I Versetti Biblici più popolari da Efexaus 6

Condividi

Rauqhov tsis yog peb tawmtsam neeg tiamsis yog peb tawmtsam tej dab uas nyob saum nruabntug, tawmtsam tej uas tswjhwm, tawmtsam tej uas muaj hwjchim, thiab tawmtsam lub zog uas kav qhov tsausntuj nti nyob rau tiam no.

Nej yuavtsum ua txhua yam no los ntawm txoj kev thov Vajtswv, thov kom Vajtswv pab nej. Yuavtsum thov Vajtswv txhua lub sijhawm rawsli Vaj Ntsujplig coj nej. Yogli ntawd, nej yuavtsum npaj rawv tos thiab ua siabntev thov Vajtswv pab cov ntseeg sawvdaws.

Ciali muab tej cuabyeej uas Vajtswv muab rau nej lawm los hnav, kom nej thiaj yuav muaj peevxwm sawv tawmtsam tau dab ntxwgnyoog tej tswvyim phem.

Yogli ntawd, ciali muab Vajtswv tej cuabyeej los hnav kiag tamsim no! Yog nej ua li ntawd, hnub uas tej kev phem los txog, nej thiaj yuav sawv taus khovkho; thiab thaum tej kev tawmtsam ntawd dhau lawm, nej thiaj tseem nyob ruaj nrees.

Nej yuavtsum tuav rawv txoj kev ntseeg ua daim hlau thaiv cev txhua lub sijhawm; yog nej ua li ntawd, nej yuav tua tau dab ntxwgnyoog tej xibxub hluavtaws uas nws tua tuaj kom tuag mus. Ciali muab txoj kev dim txim los ua kausmom hlau ntoo, thiab muab Vajtswv Txojlus uas Vaj Ntsujplig muab rau nej, los ua rab ntaj.

Yogli ntawd, nej ciali sawv khovkho npaj kom txhij tos. Ciali muab qhov tseeb los ua siv sia ntawm nej lub duav, muab txoj kev ncajncees los ua daim hlau thaiv hauvsiab. Thiab muab lub siab uas kublug mus qhia Txoj Moo Zoo uas hais txog txoj kev kajsiab los ua khau rau.

Thaum kawg no, nej yuavtsum khovkho rau hauv tus Tswv thiab rau hauv Nws lub hwjchim uas loj kawg nkaus.

“Koj yuavtsum hwm koj niam koj txiv” yog thawj nqe kevcai uas muaj ib lolus cogtseg ntxiv rau hais tias, “kom koj thiaj yuav vammeej thiab muaj txojsia nyob ntev hauv lub ntiajteb no.”

Nej cov uas yog menyuam, vim nej yog cov ntseeg Yexus Khetos lawm, yeej yog nej lub luag haujlwm uas yuavtsum mloog nej niam nej txiv lus, vim qhov ntawd yog ib yam uas tsimnyog ua.