Markus 2
2
Yesu tambəl ala ndə zlikusəm tə a mca tə
1Wan kajik ikwa a diwzha, Yesu tazhin tə a Kafarnahum. Həji aagi zlima ya, a wata. 2Həji aagi zliɓzliɓ aa tadzam ta, kwa ara la a finha, kwa a bəza a majigi, la akas. Dəba Yesu a aghalatana ma Bizlaf. 3Həji ndiɓi aagi taha ara, aa tadaanə ala ndə zlikusəm tə a mca tə. Həji aagi ŋfaɗ ana ma tiwazə aagi. 4Ndə həji aagi ɗa dəy ya, aa talima a jaɓi atama Yesu səku. A tsutsa, dəba aagi ahwahut ha jak dəlili abə ha Yesu, gwara ata wəli watsa, dəba aagi atsaha ala ndə zlikusəm a mca tə watsa aha riy abə zal tə. 5Ndə Yesu a gəra ɗal awa ta, zlap a zlapanə ana ala ndə zlikusəm tə a mca tə watsa, iŋgaya: «Mbə naka, mpət kwa tapəlaya,» iy. 6Masərək ma ma garagar ndiɓi aagi kandza a tsutsa, dəba aagi adeŋi a ꞌunəf ta, aagi iŋgaya: 7«Ala watsə a zlap ma watsə ikwa ara veme? A ɗa a ra Bizlaf. Ma kula a pəl mpət ala vaya, səy Bizlaf ŋtaɗ tə!» 8Yesu a kasən səkən ndə aa kadeŋ a ŋkwaɓ ta, ɗiw a ɗiwzata, iŋgaya: «Huni deŋi ikwa a ꞌunəf kuni ara veme? 9Səkən ma kahkah a zlap ana ala ndə zlikusəm tə a mca tə veme? “Mpət kwa tapəlaya,” vəw, aka səku zlap: “Gar kwa a wəzəm, ji zal kwa, nda vəw?” 10Ama sa may a huni a sən ka, Mbə həji ma dəgnak abə ɓərɓər ta pəl mpət a manahayak aka.» Azha, zlap a zlapanə ana ala ndə zlikusəm tə a mca tə, iŋgaya: 11«Sa kazlapahu, gar kwa a wəzəm, ji zal kwa, nda kwa a wata kwa.» 12Kahkah, takaw a gar tə a wəzəm, kəram i la wan tə, tsaa kanda tə, ata nja həji aagi tiwtiw, hak aa ghərəŋ ta. Dəba aagi ahəmən Bizlaf, aagi iŋgaya: «Ni tava a gərazə shiŋ səkən watsə tep akas,» aagiy.
Yesu a kaya Lewi
(Mat 9.9-13; Luk 5.27-32)
13Yesu tazhin tə zhana a ma mtil Galili. Ŋgaɓa həji aagi taha ara, tasərəkatana səkən. 14Ndə a kapew, gəra a gəra Lewi, mbə ataa Alfa, a kandza a jak ta tsak jamargwal. Zlap a zlapanə, iŋgaya: «Səbaraka.» Lewi takaw a gar tə a wəzəm, dəba a kasəbarə. 15A diwzha tə, Yesu dəba a azəm wəda a wata ataa Lewi abə magəli tə aagi, abə matsak jamargwal aagi vərəm, abə həji ma gəy ma aagi. Abə həji ndiɓi aagi vərəm, aa kasəbarə. 16Masərək ma ma garagar ma ndza a taba Farisa aagi, a tsutsa. Aa kagəra Yesu a kazəm wəda abə həji ma gəy ma aagi, abə matsak jamargwal aagi. A tsutsa, dəba aagi azlapatana a magəli Yesu aagi: «Madagal kuni a zəm səkən abə matsak jamargwal aagi, abə həji ma gəy ma aagi, ara veme?» 17Ama Yesu tazlima ma ta watsa bəza, dəba a azlapatana, i təmta iŋgaya: «Həji ndə zlikusəm ta wirwir aagi ci, kwalay ta abə dakwtər akas, səy həji ma dawər aagi ana ma kaɗiw dawktər. Sa tandaha a ya həji ma dəlili aagi səku, ama sa ndaha aska həji ma ɗal mpət aagi.»
Zlap Yesu ata ɗal dalyam
(Mat 9.14-17; Luk 5.33-39)
18Magəli Yahwana aagi abə Farisa aagi kaɗal dalyam. Həji ndiɓi aagi tsaw aa ndaha a zlapanə a Yesu, aagi iŋgaya: «Magəli ataa Yahwana aagi abə Farisa aagi kaɗal dalyam, ama magəli kwa aagi kaɗal andza təmta aka səku, ara veme?» 19Yesu zhin a zhinatana, iŋgaya: «Həji ndə həji yaata aska kwakus dəma aagi ci, kadək a aagi ɗal dalyam tiɗa ndə mawəl dəma a ɗa ndza tə a taba ta vəw?» iy təmta. «Aŋghə. Tiɗa ndə mawəl dəma a ɗa ndza tə a taba ta ci, aa kaaɗal dalyam akas. 20Ama vah tə, a kaaɓin a ndaha ndə aa kaaji mawəl dəma a bəza a taba ta. Vah watsa abə aagi aɗal dalyam.
21Ala ma kaazla patak wiyə, a tay msəra rəkuts abə sha akas. Patak wiyə a vas per msəra rəkuts watsa ka, wəli ataa msəra rəkuts watsa a vas a slah tə atama atama!» 22Azha, ala ma kaji a ɗiɗi mavə wiyə tə ka a duguzl msəra akas, mavə wiyə a aŋtəz msəra duguzl aka, a ɗa, həji tafəcak duguzl, həji tafəcak mavə tiwtiw. Ama mavə wiyə, həji ɗiɗi a wiyə duguzl.
Mbə həji ma dəgnak ana ma ndza aha vah ta nəp Yahuda aagi
(Mat 12.1-8; Luk 6.1-5)
23Ma vah ta nəp Yahuda minja aagi aka, Yesu a kapew a ŋge a la mbərkadam, dəba magəli tə aagi aŋga ha mbərkadam. 24Farisa aagi, zlap aa zlapanə a Yesu, aagi iŋgaya: «Magəli kwa aagi ɗal səkən ma ŋkula zhiva a ɗal ma vah ta nəp Yahuda aagi ara veme?» 25Yesu zhin a zhinatana: «Huni tava a yazə səkən ndə Dawda a ɗalə tiɗa ndə a kamay səkən ta zəm, ndə mintish a kadzə abə həji ma lah aagi, aka wəra? 26Tiɗa ndə a nda a jak Bizlaf, tiɗa ndə Abiyatar a ɗa madagal maɗal kwakus, dəba a azəm wəda Bizlaf, avəli ci, kwa təf ara ala a zəm wəda watsa akas, səy həji ma ɗal kwakus Bizlaf aagi gagagha, azha pa a vəlatana a həji ma lah aagi yəm.» 27Yesu zlap a zlapatana zhana: «Bizlaf taɗal vah ta nəp Yahuda aagi aka aska həji ma dəgnak, taɗal həji ma dəgnak aka aska vah ta nəp akas. 28Sha ana ndə a ɗa, Mbə həji ma dəgnak ana ma ndza aha vah ta nəp Yahuda aagi.»
Valið núna:
Markus 2: GOU
Áherslumerki
Deildu
Afrita
Want to have your highlights saved across all your devices? Sign up or sign in
Markus 2
2
Yesu tambəl ala ndə zlikusəm tə a mca tə
1Wan kajik ikwa a diwzha, Yesu tazhin tə a Kafarnahum. Həji aagi zlima ya, a wata. 2Həji aagi zliɓzliɓ aa tadzam ta, kwa ara la a finha, kwa a bəza a majigi, la akas. Dəba Yesu a aghalatana ma Bizlaf. 3Həji ndiɓi aagi taha ara, aa tadaanə ala ndə zlikusəm tə a mca tə. Həji aagi ŋfaɗ ana ma tiwazə aagi. 4Ndə həji aagi ɗa dəy ya, aa talima a jaɓi atama Yesu səku. A tsutsa, dəba aagi ahwahut ha jak dəlili abə ha Yesu, gwara ata wəli watsa, dəba aagi atsaha ala ndə zlikusəm a mca tə watsa aha riy abə zal tə. 5Ndə Yesu a gəra ɗal awa ta, zlap a zlapanə ana ala ndə zlikusəm tə a mca tə watsa, iŋgaya: «Mbə naka, mpət kwa tapəlaya,» iy. 6Masərək ma ma garagar ndiɓi aagi kandza a tsutsa, dəba aagi adeŋi a ꞌunəf ta, aagi iŋgaya: 7«Ala watsə a zlap ma watsə ikwa ara veme? A ɗa a ra Bizlaf. Ma kula a pəl mpət ala vaya, səy Bizlaf ŋtaɗ tə!» 8Yesu a kasən səkən ndə aa kadeŋ a ŋkwaɓ ta, ɗiw a ɗiwzata, iŋgaya: «Huni deŋi ikwa a ꞌunəf kuni ara veme? 9Səkən ma kahkah a zlap ana ala ndə zlikusəm tə a mca tə veme? “Mpət kwa tapəlaya,” vəw, aka səku zlap: “Gar kwa a wəzəm, ji zal kwa, nda vəw?” 10Ama sa may a huni a sən ka, Mbə həji ma dəgnak abə ɓərɓər ta pəl mpət a manahayak aka.» Azha, zlap a zlapanə ana ala ndə zlikusəm tə a mca tə, iŋgaya: 11«Sa kazlapahu, gar kwa a wəzəm, ji zal kwa, nda kwa a wata kwa.» 12Kahkah, takaw a gar tə a wəzəm, kəram i la wan tə, tsaa kanda tə, ata nja həji aagi tiwtiw, hak aa ghərəŋ ta. Dəba aagi ahəmən Bizlaf, aagi iŋgaya: «Ni tava a gərazə shiŋ səkən watsə tep akas,» aagiy.
Yesu a kaya Lewi
(Mat 9.9-13; Luk 5.27-32)
13Yesu tazhin tə zhana a ma mtil Galili. Ŋgaɓa həji aagi taha ara, tasərəkatana səkən. 14Ndə a kapew, gəra a gəra Lewi, mbə ataa Alfa, a kandza a jak ta tsak jamargwal. Zlap a zlapanə, iŋgaya: «Səbaraka.» Lewi takaw a gar tə a wəzəm, dəba a kasəbarə. 15A diwzha tə, Yesu dəba a azəm wəda a wata ataa Lewi abə magəli tə aagi, abə matsak jamargwal aagi vərəm, abə həji ma gəy ma aagi. Abə həji ndiɓi aagi vərəm, aa kasəbarə. 16Masərək ma ma garagar ma ndza a taba Farisa aagi, a tsutsa. Aa kagəra Yesu a kazəm wəda abə həji ma gəy ma aagi, abə matsak jamargwal aagi. A tsutsa, dəba aagi azlapatana a magəli Yesu aagi: «Madagal kuni a zəm səkən abə matsak jamargwal aagi, abə həji ma gəy ma aagi, ara veme?» 17Ama Yesu tazlima ma ta watsa bəza, dəba a azlapatana, i təmta iŋgaya: «Həji ndə zlikusəm ta wirwir aagi ci, kwalay ta abə dakwtər akas, səy həji ma dawər aagi ana ma kaɗiw dawktər. Sa tandaha a ya həji ma dəlili aagi səku, ama sa ndaha aska həji ma ɗal mpət aagi.»
Zlap Yesu ata ɗal dalyam
(Mat 9.14-17; Luk 5.33-39)
18Magəli Yahwana aagi abə Farisa aagi kaɗal dalyam. Həji ndiɓi aagi tsaw aa ndaha a zlapanə a Yesu, aagi iŋgaya: «Magəli ataa Yahwana aagi abə Farisa aagi kaɗal dalyam, ama magəli kwa aagi kaɗal andza təmta aka səku, ara veme?» 19Yesu zhin a zhinatana, iŋgaya: «Həji ndə həji yaata aska kwakus dəma aagi ci, kadək a aagi ɗal dalyam tiɗa ndə mawəl dəma a ɗa ndza tə a taba ta vəw?» iy təmta. «Aŋghə. Tiɗa ndə mawəl dəma a ɗa ndza tə a taba ta ci, aa kaaɗal dalyam akas. 20Ama vah tə, a kaaɓin a ndaha ndə aa kaaji mawəl dəma a bəza a taba ta. Vah watsa abə aagi aɗal dalyam.
21Ala ma kaazla patak wiyə, a tay msəra rəkuts abə sha akas. Patak wiyə a vas per msəra rəkuts watsa ka, wəli ataa msəra rəkuts watsa a vas a slah tə atama atama!» 22Azha, ala ma kaji a ɗiɗi mavə wiyə tə ka a duguzl msəra akas, mavə wiyə a aŋtəz msəra duguzl aka, a ɗa, həji tafəcak duguzl, həji tafəcak mavə tiwtiw. Ama mavə wiyə, həji ɗiɗi a wiyə duguzl.
Mbə həji ma dəgnak ana ma ndza aha vah ta nəp Yahuda aagi
(Mat 12.1-8; Luk 6.1-5)
23Ma vah ta nəp Yahuda minja aagi aka, Yesu a kapew a ŋge a la mbərkadam, dəba magəli tə aagi aŋga ha mbərkadam. 24Farisa aagi, zlap aa zlapanə a Yesu, aagi iŋgaya: «Magəli kwa aagi ɗal səkən ma ŋkula zhiva a ɗal ma vah ta nəp Yahuda aagi ara veme?» 25Yesu zhin a zhinatana: «Huni tava a yazə səkən ndə Dawda a ɗalə tiɗa ndə a kamay səkən ta zəm, ndə mintish a kadzə abə həji ma lah aagi, aka wəra? 26Tiɗa ndə a nda a jak Bizlaf, tiɗa ndə Abiyatar a ɗa madagal maɗal kwakus, dəba a azəm wəda Bizlaf, avəli ci, kwa təf ara ala a zəm wəda watsa akas, səy həji ma ɗal kwakus Bizlaf aagi gagagha, azha pa a vəlatana a həji ma lah aagi yəm.» 27Yesu zlap a zlapatana zhana: «Bizlaf taɗal vah ta nəp Yahuda aagi aka aska həji ma dəgnak, taɗal həji ma dəgnak aka aska vah ta nəp akas. 28Sha ana ndə a ɗa, Mbə həji ma dəgnak ana ma ndza aha vah ta nəp Yahuda aagi.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in