Mark 5
5
Yesɔ gati shɔ gbete rãma sãuyɛ
1Yesɔ au jaɗɔyini i to nya wapo Galili darɛ, a katipi Jerasa. 2Naa Yesɔ shɛtɛ a yɛti girgi ni, shɔ rãma wɔɔ shɛ a yusàà a yɛu ɗɔbiirɛ. 3Jau roo a yusàà, shɔgbete manɛyɛ tɔɓa; 4Si shɔ mau dɔɔ a nááni a sarka, ama lɔɔri sarka kati a dali sarkaurɛ au dɔɔni. U kakaa si a bii bang shɔji zɛu nɔɔ sãnɛɓa. 5Zɨmba a niti raki a yusàà, a kɔpɔni, u ɗɔɔ sɨnnɛ, a bii gɔ̃kinɛni a tari kpai. 6A zɛ Yesɔ a ɗɔɔ anɛ usi kpɛlɛ awuni, yuurɛ a wẽsi a yuugboti au ɗekn. 7Kaa nya a gãgãni a shanɛ, <<Yesɔ, Ɗalapa gbete vi tɛu kakaa ɓa kpai ɓɛjaa! Akasi ivi ang nkɔni viya? N gakaatɔ a Ɗalapa nii, mɔkɔ tasin ranɛ!>> 8Jau sha vim aruu si Yesɔ shanɛ,<<Suru kɔ̃likinɛ, shɛ nɛ jam biini!>>
9Kɛɗɔn Yesɔ hɨunɛ,<<A niinɛ iviya?>> Jau kasi nyanɛ,<<N niinɛ <Mɔɔ>. Aruu viya u bang.>> 10Suru kɔ̃linɛu gaki Yesɔ sɔ̃n tɔtti nɛ ukɔ yikiyinɛ a ɗɔuni. 11Gãnya isi ɗɔu mani bang a dɔkɔpɔu ni. 12Kɛɗɔn suruyi i gaki Yesɔrɛ,<<Dɔ̃u naa aɗɔɔ gãnyayi; u yɛrɛ u topɛ ai bii.>> 13Yesɔ yasiyi nyaba i yɛrɛ, suru kɔ̃likinɛ i shɛrɛ i to gãnyayi biirɛ. Gãnyayi si laa laa ziti a tu gbete ɓa ziti (2,000) i tɛ̃ɛ a wapo i ɓoo mii i vɔlirɛ. 14Shɔ ganya ganɛyi i yuurɛ yɛnɛ komɔɔ a jakomɔɔ i geli shɔ vi gbete i zɛyɛ, shɔ komɔɔwi a jakomɔɔni i piti kpai i shɛrɛ nɛn zɛ vi gbete a ɗɔɔ yɛnɛpɛ. 15Naa i atɛ a Yesɔ ɗɔbii, i zɛ shɔgbete au si rãmani bii, u ɗɔ ɔ̃nɛ a ɗɔukɔ tosi fãrãtɛ a bii tɛpɛ -tɛpɛ i zɛu nam i zaatɔ. 16Shɔgbete i zɛ vi gbete kpaa shɔ rãmau, i geli shɔ piti kpai a ruu gãnyani. 17Kɛɗɔn shɔwi i gaki Yesɔ nɛ u yaa koowu nɛ. 18Adagbete Yesɔ kɛ to yɛti girgi nɛyɛ, jaagbete rãmayi pɛliuyɛ gaki Yesɔ nɛ,<<Yanɛ n gn apɛ dɔɔni!>> 19Kɛɗɔn Yesɔ ji yau ɓa, a shanɛ, <<Yɛ wɛrɛ a geli mɛshɔzɛyi vigbete Uɓeyelapa pɛlayɛ, a nɔgbete nta raayɛni.>> 20Jau yɛrɛ a to komɔɔ ɗɔɔ kopi, u ɗɔgbete geli shɔ vigbete Yesɔ pɛliuyɛ. Shɔ nta vim piti kpai shɔ zaatɔ.
Jayirus ɓɛjaa a sugbete vɔrɔ
21Naa Yesɔ tɛɛ nyaɓooti wapo da sɔ̃ntɛ. a daukɔ Mɔɔyi kntiu tette. 22Kɛɗɔn Jayirus shɔ yupɛ̃ni a gbete Yahudawa i toliyɛ i gaki Ɗa arɛ, naa zɛ Yesɔ tɛ ta a yugboti au ɗekn. 23A gakiu sisɨn gbete, <<N jasoro u vɔrɔ waanɛ. Sɔkɔ arɛ a pɔ̃siu naapɛ a yuu, aruu iviya u gatitɔ.>> 24Yesɔ yɛrɛ a Jayirus ni. Kɛɗɔn shɔ gn Yesɔ a dɔɔ waane shɔ kntiu a tette. 25Suwɔɔ si ɗɔn u kpaa tɛ̃ɛ saa kopi tu ziti, 26Likitayi tɔttɔt i pɛliu gãnrɛ ji gatiɓa. Nisiu saa piti kpai, nagbete si gatiyɛ vɔrɔu yɛ sɔ̃n ɗekn-ɗekn. 27Naa suu nta Yesɔ ruu biitɛ, a arɛ a shɔ tette bii a Yesɔ kaknti, 28suu sha au sisɨnnɛ, << Nkɛ nta Yesɔ nya fãrã nɛ, n yɛn gatitɔ.>>
29Suu ɗi Yesɔ fãrã rɛ, a gati tɛ̃ɛ̃t; Ntatɔ au biini nɛn gatintɛ. 30Tɛ̃ɛti Yesɔ ntarɛ kakaa shɛtɛ au bii, a zaanɔɔ a hɨnɛ,<<Pi ɗinaa pi ang fãrã piya?>>
31<<U jadɔyi kasiunya i shanɛ, A zɛ tɛttɔ mɔɔ waanɛ ikɛ dɔ̃ a nɛ, anɛ pi ɗin piya ya?>> 32Kɛɗɔn Yesɔ knnɔɔ nɛn zɛ shɔgbete pɛli vimyɛ pɛ. 33Suu kpaa sɨsɨng aruu vigbete shɔ pɛliu yɛ, suu a setini a ta a Yesɔ ɗekn a geliu ruu tɔ̃vɨngrɛ kpai. 34Yesɔ geli suu nɛ, majaa a sisɨn ãnɛ gataatɛ. Yɛnɛ a biinyatɔ̃nɛ ni, a gatitɛ aa vɔrɔni.
35Si Yesɔ u doo ɗɔɔ nwanɛ, jashonɛ wɔyi a Jayirus wɛrɛ i geliu nɛ, <<A jasuu votɛ gbot. A yɔri Shɔmalau nɛ iviya?>>
36Yesɔ ji wayu ɓa a vigbete i shaliyɛni ɓa, a geliyi nɛ, <<Ɔ kɔ nta setinɛ, ɔ ã ɓɛɛjo tɔ̃vɨng.>> 37Kɛɗɔn Yesɔ ji yáá shɔwɔ ɓa nɛu gnrɛ ɓa, see Bituru a Yakubu a ɓɛzɔ̃ Yɔhana. 38I to Jayirus wɛrɛ, kɛ ɗɔukɔ Yesɔ zɛ yuu kɔnɛ a shɔ nyavɔ gbete shɔ sɨng a kakaani, a pɔ̃ sisɨng ai biini. 39Yesɔ tɔrɛ a geliyinɛ, ɔ sisɨn aruu iviya? Jau ji vɔɓa-- u ɓɛjo nɔrɔ!
40I latiu ɓɛjitɔ, a shɛshi i ɓili piti kpai, a ɓa jaa ɓeye nyarɛ a ɓini ni au jadɔyi taati, i tɔ jaaurɛ ɗɔgbete shɔ yɔ jaau ɗɔnyɛ. 41Sã jaau naarɛ a yusu lapa a geliunɛ,<<Talitakumi,>>ukɔ ɔ̃rɛ, yulapanɛ ujɔ̀ɔ́ n kɔ gelaa jo! 42Tɛ̃ɛ̃ti Jasuu yulaparɛ gaa rakinɛ ai ɗɔbii. (U saa si kopi tu ziti.) Naa vim pɛlitɛ, i biizaarɛ piti kpai. 43Ama Yesɔ gɔ̃i yushotɔ nɛ ikɔ geli shɔwɔnɛ, a shanɛ, <<Ɔ ãu vi shaanɛ nɛ.>>
Valið núna:
Mark 5: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 5
5
Yesɔ gati shɔ gbete rãma sãuyɛ
1Yesɔ au jaɗɔyini i to nya wapo Galili darɛ, a katipi Jerasa. 2Naa Yesɔ shɛtɛ a yɛti girgi ni, shɔ rãma wɔɔ shɛ a yusàà a yɛu ɗɔbiirɛ. 3Jau roo a yusàà, shɔgbete manɛyɛ tɔɓa; 4Si shɔ mau dɔɔ a nááni a sarka, ama lɔɔri sarka kati a dali sarkaurɛ au dɔɔni. U kakaa si a bii bang shɔji zɛu nɔɔ sãnɛɓa. 5Zɨmba a niti raki a yusàà, a kɔpɔni, u ɗɔɔ sɨnnɛ, a bii gɔ̃kinɛni a tari kpai. 6A zɛ Yesɔ a ɗɔɔ anɛ usi kpɛlɛ awuni, yuurɛ a wẽsi a yuugboti au ɗekn. 7Kaa nya a gãgãni a shanɛ, <<Yesɔ, Ɗalapa gbete vi tɛu kakaa ɓa kpai ɓɛjaa! Akasi ivi ang nkɔni viya? N gakaatɔ a Ɗalapa nii, mɔkɔ tasin ranɛ!>> 8Jau sha vim aruu si Yesɔ shanɛ,<<Suru kɔ̃likinɛ, shɛ nɛ jam biini!>>
9Kɛɗɔn Yesɔ hɨunɛ,<<A niinɛ iviya?>> Jau kasi nyanɛ,<<N niinɛ <Mɔɔ>. Aruu viya u bang.>> 10Suru kɔ̃linɛu gaki Yesɔ sɔ̃n tɔtti nɛ ukɔ yikiyinɛ a ɗɔuni. 11Gãnya isi ɗɔu mani bang a dɔkɔpɔu ni. 12Kɛɗɔn suruyi i gaki Yesɔrɛ,<<Dɔ̃u naa aɗɔɔ gãnyayi; u yɛrɛ u topɛ ai bii.>> 13Yesɔ yasiyi nyaba i yɛrɛ, suru kɔ̃likinɛ i shɛrɛ i to gãnyayi biirɛ. Gãnyayi si laa laa ziti a tu gbete ɓa ziti (2,000) i tɛ̃ɛ a wapo i ɓoo mii i vɔlirɛ. 14Shɔ ganya ganɛyi i yuurɛ yɛnɛ komɔɔ a jakomɔɔ i geli shɔ vi gbete i zɛyɛ, shɔ komɔɔwi a jakomɔɔni i piti kpai i shɛrɛ nɛn zɛ vi gbete a ɗɔɔ yɛnɛpɛ. 15Naa i atɛ a Yesɔ ɗɔbii, i zɛ shɔgbete au si rãmani bii, u ɗɔ ɔ̃nɛ a ɗɔukɔ tosi fãrãtɛ a bii tɛpɛ -tɛpɛ i zɛu nam i zaatɔ. 16Shɔgbete i zɛ vi gbete kpaa shɔ rãmau, i geli shɔ piti kpai a ruu gãnyani. 17Kɛɗɔn shɔwi i gaki Yesɔ nɛ u yaa koowu nɛ. 18Adagbete Yesɔ kɛ to yɛti girgi nɛyɛ, jaagbete rãmayi pɛliuyɛ gaki Yesɔ nɛ,<<Yanɛ n gn apɛ dɔɔni!>> 19Kɛɗɔn Yesɔ ji yau ɓa, a shanɛ, <<Yɛ wɛrɛ a geli mɛshɔzɛyi vigbete Uɓeyelapa pɛlayɛ, a nɔgbete nta raayɛni.>> 20Jau yɛrɛ a to komɔɔ ɗɔɔ kopi, u ɗɔgbete geli shɔ vigbete Yesɔ pɛliuyɛ. Shɔ nta vim piti kpai shɔ zaatɔ.
Jayirus ɓɛjaa a sugbete vɔrɔ
21Naa Yesɔ tɛɛ nyaɓooti wapo da sɔ̃ntɛ. a daukɔ Mɔɔyi kntiu tette. 22Kɛɗɔn Jayirus shɔ yupɛ̃ni a gbete Yahudawa i toliyɛ i gaki Ɗa arɛ, naa zɛ Yesɔ tɛ ta a yugboti au ɗekn. 23A gakiu sisɨn gbete, <<N jasoro u vɔrɔ waanɛ. Sɔkɔ arɛ a pɔ̃siu naapɛ a yuu, aruu iviya u gatitɔ.>> 24Yesɔ yɛrɛ a Jayirus ni. Kɛɗɔn shɔ gn Yesɔ a dɔɔ waane shɔ kntiu a tette. 25Suwɔɔ si ɗɔn u kpaa tɛ̃ɛ saa kopi tu ziti, 26Likitayi tɔttɔt i pɛliu gãnrɛ ji gatiɓa. Nisiu saa piti kpai, nagbete si gatiyɛ vɔrɔu yɛ sɔ̃n ɗekn-ɗekn. 27Naa suu nta Yesɔ ruu biitɛ, a arɛ a shɔ tette bii a Yesɔ kaknti, 28suu sha au sisɨnnɛ, << Nkɛ nta Yesɔ nya fãrã nɛ, n yɛn gatitɔ.>>
29Suu ɗi Yesɔ fãrã rɛ, a gati tɛ̃ɛ̃t; Ntatɔ au biini nɛn gatintɛ. 30Tɛ̃ɛti Yesɔ ntarɛ kakaa shɛtɛ au bii, a zaanɔɔ a hɨnɛ,<<Pi ɗinaa pi ang fãrã piya?>>
31<<U jadɔyi kasiunya i shanɛ, A zɛ tɛttɔ mɔɔ waanɛ ikɛ dɔ̃ a nɛ, anɛ pi ɗin piya ya?>> 32Kɛɗɔn Yesɔ knnɔɔ nɛn zɛ shɔgbete pɛli vimyɛ pɛ. 33Suu kpaa sɨsɨng aruu vigbete shɔ pɛliu yɛ, suu a setini a ta a Yesɔ ɗekn a geliu ruu tɔ̃vɨngrɛ kpai. 34Yesɔ geli suu nɛ, majaa a sisɨn ãnɛ gataatɛ. Yɛnɛ a biinyatɔ̃nɛ ni, a gatitɛ aa vɔrɔni.
35Si Yesɔ u doo ɗɔɔ nwanɛ, jashonɛ wɔyi a Jayirus wɛrɛ i geliu nɛ, <<A jasuu votɛ gbot. A yɔri Shɔmalau nɛ iviya?>>
36Yesɔ ji wayu ɓa a vigbete i shaliyɛni ɓa, a geliyi nɛ, <<Ɔ kɔ nta setinɛ, ɔ ã ɓɛɛjo tɔ̃vɨng.>> 37Kɛɗɔn Yesɔ ji yáá shɔwɔ ɓa nɛu gnrɛ ɓa, see Bituru a Yakubu a ɓɛzɔ̃ Yɔhana. 38I to Jayirus wɛrɛ, kɛ ɗɔukɔ Yesɔ zɛ yuu kɔnɛ a shɔ nyavɔ gbete shɔ sɨng a kakaani, a pɔ̃ sisɨng ai biini. 39Yesɔ tɔrɛ a geliyinɛ, ɔ sisɨn aruu iviya? Jau ji vɔɓa-- u ɓɛjo nɔrɔ!
40I latiu ɓɛjitɔ, a shɛshi i ɓili piti kpai, a ɓa jaa ɓeye nyarɛ a ɓini ni au jadɔyi taati, i tɔ jaaurɛ ɗɔgbete shɔ yɔ jaau ɗɔnyɛ. 41Sã jaau naarɛ a yusu lapa a geliunɛ,<<Talitakumi,>>ukɔ ɔ̃rɛ, yulapanɛ ujɔ̀ɔ́ n kɔ gelaa jo! 42Tɛ̃ɛ̃ti Jasuu yulaparɛ gaa rakinɛ ai ɗɔbii. (U saa si kopi tu ziti.) Naa vim pɛlitɛ, i biizaarɛ piti kpai. 43Ama Yesɔ gɔ̃i yushotɔ nɛ ikɔ geli shɔwɔnɛ, a shanɛ, <<Ɔ ãu vi shaanɛ nɛ.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria