I Versetti Biblici più popolari da Efexaus 5

Condividi

Vim nej yog Vajtswv cov menyuam uas Vajtswv hlub, nej yuavtsum xyaum ua nej lub neej rawsli Vajtswv tus yamntxwv. Nej yuavtsum ua nej lub neej nyob rau hauv txoj kev hlub, ib yam li Khetos hlub peb thiab Nws muab Nws txojsia los pub rau peb zooli tej tshuaj tswqab uas muab fij rau Vajtswv uas ua rau Vajtswv txaussiab heev.

Yogli ntawd, nej yuavtsum ceevfaj txog nej txoj kev ua neej. Tsis txhob ua li cov neeg ruam ua, tiamsis yuavtsum ua li cov neeg uas muaj tswvyim ua. Nej yuavtsum siv txhua lub sijhawm kom muajnqis, rauqhov niajhnub no neeg ua phem kawg li.

Tsis txhob haus cawv kom qaug, uas yuav ua rau nej puastsuaj. Tiamsis ciali puvnpo Vaj Ntsujplig yuav zoo dua. Ciali sib txhawbzog los ntawm Daviv tej nkauj, tej nkauj qhuas Vajtswv, thiab tej nkauj uas hais txog kev ntseeg. Ciali seev suab hunkauj hauv nej lub siab los rau tus Tswv. Ncontsoov ua Vajtswv uas yog peb Leejtxiv tsaug rau txhua yam hauv Yexus Khetos lub npe.

Yogli ntawd, tsis txhob ua ib tug neeg ruam, tiamsis yuavtsum totaub hais tias Vajtswv tus dejsiab rau nej yog dabtsi.

Nej cov uas yog txiv, nyias yuavtsum hlub nyias tus pojniam ib yam li Khetos hlub pawg ntseeg, es Nws tau muab Nws txojsia los txhiv pawg ntseeg.

Yav tas los nej yeej nyob hauv qhov tsausntuj, tiamsis nimno nej twb dhau los ua Vajtswv haivneeg lawm, nej twb los nyob rau hauv qhov pomkev lawm. Yogli ntawd, nej yuavtsum ua nej lub neej kom zooli cov neeg uas nyob hauv qhov pomkev

Vim qhov uas nej hwm Yexus Khetos, nej ib leeg yuavtsum txaussiab hlo mloog ib leeg lus.

Nej cov uas yog pojniam, nyias yuavtsum mloog nyias tus txiv lus ib yam li nej mloog tus Tswv lus.

Tiamsis nqe no kuj yog piv txog nej thiab: txhua tus txiv nyias yuavtsum hlub nyias tus pojniam ib yam li nyias hlub nyias tuskheej, thiab txhua tus pojniam nyias yuavtsum hwm nyias tus txiv.

Rawsli muaj lus sau cia rau hauv Vajtswv Txojlus hais tias, “Twb yog vimli no tus txivneej thiaj tso nws niam nws txiv tseg, thiab mus nrog nws tus pojniam tsheejxeeb uake, thiab nkawd yuav koom ua ib lub cev.”

Tsis txhob muaj feem rau tej yam tsis muaj qabhau uas yog kev tsausntuj li haujlwm, tiamsis nej ciali muab tej ntawd los nthuav rau ntawm qhov pomkev. (