I Versetti Biblici più popolari da Maꞈtehˬ 26

Condividi

Muˇ juˇ juˇ-eu mehˬ nah naw maꞈ maˬ ya caw teh gʼeh ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Aˬ ha smˇ gʼaˬ-ahˇ aˬ yawꞈ ehˇ nehˬ-eu, “Ngaˬ-euˬ nui ma shaˬ zahˬ mˇ-eu shiˇ taw tehˬ ni miˇ-a. Heu gaˇ jawˇ-awˇ, ngaˬ nehˬ-ehˇ loꞈ tawˬ-awˬ.”

Aˬ yawꞈ ui cuiˆ iˇ jiˆ-awˇ, baˬ ba miˇ tsa tuˆ ni awˆ byaˆ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ dzeuˇ-iˇ nya naˇ, bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ. Nawˬ-euˬ nui noeˬ bi pyeuꞈ-awˬ.”

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Aˬ yawꞈ maꞈ ciꞈ hawˬ dzaˬ luꞈ ngeh, Yeˬsuˇ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, ngaˬ-euˬ gʼawˇ mawˇ ma. Yuˇ-awˇ dzaˬ-awˬ” lehˇ ehˇ-awˇ biˇ nehˬ-euˬ meh.

Kʼoeˇ naˇ, aˬ yawꞈ kʼmˬ maˬ ciˬ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ-ahˇ ciˬ nehˬ-awˇ, heu loꞈ-ehˇ ehˇ nehˬ-euˬ meh. “Yawˬ gʼaˬ na luꞈ ciˬ-awˇ dawˇ-awˬ.

Kʼoeˇ naˇ, zaˬ lahˇ kʼoeˇ smˇ gʼaˬ jawˇ gaˇ aˬ yawꞈ gʼoꞈ-iˇ ngeh, yuꞈ kʼaˆ taˬ-euˬ gaˇ ya mawˇ-euˬ meh. Aˬ yawꞈ Beˬtuˆluˆ-ahˇ ehˇ nehˬ-eu, “Nawˬ ha smˇ gʼaˬ naˬ liˬ tiˬ laꞈ byah ni tehꞈ-ehˇ kʼawꞈ ngaˬ nehˬ-ehˇ maˬ loꞈ caw nya ni aˬ joˆ-ehˇ gʼeh ta.

Ngaˬ Da-euˬ Miˇkʼahˬ laꞈ kʼoeˇ, naw maꞈ nehˬ-ehˇ aˬ gaꞈ dzaˇ uiˇ yaw shuiꞈ ya dawˇ taꞈ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

Tuˇ-awˬ. Iˇ kaˇ-euˇ. Haw sheˇ. Ngaˬ-ahˇ ahˬ dzaˬ-eu lehˇ gʼeh-eu gʼaˬ heu gaˇ oe keuˆ taˬ-euˬ ngaˇ.”

Yeˬsuˇ ehˇ-eu, “Nawˬ-euˬ mi cehˇ-ahˇ tawˆ kʼawˆ laꞈ kʼoeˇ soeˬ ahˇ kʼoꞈ-awˬ. Mi cehˇ-ahˇ nui ma huiˬ-eu tsawˇ haˬ dawˬ tawˆ luꞈ, mi cehˇ laꞈ-ahˇ ya shiˇ tehꞈ-a.