoo̱: –Tꞌenje̱ ji tjotso jee̱ nínga ꞌniú na̱nga̱a̱ ngi̱ndi̱o̱ò, kó ki̱a̱ tjiénjnú nda̱ꞌyajnú, tsi̱ꞌe̱ nga kjo̱yajnú tji̱o̱.

Kó bi̱ katsó Ximoo̱: –Mostro̱, nga ngo ni̱xtji̱e̱e̱n ikjienjne̱ nda̱ꞌyajne̱, kó nde ngo tji̱o̱ kjíyájínjne̱, ta̱nga tji̱e̱nga ji xi bo̱a̱ tꞌísé, kuijen an nda̱ꞌya̱a̱. Kó ngije yején nda̱ꞌya̱a̱, achichí tji̱o̱ kjíyaá, ngaskande katjondiyájo̱ ma nda̱ꞌya̱a̱.

Ta̱nga Kjisoo̱ tsangasendie nga kijítꞌaxín ngo ngi̱ndie nínga jmíjín xi tjín nga kijíchji̱a̱a̱ Néná.

Kó án jmí xota̱ xi kixi̱ jéꞌe̱chjiajáa̱n, xota̱ jé boá xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Kó ngije kamábe kui nii̱ nda̱ xi ꞌmí Ximo̱ Peé, asiéntꞌaa̱tikoó Kjisoo̱, kó bi̱ katsoó: –¡Tji̱taxíntꞌení Ndi̱a̱, ngatꞌa̱ xota̱ jé án!

Kó Kjisoo̱, bi̱ katsoó: –Xota̱ xi oo̱n xí chjieén chji̱ni̱e̱ndiki, jmí tsi xota̱ xi ndaa̱.

Kó ngije kijíjo̱ tjotso jee̱ tꞌa ndaá, ki̱a̱ íjñámasien ngayeje ni xi ndyi̱yaꞌa, kósꞌe̱ kijítji̱ngii̱ Kjisoo̱.

Kó ngo ndi̱yà nga tikón Kjisoo̱ ngo na̱xi̱ńdáꞌniú, ki̱a̱ jachókoón ngo nda̱ xi tjiín chiꞌin xi tsꞌénkjátsón tji̱xin yojoná, kó nga kamábe Kjisoo̱, kui nda̱a̱ kisꞌijñaxtien ngaskande nga jachótꞌaa̱ kje̱n tꞌanangii̱, kó ꞌniú tsíꞌaá Kjisoo̱, nga bi̱ katsoó: –Ndi̱a̱, tsi ji xi mejeén, ka̱ma ti̱ꞌintsjiejínní nga xtjo̱ꞌóxín chiꞌinna. Kósꞌe̱ Kjisoo̱ yejénnié tsja, kó katsꞌénjo̱, nga bi̱ katsoó: –¡Mejénna, ngatamatsjiejón ji! Kó ti̱ kjiꞌa katjoꞌóxín chiꞌin xi koo̱n kui nda̱a̱.

Ta̱nga ta̱sasá ꞌniú kamáyà ngase ni xi katsꞌén Kjisoo̱, kó achichí xota̱ kamátikó xi tsintꞌieé ni xi katsó, ko̱jo xi jachókoón tsi̱ꞌe̱ nga sa̱ꞌíndaya chiꞌin xi koo̱n.