Markus 3
3
Yesu tambəl ala ndə ra tə ŋhwalaŋhwal tə
(Mat 12.9-14; Luk 6.6-11)
1Azha a diwzha, Yesu tsaw a zhin a nda a jak ta tarha Yahuda aagi. A tsutsa, ala minja aka, ra taŋhwal tə a heɗe. 2Həji aagi kasar Yesu abə mazlazlay, aska aagi gəra kata a ambəla ala watsa ma vah ta nəp Yahuda aagi ka vəw, aagiy? Aska aagi tək ma a heɗe. 3Yesu zlap a zlapanə ana ala ndə ra a ŋhwal tə watsa: «Gar kwa a wəzəm, a ɗi atama həji aagi tiwtiw.» 4A diwzha tə, Yesu dəba a aɗiwzə həji aagi: «Səkən ma pəlaya a ɗal ma vah ta nəp Yahuda aagi veme? Ɗal səkən ma ŋtan vəw, aka səku, ɗal səkən ma dadawər vəw? A mbəl ala vəw? A dza ala ka vəw?» Ama aa kazhin zlap akas. 5Yesu a sarata abə ghuɗek, ꞌunəf tə tamgbish tə, ara ndə ꞌunəf ta a ɗa mgbaŋmgbaŋ ikwa. Zlap a zlapanə ana ala watsa: «Dəɗ ra kwa ka!» i kəsha. Ala watsa dəɗ i ra tə, ra tə kpəm mkpir! 6Tiɗa azha, ndə Farisa aagi ndaa ta a bəza a tsutsa, dzam aa dzam həji ataa Haridus aagi, aska a gas wirwir ta dza Yesu.
Həji aagi vərəm aska Yesu
(Mat 4.25; 12.15-16; Luk 6.17-19)
7Yesu tsaa kanda tə abə magəli tə aagi a ma mtil Galili. Həji aagi vərəm aska, aa kasəbarə. Həji ma ndaha a Galili aagi abə ma ndza a Yahudiya aagi, 8abə ma ndza a Wərusalima aagi, abə ma ndza a Idumiya aagi, abə ma ndza a hayak ma ndza a bəzaha ama zlazlər Urdun aagi, abə hayak ma ndza a mazləm tiw Tirus abə ma ndza a mazləm hayak Sidun aagi. Həji ma vərəm watsa aagi ndaha ara, ara ndə aa zlima səkən ndə a kaɗal aagi tiwtiw.
9Mbara azha, Yesu zlap a zlapatana a magəli tə aagi, iŋgaya: «Huni gasaka gəlmbə, ara ndə həji aagi kaandəraɗaka ka.» 10Dawna ndə a mbəl həji aagi vərəm, aa kala kusəm ana həji dawər aagi aska a dishzə ra a heɗe. 11Ndə miɗ ma gamak aagi gəra Yesu, dəba aagi agəliɓakənə, aa kadza wəla, aagi iŋgaya: «Hwa ana Mbə Bizlaf,» aagiy. 12Ama Yesu ŋgəz ŋgəz a ŋgəzata bəza abə ɓərɓər tə, iŋgaya: «Ara huni a ghalaka a həji aagi.»
Yesu tadəm həji ta zlən tə aagi ma wam aha gbak
(Mat 10.1-4; Luk 6.12-16)
13A diwzha tə, Yesu tsaa kataf tə a ha wəzəm. Dəba a aya həji ndə a kamayata aagi, tsaw aa ndaha abəra. 14A taba ta, wam aha gbak a dəmɓa bəza. Pa a tsatana zləm, həji ta zlən tə aagi. A dəmata aska aagi ndza abəra, aska a zlənata a ghal ma la ndza bay Bizlaf, 15pa a vəlatana ɓərɓər ta gam miɗ ma gamak aagi. 16Tsakwa ana zləm həji ta zlən tə ma wam aha gbak watsa aagi: Simun ndə a tsanə zləm Piyer; 17Yakuba, abə zliŋgin Yahwana, wəzhi Zebede aagi: Yesu pa a tsatana zləm, a ɗa bəwanerges, a may a ghal ya, wəzhi rəv manavan aagi, 18tiw, Andire, Filip, Bartelemi, Mata, Tumas, Yakuba mbə ataa Alfa, Tade, Simun, ala ma kaləm aska a pəl hayak tə a ndza a təwah, 19abə Yahuda Iskariyut, ma kaaɓin a ber Yesu bəza.
Yesu abə Belzebul
(Mat 12.22-32; Luk 11.14-23; 12.10)
20Yesu zhin a zhina tə aha wata. Zhana, həji aagi vərəm aa tadzam ta ka wəruk. A tsutsa, Yesu abə magəli tə aagi ya, aa talima təf aagi a zəm səkənəs. 21Ndə vən Yesu aagi zlima ma watsa, dəba aagi andaha ji, ara ndə həji aagi kazlap, aagi iŋgaya: «Ŋkwaɓ tə tadzəvəɗ tə,» aagiy.
22Masərək ma ma garagar aagi ndaha a Wərusalima, aagi iŋgaya: «Yesu meni, a ɗa Belzebul a zlikusəm tə, bay miɗ ma gamak aagi ma vəlanə ɓərɓər ta gam miɗ ma gamak aagi a ha həji aagi!» aagiy. 23A tsutsa, Yesu daŋ a yaata, zlap a zlapatana abə maŋgəla, iŋgaya: «A ꞌwa aka avaŋga abə gətili a sən a gam gətili? 24Kala hayak ndə həji ma ndza a mən aagi kadza kusəm a walaŋ ta ci, hayak watsa a wəray tə. 25Andza həji ma ndza a gi ma ŋtaguleŋ aagi ma kadza kusəm a walaŋ ta ci, jak watsa, a gəy tə. 26Andza Gətili ma kadza kusəm abə ha tə, aka səku andza bay tə taɓizh tə, ɓərɓər watsa a wəray tə, a ɓin a ɗa gas takum. 27Ala kula a nda a gi ala ma ɓərɓər, a kwarha səkən təs, səy sha ma dzaw ala ma ɓərɓər watsa ka kwagwa. A diwzha tə abə a lima a kwarha səkən ma ndza a gi tə aagi. 28Sa zlapahuni a ɗa ŋter: Həji aagi alima pəl mpət ta tiwtiw ara gəy ma ta, abə dahalay ta ndə aa ra Bizlaf. 29Ama andza, ala tara Miɗ ma ghwaɗeɗe ya, kwa vepiy, a kaalima pəl mpətəs, aŋte a andza ana ala ma gəy ma gamak kwa vepiy.» 30Yesu a zlapatana ikwa ci, ara ndə aa kazlap: «Miɗ ma gamak a ha tə,» aagiy.
Mana Yesu abə zliŋgin aagi
(Mat 12.46-50; Luk 8.19-21)
31A diwzha tə, mana Yesu abə zliŋgin aagi, aa taa ta. Ka aa ndza ta a bəza. Zlən aagi ma a heɗe, a yaazə. 32Həji aagi vərəm, aa kandza abəra Yesu, zlap aa zlapanə: «Tiw matsuh abə zlinahw aagi kayahu a bəza,» aagiy. 33Yesu zhin a zhinatana: «Ma ɗa mana vaya? Ma ɗa zlina aagi vaya?» 34A tsutsa, taŋ a taŋzə həji ma ndza abəra aagi, zlap a zlap: «Watsə aagi ana tiw mana abə zlina aagi. 35Ayəw, andza ala a kaɗal səkən ndə Bizlaf a kamayə, ala watsa, a ɗa zlina sha ana həla mana, abə mana.»
Valið núna:
Markus 3: GOU
Áherslumerki
Deildu
Afrita
Want to have your highlights saved across all your devices? Sign up or sign in
Markus 3
3
Yesu tambəl ala ndə ra tə ŋhwalaŋhwal tə
(Mat 12.9-14; Luk 6.6-11)
1Azha a diwzha, Yesu tsaw a zhin a nda a jak ta tarha Yahuda aagi. A tsutsa, ala minja aka, ra taŋhwal tə a heɗe. 2Həji aagi kasar Yesu abə mazlazlay, aska aagi gəra kata a ambəla ala watsa ma vah ta nəp Yahuda aagi ka vəw, aagiy? Aska aagi tək ma a heɗe. 3Yesu zlap a zlapanə ana ala ndə ra a ŋhwal tə watsa: «Gar kwa a wəzəm, a ɗi atama həji aagi tiwtiw.» 4A diwzha tə, Yesu dəba a aɗiwzə həji aagi: «Səkən ma pəlaya a ɗal ma vah ta nəp Yahuda aagi veme? Ɗal səkən ma ŋtan vəw, aka səku, ɗal səkən ma dadawər vəw? A mbəl ala vəw? A dza ala ka vəw?» Ama aa kazhin zlap akas. 5Yesu a sarata abə ghuɗek, ꞌunəf tə tamgbish tə, ara ndə ꞌunəf ta a ɗa mgbaŋmgbaŋ ikwa. Zlap a zlapanə ana ala watsa: «Dəɗ ra kwa ka!» i kəsha. Ala watsa dəɗ i ra tə, ra tə kpəm mkpir! 6Tiɗa azha, ndə Farisa aagi ndaa ta a bəza a tsutsa, dzam aa dzam həji ataa Haridus aagi, aska a gas wirwir ta dza Yesu.
Həji aagi vərəm aska Yesu
(Mat 4.25; 12.15-16; Luk 6.17-19)
7Yesu tsaa kanda tə abə magəli tə aagi a ma mtil Galili. Həji aagi vərəm aska, aa kasəbarə. Həji ma ndaha a Galili aagi abə ma ndza a Yahudiya aagi, 8abə ma ndza a Wərusalima aagi, abə ma ndza a Idumiya aagi, abə ma ndza a hayak ma ndza a bəzaha ama zlazlər Urdun aagi, abə hayak ma ndza a mazləm tiw Tirus abə ma ndza a mazləm hayak Sidun aagi. Həji ma vərəm watsa aagi ndaha ara, ara ndə aa zlima səkən ndə a kaɗal aagi tiwtiw.
9Mbara azha, Yesu zlap a zlapatana a magəli tə aagi, iŋgaya: «Huni gasaka gəlmbə, ara ndə həji aagi kaandəraɗaka ka.» 10Dawna ndə a mbəl həji aagi vərəm, aa kala kusəm ana həji dawər aagi aska a dishzə ra a heɗe. 11Ndə miɗ ma gamak aagi gəra Yesu, dəba aagi agəliɓakənə, aa kadza wəla, aagi iŋgaya: «Hwa ana Mbə Bizlaf,» aagiy. 12Ama Yesu ŋgəz ŋgəz a ŋgəzata bəza abə ɓərɓər tə, iŋgaya: «Ara huni a ghalaka a həji aagi.»
Yesu tadəm həji ta zlən tə aagi ma wam aha gbak
(Mat 10.1-4; Luk 6.12-16)
13A diwzha tə, Yesu tsaa kataf tə a ha wəzəm. Dəba a aya həji ndə a kamayata aagi, tsaw aa ndaha abəra. 14A taba ta, wam aha gbak a dəmɓa bəza. Pa a tsatana zləm, həji ta zlən tə aagi. A dəmata aska aagi ndza abəra, aska a zlənata a ghal ma la ndza bay Bizlaf, 15pa a vəlatana ɓərɓər ta gam miɗ ma gamak aagi. 16Tsakwa ana zləm həji ta zlən tə ma wam aha gbak watsa aagi: Simun ndə a tsanə zləm Piyer; 17Yakuba, abə zliŋgin Yahwana, wəzhi Zebede aagi: Yesu pa a tsatana zləm, a ɗa bəwanerges, a may a ghal ya, wəzhi rəv manavan aagi, 18tiw, Andire, Filip, Bartelemi, Mata, Tumas, Yakuba mbə ataa Alfa, Tade, Simun, ala ma kaləm aska a pəl hayak tə a ndza a təwah, 19abə Yahuda Iskariyut, ma kaaɓin a ber Yesu bəza.
Yesu abə Belzebul
(Mat 12.22-32; Luk 11.14-23; 12.10)
20Yesu zhin a zhina tə aha wata. Zhana, həji aagi vərəm aa tadzam ta ka wəruk. A tsutsa, Yesu abə magəli tə aagi ya, aa talima təf aagi a zəm səkənəs. 21Ndə vən Yesu aagi zlima ma watsa, dəba aagi andaha ji, ara ndə həji aagi kazlap, aagi iŋgaya: «Ŋkwaɓ tə tadzəvəɗ tə,» aagiy.
22Masərək ma ma garagar aagi ndaha a Wərusalima, aagi iŋgaya: «Yesu meni, a ɗa Belzebul a zlikusəm tə, bay miɗ ma gamak aagi ma vəlanə ɓərɓər ta gam miɗ ma gamak aagi a ha həji aagi!» aagiy. 23A tsutsa, Yesu daŋ a yaata, zlap a zlapatana abə maŋgəla, iŋgaya: «A ꞌwa aka avaŋga abə gətili a sən a gam gətili? 24Kala hayak ndə həji ma ndza a mən aagi kadza kusəm a walaŋ ta ci, hayak watsa a wəray tə. 25Andza həji ma ndza a gi ma ŋtaguleŋ aagi ma kadza kusəm a walaŋ ta ci, jak watsa, a gəy tə. 26Andza Gətili ma kadza kusəm abə ha tə, aka səku andza bay tə taɓizh tə, ɓərɓər watsa a wəray tə, a ɓin a ɗa gas takum. 27Ala kula a nda a gi ala ma ɓərɓər, a kwarha səkən təs, səy sha ma dzaw ala ma ɓərɓər watsa ka kwagwa. A diwzha tə abə a lima a kwarha səkən ma ndza a gi tə aagi. 28Sa zlapahuni a ɗa ŋter: Həji aagi alima pəl mpət ta tiwtiw ara gəy ma ta, abə dahalay ta ndə aa ra Bizlaf. 29Ama andza, ala tara Miɗ ma ghwaɗeɗe ya, kwa vepiy, a kaalima pəl mpətəs, aŋte a andza ana ala ma gəy ma gamak kwa vepiy.» 30Yesu a zlapatana ikwa ci, ara ndə aa kazlap: «Miɗ ma gamak a ha tə,» aagiy.
Mana Yesu abə zliŋgin aagi
(Mat 12.46-50; Luk 8.19-21)
31A diwzha tə, mana Yesu abə zliŋgin aagi, aa taa ta. Ka aa ndza ta a bəza. Zlən aagi ma a heɗe, a yaazə. 32Həji aagi vərəm, aa kandza abəra Yesu, zlap aa zlapanə: «Tiw matsuh abə zlinahw aagi kayahu a bəza,» aagiy. 33Yesu zhin a zhinatana: «Ma ɗa mana vaya? Ma ɗa zlina aagi vaya?» 34A tsutsa, taŋ a taŋzə həji ma ndza abəra aagi, zlap a zlap: «Watsə aagi ana tiw mana abə zlina aagi. 35Ayəw, andza ala a kaɗal səkən ndə Bizlaf a kamayə, ala watsa, a ɗa zlina sha ana həla mana, abə mana.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in