I Versetti Biblici più popolari da 1 Thexalaunikes 5

Condividi

Yuavtsum niajhnub zoosiab; yuavtsum thov Vajtswv tsis tseg tsis tu; txawm yuav zoo licas los xij, yuavtsum ua Vajtswv tsaug, rauqhov nov yog Nws tus dejsiab rau nej cov uas nyob rau hauv Yexus Khetos.

Thov Vajtswv tus uas pub rau peb tau nyob kajsiab lug, ntxuav nej kom nej dawbhuv. Thov kom thaum peb tus Tswv Yexus Khetos rov los, nej tus ntsujplig, nej lub siab thiab nej lub cev tsis txhob muaj ib qho txhaum kiag li. Vajtswv tus uas hu nej los, Nws yog tus uas ncajncees, Nws yuav ua kom tej no tiav.

Ua zoo saib kom tsis txhob muaj ib tug twg ua phem pauj phem, tiamsis ib tug yuavtsum nrhiav kev ua zoo rau ib tug thiab ua zoo rau sawvdaws tas mus li.

Yogli ntawd, nej ib leeg yuavtsum txhawb ib leeg lub zog, thiab ib leeg pab ib leeg, ib yam li nej niajhnub ua ntawd.

Cov kwvtij, peb thov nquahu kom nej yuavtsum ntuas tus neeg tubnkeeg, txhawb tus uas siab yau, pab tus uas qaugzog, thiab ua siabntev rau txhua tus.

Vajtswv tsis tau xaiv peb los tiv Nws txoj kev npautaws, tiamsis kom peb los txais txoj kev dim txim los ntawm peb tus Tswv Yexus Khetos

Nej sawvdaws yog cov uas nyob qhov kaj thiab nyob nruabhnub. Peb tsis yog cov uas nyob hmontuj lossis nyob hauv qhov tsaus.