I Versetti Biblici più popolari da Māteo 26

Condividi

E ꞌa-ꞌara e pure ꞌo hara. Nā ꞌi roto i a kōrua te haŋa mo aŋa i te meꞌe riva-riva, te ꞌino nō he taꞌe pūai o kōrua».

He kī: «E rahi rō ꞌana te māui-ui ŋaroꞌa e au ꞌi roto i tōꞌoku māhatu ꞌi te ꞌati ka topa mai ena. Ka no-noho kōrua ꞌi nei; e uꞌi ꞌo hāꞌuru rō».

He haka ꞌava-ꞌava a Ietū pe muꞌa, he tū-turi he noi ꞌātā ka puā rō te tira ki te ꞌōꞌone, he pure: «E Koro ōꞌoku ē, ana tano ki a koe, ka toꞌo te ꞌati nei mai ruŋa i a au. ꞌE, ka ai atu ꞌī ꞌāꞌaku meꞌe haŋa, ka haka tano hai meꞌe ꞌāꞌau i haŋa ꞌe taꞌe hai meꞌe ꞌāꞌaku».

He toto nā ōꞌoku ka tehe ena mo te riva-riva o te taŋata, mo haka kore o te rāua hara. Hai nā toto ka tāpaꞌo ena i te ⌊haka tere iŋa ꞌāpī o te ꞌAtua ananake ko te taŋata⌋.

E ka-kai nō ꞌana ananake, he toꞌo e Ietū i te haraoa e tahi, he māuru-uru ki te ꞌAtua, he more-more, he tuhaꞌa ki tāꞌana nuꞌu hāpī ꞌe he kī: «Ka kai kōrua i te haraoa ena; he hakari ōꞌoku».

I oti era he toꞌo i te hapaina vino, he māuru-uru ki te ꞌAtua, he vaꞌai ki tāꞌana nuꞌu hāpī ꞌe he kī: «Ka unu kōrua taꞌatoꞌa mai roto i te hapaina ena.

He hoki ia ki tū kona era ꞌi ira a kuā Pētero, he uꞌi ko hāꞌuru ꞌana. He meꞌe ki a Pētero: «¿Kai ravaꞌa hia ka tahi hora o te hokorua mai o kōrua i hāꞌuru rō ai?

ꞌĪ a au he kī atu: e ko unu haka ꞌou a au i te vino ꞌātā ki te mahana ka unu ena tātou i te vino ꞌāpī ꞌi te ao haka tere e tōꞌoku Matuꞌa».

He topa te manaꞌu o Pētero ki tū meꞌe kī era e Ietū: «E ko ꞌoꞌoa hia te moa ka kī rō ena e koe e toru kī iŋa kai ꞌite koe ko ai a au». He eꞌa ia a Pētero he oho mai tū kona era, ꞌe he toꞌo rō atu ꞌai te taŋi.

Ka eꞌa ki ruŋa ki oho rō tātou. Nā ko hāhine mai ꞌā tū kope era mo vaꞌai i a au ki te rima o te nuꞌu ra-rahi».

He kī e Ietū: —Ka haka hoki taꞌa hoe ena ki tōꞌona kona. Te taŋata taꞌatoꞌa moto hai hoe hai hoe ka mate ena.