Mark 6
6
Shɔ ɓɛ̃ɛ̃ Yesɔ a Nazara
1Yesɔ yaa ɗɔurɛ a yɛkɛ u wɛrɛ koo, u jadɔyi i gn u a dɔɔni. 2A lee susunɛ Yesɔ gaa shɔ vimatinɛ a ɗɔgbete Yahudawayi tolinya i gaki Ɗa. Shɔzɛ si bang a ɗɔuni; shɔgbete i wesho au nyayɛ, i nta vigbete shayɛ bii zaaitɔ.
Shɔwi i hɨnɛ<<Jam kpaa vim pi nam piya?>> Pi ãu sẽrẽ a kakaani u Pɛli vibii zaanɛ nankɔ piya? 3N ɓa kapinta ɓaya, Maryamu jaa, ɓɛzɔ̃yi Yakubu, Yusufu, Yahuza a Simanni ɓaya? Ɓa ɓɛnayi kɔ a ɗɔnkɔ ɓaya? Aruumkɔ i bɛ̃u ruu biirɛ ayuu vigbete shayɛ.
4Yesɔ geliyi nɛ, <<Shɔ bassi Ɗa jashonɛ ko ɗɔpiya, see ai wɛrɛkoo a ɓɛshɔzɛyi wɔsɔ̃n u shɔwɛrɛyi i bassiuɓa.>> 5Yesɔ ji pɛli vibii zaanɛ ɓa a ɗɔuni ɓa, pɔ̃si shɔvɔrɔyi fɛ̃ i naa ayuu i gatirɛ. 6Aruumkɔ Yesɔ nta vibii zaanɛ waanɛ aruugbete i sisɨng ãnɛ ɓa.
Yesɔ sho u jadɔyi kopi tu ziti
7Kɛɗɔn Yesɔ ɓau jadɔyi nya kopi tu ziti a shoyi ziti-ziti. A ãi kakaa gbete i yɛ shɛshi suru kɔ̃linɛ shɔ biiyɛ.
8A asiyi-nyanɛ, <<Ɔkɔɔ tuu viwɔnɛ a naani, see laa baa sheeli--ɔkɔɔ tuu vishanɛ nɛ a naani, ɔkɔɔ tuu duu nɛ a naani ɔkɔɔ sã saanɛ a zibani. 9Ɔ tosi kodɔɔ a dɔɔni, ɔkɔɔ tuu fãrã wɔnɛ, nɛi sã a naani.>> 10Yesɔ geliyi wɔsɔ̃n nɛ<< Ɗɔgbete ɔkɛ tonɛ shɔkɛ tɛwɔ naanɛ, ɔ ɔ̃ ɗɔukɔ yɛnɛ legbete ɔ yaa ɗɔuyɛ. 11Ɔ kɛ yɛnɛ koo gbete shɔ ji tɛwɔ naa ɓa, ko, i jo wɛsho ɓa awɔ nyani ɓa, ɔ sɔ̃ zaburu tɔ awɔ dɔɔni aɗagbete ɔkɛ yaa koo wunɛ. Shɔ wakɔ ɔ̃rɛ shɔgbete shirɔyɛ a kntiyɛ.>> 12Kɛɗɔn i yɛ ɓili i ɗɔ Ɗalapa nya ruubii waanɛ nɛ shɔu kɔsi sisɨn shɔ yaa ruuvini pɛlinɛtɔ. 13I shɛshi suru kɔ̃linɛyi waanɛ i pnri shɔ vɔrɔyi nɔɔ a bii i gatiyirɛ.
Yɔhana shɔ Batizima ãnɛ, vɔnɛ
14Kɛɗɔn kpati Hiridu nta vim piti kpai, aruu viya Yesɔ nii yɛtɛ kpɛlɛ -kpɛlɛ. Shɔwɔyi i ɗɔɔ shanɛ nɛ,<<Yɔhana shɔ Batizima ãnɛ yulapatɛ a yusààni, aruu ukɔ kpaa kakaa kn u ɗɔɔ vishonɛ awuni.>> 15Shɔwɔyi shanɛ, <<Shɔmpɛ Iliya.>>Shɔwɔyi shanɛ, <<upɛ Ɗa jashonɛ, naa Ɗa jashonɛ gbete usi ntɛɛtɛ̃ɛ̃yɛ.>>
16Naa Hiridu nta vimtɛ piti, a shanɛ,<<Upɛ Yɔhana shɔ Batizima ãnɛ, shɔgbete n zɛ̃u yuuyɛ, ama yulapatɛ sààni!>>
17Hirudu au yuu pɔ̃rɛ shɔ sã Yɔhana tɔ, nɛ shɔ mautɔ shɔ pɔ̃u a jaa vɨng. Hirudu pɛli vim aruu Hirodiya u nta sisɨn puru ɓɛzɔ̃ Filibu ɓɛso gbete tɛuyɛ. 18Aruu Yɔhana shɔ Batizima ãnɛ ji ya Hiridu gelinɛ ɓa nɛ, << Nya ãsinɛ zãritɔ a tuu mɛzɔ̃u ɓɛsoǃ>> 19Kɛɗɔn Hirodiya sã Yɔhana au sisɨng nɛn nyɔutɔ, ji zɛu nɔɔ nyɔnɛ ɓa. 20aruu Hiridu nta Yɔhana seti nɛu shɔ tɔ̃vɨng u sɔ̃n wɔsɔ-wɔsɔ, ji kasiɓa nɛ shɔ ɗiu naa bii ɓa. Kasi ɔ̃nɛ awuni u wesho au nya, ama ko a ɗaviya Yɔhana kɛ nwanyanɛ sisɨn kɔ Hiridu tɔ.
21Akntuni Hirodiya kpaa nyaba a Hiridu lee yeenɛ zááyɛ, a ɓaa nya au kpatiyi bii, au shɔ sɨn tanɛyi, a yupẽni tipi Galiliyi nɛi ang ɗɔ yumusinɛ ang wɛrɛ. 22Naa Hirodiya ɓɛjaa to ɗɔɔ sà sanɛtɛ, u sà kɔri ɓeye a shɔ gãsiyini waanɛ.
Kpatiu geli jasuu nɛ,<<Gaki vigbete a kasiyɛ nɛ kpai, n yɛn ã tɔ.>> 23Hiridu teetɔ shanɛ,<<Vigbete akɛ gakinɛ n yɛn ãtɔ, ko tipi gbete n roo kpati ɗɔnni n ã tette zali.>>
24Kɛɗɔn jasuu shɛrɛ a kpaa ɓini, <<N nyɛn gaki kɛ iviya.>>
ɓini kasi nyanɛ,<<Yɔhana shɔ Batizima ãnɛ yuu.>>
25Jasuu yuurɛ a sɔ kpati ɗɔbiirɛ nɛn kasi Yɔhana shɔ Batizima yuu, <<N kasi jo dɔddɔrim kɔ a yɛti pii.>>
26Kpatiu yɛti lɛsirɛ waanɛ, ama ji zãriu ɓa aruu gbete si teetɛ gboti a shɔ ɗekn. 27Kɛɗɔn kpati shou sɔjarɛ nɛu n-tin Yɔhana shɔ batizima yuu. Jau yɛrɛ a zẽe Yɔhana yuu a javɨng. 28Kɛɗɔn sɔjau n-tiu Yɔhana yuurɛ a ã jasuurɛ, turɛ a ã ɓini rɛ. 29Naa Yɔhana jadɔyi ntatɛ, i arɛ a tuu Yɔhana biirɛ a gbãrɛ a sàà.
Yesɔ shari shɔ laa laa ziti atu kopi ɓa maani (5,000)
30Yesɔ jashonɛyi kopi tu ziti naa i sɔtɛ, i kpaa Yesɔ rɛ, i geliu vigbete i pɛliyɛ a vishɔgbete i mati shɔyɛ piti kpai. 31Kɛɗɔn shɔzɛ waanɛ i a ɗɔɔ anɛ a shɛnɛ ni a Yesɔ ɗɔbii, i jo kpaa nyaba vishanɛ ɓa. Kɛɗɔn Yesɔ geliyi jashonɛ nɛ, <<U yuunɛ u yɛ ɗɔwɔɔ a nɔgbete ɔ yɛ susuyɛ.>> 32I yuu kɛɗɔn a girgi i yɛkɛ kagbete, i ɔ̃rɛ. 33Shɔzɛ waanɛ i zɛ Yesɔ tɔ aɗɔ yɛnɛni, i ã tɔ̃vɨng tɔ nɛpɛ ikɔ, shɔ a komɔɔ tot -tot i yɛ ɗekn, Yesɔ gnyi a knti au jashonɛni. 34Naa Yesɔ zɛ mɔɔyitɛ a ntayi raarɛ, aruu viya isi naa mɛ̃rɛ̃ɛ gbete u shɔ ganɛ ɓayɛ. Kɛɗɔn Yesɔ gayi vi matirɛ tot-tot.
35Si ɗɔ sɨng janɛtɛ, Yesɔ jadɔyi i au ɗɔbiirɛ i shanɛ, <<Ɗa yiitɛ, u sɔ̃n jàálaa. 36Yaa shɔmi naa nɛ, i yɛrɛ i kãriyi yuu vishanɛ pɛ, i yɛ jakomɔɔ a tipi gbete aɗɔm maani.>>
37Yesɔ kasi nyanɛ<< Ɔ ãi vishanɛ nɛ i shaarɛ viya.>>
I hɨunɛ,<<A kasi nɛ u nyɔ saa azurufa laa kopi (200) u wori shɔ vishanɛ a wuni i shaarɛ ya?>>
38Kɛɗɔn Yesɔ hɨyinɛ, <<Ɔ borodi naa nɛkn nya? Yɛnɛ ɔ zɛrɛ.>>
Naa i zɛtɛ, i geliu nɛ, <<borodi maani a jazɨng ziti.>>
39Kɛɗɔn Yesɔ geliu jadɔyinɛ, ɔ geli shɔnɛ i ɔ̃li a yuu wisi zazza a kǹ-kǹ. 40See shɔ ɔ̃lirɛ a kǹ-kǹ shɔwɔyi si laa maani, laa maani wɔyi sɔ̃n laa ziti atu kopi, laa ziti atu kopi. 41Kɛɗɔn Yesɔ tuu borodi maani a jazɨng ziti, a kn nɔɔ kolapa, a dɔ̃ri Ɗa a dalirɛ. A ãu jadɔyi nɛyi vɔsi shɔnɛ. Vɔsi jazɨn sɔ̃n jo a shɔwi yuu piti kpai. 42Ko piya shaarɛ tɛsiwurɛ. 43Kɛɗɔn Yesɔ jadɔyi i tɔli borodi dalinɛ a jazɨni ɓuti kopi tu ziti. 44Shɔ gbete i shayɛ isi laa laa ziti atu kopi ɓa maani (5,000).
Yesɔ raki a yuu mii
45Ji wariyuɓa Yesɔ geliu jadɔyinɛ i to girgi nɛ, nɛi yɛ Besada a ɗekn, a nya ɓooti wapo da, nɛn vasi mɔɔyi nya pogɔ. 46A knti gbete yaa mɔɔyitɛ, gẽkɛ kɔpɔ ɗɔ Ɗa gakinɛ.
47Naa ɗadɗarɛ pɛlitɛ, si girgiu a tette mii wapo, Yesɔ si a yɔbm a nya doddo. 48Knnɔɔrɛ a zɛu jadɔyi i ɗɔɔ girgi zaanɛ siyi ɗɔ baa waanɛ a sɔrɔni; si ɗaa ntátɛ atette, dɔɔɗaa taati a maangbete a gadii, Yesɔ au jadɔyi ɗɔbiirɛ u ɗɔ ranɛ a yuu mii. pɛli naa kɛ tɛyinɛ, 49ama i zɛu a ɗɔ ranɛ a yuu mii. I sha ai sisɨng nɛ <<pɛ rãma!>> I gaa nya shatinɛ fom-fom. 50I piti kpai i zaatɔ aɗagbete i zɛu yɛni.
Yesɔ nwari nya gbã-gbã a shanɛ,<<Ɔ loki sisɨn a ɓili pɛ n kɔ. Ɔ zaa ɓaǃ>> 51Kɛɗɔn a to yɛti girgirɛ a ikɔni, sɔrɔ shirɛ. Yesɔ jadɔyi vibii zaanɛ sãyi piti kpai, 52aruu gbete i jo kpau karaɓa gbete Yesɔ shaari shɔ laa laa ziti atu kopi ɓa maani (5,000) ɓa, sii sisɨn lakitɛ bang.
Yesɔ gati shɔvɔrɔ wɔɔ a Genesarɛta
53Naa i tɛɛ nya ɓooti datɛ, i yɛkɛ Genesarata a girgi, i maa girgi kɛ ɗɔukɔ. 54Naa i yáá girgi tɛ a ɗɔuni tɛ̃ɛti, shɔ kpaa gǹ gbã-gbã nɛ shɔmpɛ Yesɔ. 55I yurɛ a yɛti komɔɔ piti kpai, ɗɔ gbete i ntanɛ Yesɔ u ɗɔnyɛ i n-tiu shɔ vɔrɔyi a siri gbete i roo ɗɔnyɛ. 56A ɗɔgbete Yesɔ ɗɔnyɛ piti kpai, ko pi jakoomɔɔ shɔ piya, koomɔɔ shɔ piya, a jaayi, shɔ n-ti shɔvɔyi a pɔ̃i a nya lumoo. I gaki Yesɔ rɛ nɛu yapɛ shɔ ɗii naa pɛ au nya fãrã, shɔgbete i ɗii naa a Yesɔ fãrã piti i gatirɛ.
Valið núna:
Mark 6: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 6
6
Shɔ ɓɛ̃ɛ̃ Yesɔ a Nazara
1Yesɔ yaa ɗɔurɛ a yɛkɛ u wɛrɛ koo, u jadɔyi i gn u a dɔɔni. 2A lee susunɛ Yesɔ gaa shɔ vimatinɛ a ɗɔgbete Yahudawayi tolinya i gaki Ɗa. Shɔzɛ si bang a ɗɔuni; shɔgbete i wesho au nyayɛ, i nta vigbete shayɛ bii zaaitɔ.
Shɔwi i hɨnɛ<<Jam kpaa vim pi nam piya?>> Pi ãu sẽrẽ a kakaani u Pɛli vibii zaanɛ nankɔ piya? 3N ɓa kapinta ɓaya, Maryamu jaa, ɓɛzɔ̃yi Yakubu, Yusufu, Yahuza a Simanni ɓaya? Ɓa ɓɛnayi kɔ a ɗɔnkɔ ɓaya? Aruumkɔ i bɛ̃u ruu biirɛ ayuu vigbete shayɛ.
4Yesɔ geliyi nɛ, <<Shɔ bassi Ɗa jashonɛ ko ɗɔpiya, see ai wɛrɛkoo a ɓɛshɔzɛyi wɔsɔ̃n u shɔwɛrɛyi i bassiuɓa.>> 5Yesɔ ji pɛli vibii zaanɛ ɓa a ɗɔuni ɓa, pɔ̃si shɔvɔrɔyi fɛ̃ i naa ayuu i gatirɛ. 6Aruumkɔ Yesɔ nta vibii zaanɛ waanɛ aruugbete i sisɨng ãnɛ ɓa.
Yesɔ sho u jadɔyi kopi tu ziti
7Kɛɗɔn Yesɔ ɓau jadɔyi nya kopi tu ziti a shoyi ziti-ziti. A ãi kakaa gbete i yɛ shɛshi suru kɔ̃linɛ shɔ biiyɛ.
8A asiyi-nyanɛ, <<Ɔkɔɔ tuu viwɔnɛ a naani, see laa baa sheeli--ɔkɔɔ tuu vishanɛ nɛ a naani, ɔkɔɔ tuu duu nɛ a naani ɔkɔɔ sã saanɛ a zibani. 9Ɔ tosi kodɔɔ a dɔɔni, ɔkɔɔ tuu fãrã wɔnɛ, nɛi sã a naani.>> 10Yesɔ geliyi wɔsɔ̃n nɛ<< Ɗɔgbete ɔkɛ tonɛ shɔkɛ tɛwɔ naanɛ, ɔ ɔ̃ ɗɔukɔ yɛnɛ legbete ɔ yaa ɗɔuyɛ. 11Ɔ kɛ yɛnɛ koo gbete shɔ ji tɛwɔ naa ɓa, ko, i jo wɛsho ɓa awɔ nyani ɓa, ɔ sɔ̃ zaburu tɔ awɔ dɔɔni aɗagbete ɔkɛ yaa koo wunɛ. Shɔ wakɔ ɔ̃rɛ shɔgbete shirɔyɛ a kntiyɛ.>> 12Kɛɗɔn i yɛ ɓili i ɗɔ Ɗalapa nya ruubii waanɛ nɛ shɔu kɔsi sisɨn shɔ yaa ruuvini pɛlinɛtɔ. 13I shɛshi suru kɔ̃linɛyi waanɛ i pnri shɔ vɔrɔyi nɔɔ a bii i gatiyirɛ.
Yɔhana shɔ Batizima ãnɛ, vɔnɛ
14Kɛɗɔn kpati Hiridu nta vim piti kpai, aruu viya Yesɔ nii yɛtɛ kpɛlɛ -kpɛlɛ. Shɔwɔyi i ɗɔɔ shanɛ nɛ,<<Yɔhana shɔ Batizima ãnɛ yulapatɛ a yusààni, aruu ukɔ kpaa kakaa kn u ɗɔɔ vishonɛ awuni.>> 15Shɔwɔyi shanɛ, <<Shɔmpɛ Iliya.>>Shɔwɔyi shanɛ, <<upɛ Ɗa jashonɛ, naa Ɗa jashonɛ gbete usi ntɛɛtɛ̃ɛ̃yɛ.>>
16Naa Hiridu nta vimtɛ piti, a shanɛ,<<Upɛ Yɔhana shɔ Batizima ãnɛ, shɔgbete n zɛ̃u yuuyɛ, ama yulapatɛ sààni!>>
17Hirudu au yuu pɔ̃rɛ shɔ sã Yɔhana tɔ, nɛ shɔ mautɔ shɔ pɔ̃u a jaa vɨng. Hirudu pɛli vim aruu Hirodiya u nta sisɨn puru ɓɛzɔ̃ Filibu ɓɛso gbete tɛuyɛ. 18Aruu Yɔhana shɔ Batizima ãnɛ ji ya Hiridu gelinɛ ɓa nɛ, << Nya ãsinɛ zãritɔ a tuu mɛzɔ̃u ɓɛsoǃ>> 19Kɛɗɔn Hirodiya sã Yɔhana au sisɨng nɛn nyɔutɔ, ji zɛu nɔɔ nyɔnɛ ɓa. 20aruu Hiridu nta Yɔhana seti nɛu shɔ tɔ̃vɨng u sɔ̃n wɔsɔ-wɔsɔ, ji kasiɓa nɛ shɔ ɗiu naa bii ɓa. Kasi ɔ̃nɛ awuni u wesho au nya, ama ko a ɗaviya Yɔhana kɛ nwanyanɛ sisɨn kɔ Hiridu tɔ.
21Akntuni Hirodiya kpaa nyaba a Hiridu lee yeenɛ zááyɛ, a ɓaa nya au kpatiyi bii, au shɔ sɨn tanɛyi, a yupẽni tipi Galiliyi nɛi ang ɗɔ yumusinɛ ang wɛrɛ. 22Naa Hirodiya ɓɛjaa to ɗɔɔ sà sanɛtɛ, u sà kɔri ɓeye a shɔ gãsiyini waanɛ.
Kpatiu geli jasuu nɛ,<<Gaki vigbete a kasiyɛ nɛ kpai, n yɛn ã tɔ.>> 23Hiridu teetɔ shanɛ,<<Vigbete akɛ gakinɛ n yɛn ãtɔ, ko tipi gbete n roo kpati ɗɔnni n ã tette zali.>>
24Kɛɗɔn jasuu shɛrɛ a kpaa ɓini, <<N nyɛn gaki kɛ iviya.>>
ɓini kasi nyanɛ,<<Yɔhana shɔ Batizima ãnɛ yuu.>>
25Jasuu yuurɛ a sɔ kpati ɗɔbiirɛ nɛn kasi Yɔhana shɔ Batizima yuu, <<N kasi jo dɔddɔrim kɔ a yɛti pii.>>
26Kpatiu yɛti lɛsirɛ waanɛ, ama ji zãriu ɓa aruu gbete si teetɛ gboti a shɔ ɗekn. 27Kɛɗɔn kpati shou sɔjarɛ nɛu n-tin Yɔhana shɔ batizima yuu. Jau yɛrɛ a zẽe Yɔhana yuu a javɨng. 28Kɛɗɔn sɔjau n-tiu Yɔhana yuurɛ a ã jasuurɛ, turɛ a ã ɓini rɛ. 29Naa Yɔhana jadɔyi ntatɛ, i arɛ a tuu Yɔhana biirɛ a gbãrɛ a sàà.
Yesɔ shari shɔ laa laa ziti atu kopi ɓa maani (5,000)
30Yesɔ jashonɛyi kopi tu ziti naa i sɔtɛ, i kpaa Yesɔ rɛ, i geliu vigbete i pɛliyɛ a vishɔgbete i mati shɔyɛ piti kpai. 31Kɛɗɔn shɔzɛ waanɛ i a ɗɔɔ anɛ a shɛnɛ ni a Yesɔ ɗɔbii, i jo kpaa nyaba vishanɛ ɓa. Kɛɗɔn Yesɔ geliyi jashonɛ nɛ, <<U yuunɛ u yɛ ɗɔwɔɔ a nɔgbete ɔ yɛ susuyɛ.>> 32I yuu kɛɗɔn a girgi i yɛkɛ kagbete, i ɔ̃rɛ. 33Shɔzɛ waanɛ i zɛ Yesɔ tɔ aɗɔ yɛnɛni, i ã tɔ̃vɨng tɔ nɛpɛ ikɔ, shɔ a komɔɔ tot -tot i yɛ ɗekn, Yesɔ gnyi a knti au jashonɛni. 34Naa Yesɔ zɛ mɔɔyitɛ a ntayi raarɛ, aruu viya isi naa mɛ̃rɛ̃ɛ gbete u shɔ ganɛ ɓayɛ. Kɛɗɔn Yesɔ gayi vi matirɛ tot-tot.
35Si ɗɔ sɨng janɛtɛ, Yesɔ jadɔyi i au ɗɔbiirɛ i shanɛ, <<Ɗa yiitɛ, u sɔ̃n jàálaa. 36Yaa shɔmi naa nɛ, i yɛrɛ i kãriyi yuu vishanɛ pɛ, i yɛ jakomɔɔ a tipi gbete aɗɔm maani.>>
37Yesɔ kasi nyanɛ<< Ɔ ãi vishanɛ nɛ i shaarɛ viya.>>
I hɨunɛ,<<A kasi nɛ u nyɔ saa azurufa laa kopi (200) u wori shɔ vishanɛ a wuni i shaarɛ ya?>>
38Kɛɗɔn Yesɔ hɨyinɛ, <<Ɔ borodi naa nɛkn nya? Yɛnɛ ɔ zɛrɛ.>>
Naa i zɛtɛ, i geliu nɛ, <<borodi maani a jazɨng ziti.>>
39Kɛɗɔn Yesɔ geliu jadɔyinɛ, ɔ geli shɔnɛ i ɔ̃li a yuu wisi zazza a kǹ-kǹ. 40See shɔ ɔ̃lirɛ a kǹ-kǹ shɔwɔyi si laa maani, laa maani wɔyi sɔ̃n laa ziti atu kopi, laa ziti atu kopi. 41Kɛɗɔn Yesɔ tuu borodi maani a jazɨng ziti, a kn nɔɔ kolapa, a dɔ̃ri Ɗa a dalirɛ. A ãu jadɔyi nɛyi vɔsi shɔnɛ. Vɔsi jazɨn sɔ̃n jo a shɔwi yuu piti kpai. 42Ko piya shaarɛ tɛsiwurɛ. 43Kɛɗɔn Yesɔ jadɔyi i tɔli borodi dalinɛ a jazɨni ɓuti kopi tu ziti. 44Shɔ gbete i shayɛ isi laa laa ziti atu kopi ɓa maani (5,000).
Yesɔ raki a yuu mii
45Ji wariyuɓa Yesɔ geliu jadɔyinɛ i to girgi nɛ, nɛi yɛ Besada a ɗekn, a nya ɓooti wapo da, nɛn vasi mɔɔyi nya pogɔ. 46A knti gbete yaa mɔɔyitɛ, gẽkɛ kɔpɔ ɗɔ Ɗa gakinɛ.
47Naa ɗadɗarɛ pɛlitɛ, si girgiu a tette mii wapo, Yesɔ si a yɔbm a nya doddo. 48Knnɔɔrɛ a zɛu jadɔyi i ɗɔɔ girgi zaanɛ siyi ɗɔ baa waanɛ a sɔrɔni; si ɗaa ntátɛ atette, dɔɔɗaa taati a maangbete a gadii, Yesɔ au jadɔyi ɗɔbiirɛ u ɗɔ ranɛ a yuu mii. pɛli naa kɛ tɛyinɛ, 49ama i zɛu a ɗɔ ranɛ a yuu mii. I sha ai sisɨng nɛ <<pɛ rãma!>> I gaa nya shatinɛ fom-fom. 50I piti kpai i zaatɔ aɗagbete i zɛu yɛni.
Yesɔ nwari nya gbã-gbã a shanɛ,<<Ɔ loki sisɨn a ɓili pɛ n kɔ. Ɔ zaa ɓaǃ>> 51Kɛɗɔn a to yɛti girgirɛ a ikɔni, sɔrɔ shirɛ. Yesɔ jadɔyi vibii zaanɛ sãyi piti kpai, 52aruu gbete i jo kpau karaɓa gbete Yesɔ shaari shɔ laa laa ziti atu kopi ɓa maani (5,000) ɓa, sii sisɨn lakitɛ bang.
Yesɔ gati shɔvɔrɔ wɔɔ a Genesarɛta
53Naa i tɛɛ nya ɓooti datɛ, i yɛkɛ Genesarata a girgi, i maa girgi kɛ ɗɔukɔ. 54Naa i yáá girgi tɛ a ɗɔuni tɛ̃ɛti, shɔ kpaa gǹ gbã-gbã nɛ shɔmpɛ Yesɔ. 55I yurɛ a yɛti komɔɔ piti kpai, ɗɔ gbete i ntanɛ Yesɔ u ɗɔnyɛ i n-tiu shɔ vɔrɔyi a siri gbete i roo ɗɔnyɛ. 56A ɗɔgbete Yesɔ ɗɔnyɛ piti kpai, ko pi jakoomɔɔ shɔ piya, koomɔɔ shɔ piya, a jaayi, shɔ n-ti shɔvɔyi a pɔ̃i a nya lumoo. I gaki Yesɔ rɛ nɛu yapɛ shɔ ɗii naa pɛ au nya fãrã, shɔgbete i ɗii naa a Yesɔ fãrã piti i gatirɛ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria