Mark 7
7
Vi wɔsɔ-wɔsɔ a vi gbete ɓa wɔsɔ-wɔsɔ ɓa
1Gãsi Farasiyawayi a shɔmala nya-ãsinɛ Musa i a, a Urushalima i toli nya a Yesɔ ɗɔbii. 2I knnɔɔ i zɛrɛ Yesɔ jaɗɔyi gãsi i shaa vishanɛ a naa gbete <<ɓa wɔsɔ-wɔsɔ ɓa,>> ukɔ ɔ̃rɛ iji sɔɔ naa ɓa nagbete Farasiyawa i matiyi shɔ yɛ, ji nɔgbete i nyakoo matiyi yɛ. 3( Farasiyawayi a shɔ Yahudawayini piti kpai i shaa vishaanɛ ɓa setɛ i sɔɔ naa tɛttɔ, i gnji i nakoo gbete i shɔpẽni i matiyiyɛ. 4Piti a vigbete i a awuni a lumɔɔni i shaa ɓa setɛ i sɔɔtɛ. I vikoo wɔɔyi sɔ̃n aɗɔn gbete i gnyɛ tottot, naa jawaa sɔlinɛ, a ɓariyi, wɔsɔ̃n kpariyi sɔlinɛ a sirini.
5Kɛɗɔn Farasiyawayi a shɔmala nya-ãsinɛ Musa i hɨ Yesɔ nɛ,<<Aruu ivi a jadɔyi i gn vi naakoo gbete shɔpẽniyi mati shɔyɛ ɓa, ama i shaa vi a naa gbete<ɓa wɔsɔ-wɔsɔ ɓa>viya?>>
6Yesɔ risinyanɛ,<<vigbete Ɗa jashonɛ Ishaya sha si awɔ yuu pɛ nizɛ, ɔpɛ shɔ-shɔ ɗakinɛyi kɔ; nagbete laabeenɛ shayɛ:
<< <Shɔmiyi i basing ɓɛjo a nyalapa kɔ sheeli,
ama i sisɨn kpɛlɛ ang ɗɔbiini.
7I gn n ɓɛɛjo waati weze;
I mati shɔ ɓɛɛjo nya-ãsinɛ shɔzɛ vi pɛlinɛ ɓa Ɗalapa ɓɛɛ ɓa!>
8Ɔ yaa Ɗalapa nya-ãsitɛ ɔ gn ɓɛɛjo ɔ naakoo, vigbete shɔzɛ mati shɔyɛ.>>
9Yesɔ yɛ ɗekn ai gelinɛni nɛ:<<ɔ zɛnɔɔ Ɗalapa nya-ãsinɛ yaanɛtɛ kagbete ɔ nɛi gn ɔ naakoo! 10Musa shanɛ,<Ɔ bassi meyeutɔ a miniuni,>tɔtti, <shɔgbete kɛ sha ruu kɔ̃linɛ nɛ a ɓeye yuu ko mini yuu ɔ̃tɛ lakɔrɔ shɔu nyou vɔrɔtɔ.> 11Ama ɔ mati shɔ vinɛ nɛpɛ tɔ̃vɨng shɔu yaa ɓeye a minini aɗagbete iɗɔ raatasinɛ, nɛ tɔ̃vɨng shɔu ãvipɛ Ɗalapa:<vigbete ɔ si kpaa ang ɗɔbii piti kpai n teetɛ n ãkɛ Ɗalapa,> 12nankɔ ɔ zãri shɔtɛ nɛ shɔkɔ pɔ̃si ɓeye a ɓini naanɛ a vini. 13A nyabankɔ vigbete ɔ mati shɔ nyo Ɗalapa nya ruubiitɛ. viwɔyi sɔ̃nji aɗɔn waanɛ gbete ɔ pɛli nankɔ.>>
Vigbete pɔ̃rɛ shɔ ɔ̃ ɓa wɔsɔ-wɔsɔ ɓa
14Tɔttɔ Yesɔ ɓaa mɔɔ nyarɛ a geliyinɛ, kopiya u weshopɛ ang nya, ɔ zɛ tɔ̃vɨng. 15Ɓa vigbete shɔ shaarɛ a nya ukɔ pɔ̃rɛ shɔ ɔ̃ <<ɓa wɔsɔ-wɔsɔ ɓa,>> a Ɗalapa ɗeknrɛ niɓa, pɛ vigbete shɛ a shɔ sisɨn ɓusɨn ɔkɔ pɔ̃rɛ shɔu ɔ̃ ɓa wɔsɔ-wɔsɔ ɓa a Ɗalapa ɗekn.
16Shɔgbete u sho ntanɛ aɗɔn u ntapɛ tɔ̃vɨng.
17Aknti gbete Yesɔ yisi mɔɔyi vi matinɛtɛ, tokɛ yɛti wɛrɛ, u jaɗɔyi i hɨ ruu nɛu tasiyi dɔɔ ruuɓusunɛ gbete shayɛ pɛ. 18Yesɔ risinyanɛ,<<Ɔ ang yusẽtɛ ɔkɔma ɔji zɛ vigbete n shayɛ ɓaa? Ɔji zɛɓa nɛ, ɓa vigbete shɔ tosi a yɛti, ɓa ukɔ pɔ̃rɛ shɔzɛ u ɔ̃ <Ɓa wɔsɔ-wɔsɔ ɓa.> 19Aruu vishaanɛ toɓa shɔzɛ sisɨn ɓa ama u yɛti ɓuzɨn, kɛɗɔn yɛ shɛ ɓili kɛkn.>>(Yesɔ sha vim, u tasinɛ vishaanɛ piti kpai pɛ, <<Vi wɔsɔ-wɔsɔ.>>
20Yesɔ yɛ ɗekn a shanɛni nɛ:<<Vigbete shɛ a shɔ sisɨn ukɔ pɔ̃rɛ shɔu ɔ̃ ɓa wɔsɔ-wɔsɔ ɓa.>> 21aruu gbete pɛ shɔzɛ sisɨn kɔ, ruu kɔ̃linɛ shɛkirɛ, naa shɔja lɛsinɛ, vi ɓɔɔnɛ, shɔ nyonɛ, roonɛ a shɔ soni, 22mang pɛlinɛ, lánɛ́, shɔ ɗakinɛ, sisɨn vi tɔ̃vɨng kasinɛ gbete ɓa nyaɓa tɔ̃vɨng ɓa, shɔ sannɛ a sisɨn, shɔ nii lɛsinɛ, a yuu lakinɛ wɔsɔ̃n vi rãn shonɛ. 23Vi kɔ̃linɛm piti kpai shɛ a sisɨn ukɔ pɔ̃ shɔzɛ u ɔ̃rɛ <<ɓa wɔsɔ-wɔsɔ ɓa.>>
Suu sisɨn ãnɛ
24Kɛɗɔn Yesɔ yaa ɗɔurɛ yɛkɛ komɔɔ Taya a Sudun. to yɛti wɛrɛ ji kasiɓa nɛ shɔwɔ u zɛnrɛ ɓa; shom piti u ɓunɛu ji pɛliɓa. 25Tɛ̃ɛ̃ti naa suwɔɔ nta Yesɔ ruubiitɛ, suu u jasoro pẽtẽrẽ suru kɔ̃linɛ sãutɔ arɛ a nwese a Yesɔ ɗekn. 26Suu pɛ shɔzati a Yahudawa i tipi, shɔ yeu a tipi ponishiya a Siriya. Gakki Yesɔ nɛu shɛshi suru kɔ̃linɛ ang ɓɛjaa bii.
27Yesɔ geli suunɛ, u shaari pɛ shɔ Isirelayi pɛtɔ a ɗekn gbete i naa jajjayi, ɓa vitɔ̃vɨng a tuu jajjayi vishaanɛ a ã shɔgbeteyi ɓa Yahudawa ɓa gbete i naa zaayɛ.
28Suu kasinyanɛ, <<nankɔ, Uɓeyelapa, ama zaayi ma i shaa vishaanɛ gbete nteli atipi a jajja piitɔ.>>
29kɛɗɔn Yesɔ geli suu nɛ, <<aruu gbete a kasinyaɓang kɔ, yɛ wɛrɛnɛ, suru kɔ̃linɛ yaa mɛjautɛ.>>
30A Suu wɛrɛrɛ kpaarɛ jajjau rotɛ a laa roonɛ, suru kɔ̃linɛ shɛtɛ a ɓejau biini.
Yesɔ gati shɔgbete nwanyaɓa a shogbãti
31Kɛɗɔn Yesɔ yaa tipi Tayarɛ a sɔkɛ nyaɓa Sudun yɛnɛ ɓooti Galili. Akɛ ɗɔlaa kopi i koo. 32A ɗɔukɔ shɔ n-tiu jawɔɔrɛ gbete nwanyaɓa, shogbãti nta ruu ɓa ntẽtini ɓa, shɔ gakki Yesɔ nɛu pɔ̃siu naa ayuu aruu u gatitɔ.
33Yesɔ gɔ̃ jaurɛ kagbete a shɛshiu a mɔɔyi ɗɔbiini, a tosi janaa a jau sho a tuli susãri aɗɔn kɛɗɔn Yesɔ susãri ɗiiwɔɔ jau ɗɛɛti. 34Kɛɗɔn a ɗee nɔɔ a lapa, a gɔ̃ ɔ̃kinɛ a kakaani, a shanɛ, <<Ippataǃ>>ukɔ ɔ̃rɛ, <<ɓelinɛǃ>> 35Tɛ̃ɛ̃ti jau sho i ɓelirɛ nta vigbete shɔ shayɛ tɛpɛ-tɛpɛ, vigbete si shatiu ɗɛɛti kalirɛ, gaa nyanwanɛrɛ tɛpɛ-tɛpɛ.
36Kɛɗɔn Yesɔ gɔ̃ shɔ yuushorɛ nɛ, ikɔ geli shɔwɔyinɛ ama u ɗɔɔ i zãrinɛ i yɛ ɗekn ɓɛɛjitɔ a shɔ gelinɛni. 37shɔ nta vim nam kopiya vibii zaanɛ pɛliyi waanɛ i shanɛ,<<pɛli vitɛ kpai tɔ̃vɨng, pɔ̃ shɔ shogbãtitɛ i nta ruutɛ, a shɔ gbete i nyaɓa i nwanyatɛ.>>
Valið núna:
Mark 7: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 7
7
Vi wɔsɔ-wɔsɔ a vi gbete ɓa wɔsɔ-wɔsɔ ɓa
1Gãsi Farasiyawayi a shɔmala nya-ãsinɛ Musa i a, a Urushalima i toli nya a Yesɔ ɗɔbii. 2I knnɔɔ i zɛrɛ Yesɔ jaɗɔyi gãsi i shaa vishanɛ a naa gbete <<ɓa wɔsɔ-wɔsɔ ɓa,>> ukɔ ɔ̃rɛ iji sɔɔ naa ɓa nagbete Farasiyawa i matiyi shɔ yɛ, ji nɔgbete i nyakoo matiyi yɛ. 3( Farasiyawayi a shɔ Yahudawayini piti kpai i shaa vishaanɛ ɓa setɛ i sɔɔ naa tɛttɔ, i gnji i nakoo gbete i shɔpẽni i matiyiyɛ. 4Piti a vigbete i a awuni a lumɔɔni i shaa ɓa setɛ i sɔɔtɛ. I vikoo wɔɔyi sɔ̃n aɗɔn gbete i gnyɛ tottot, naa jawaa sɔlinɛ, a ɓariyi, wɔsɔ̃n kpariyi sɔlinɛ a sirini.
5Kɛɗɔn Farasiyawayi a shɔmala nya-ãsinɛ Musa i hɨ Yesɔ nɛ,<<Aruu ivi a jadɔyi i gn vi naakoo gbete shɔpẽniyi mati shɔyɛ ɓa, ama i shaa vi a naa gbete<ɓa wɔsɔ-wɔsɔ ɓa>viya?>>
6Yesɔ risinyanɛ,<<vigbete Ɗa jashonɛ Ishaya sha si awɔ yuu pɛ nizɛ, ɔpɛ shɔ-shɔ ɗakinɛyi kɔ; nagbete laabeenɛ shayɛ:
<< <Shɔmiyi i basing ɓɛjo a nyalapa kɔ sheeli,
ama i sisɨn kpɛlɛ ang ɗɔbiini.
7I gn n ɓɛɛjo waati weze;
I mati shɔ ɓɛɛjo nya-ãsinɛ shɔzɛ vi pɛlinɛ ɓa Ɗalapa ɓɛɛ ɓa!>
8Ɔ yaa Ɗalapa nya-ãsitɛ ɔ gn ɓɛɛjo ɔ naakoo, vigbete shɔzɛ mati shɔyɛ.>>
9Yesɔ yɛ ɗekn ai gelinɛni nɛ:<<ɔ zɛnɔɔ Ɗalapa nya-ãsinɛ yaanɛtɛ kagbete ɔ nɛi gn ɔ naakoo! 10Musa shanɛ,<Ɔ bassi meyeutɔ a miniuni,>tɔtti, <shɔgbete kɛ sha ruu kɔ̃linɛ nɛ a ɓeye yuu ko mini yuu ɔ̃tɛ lakɔrɔ shɔu nyou vɔrɔtɔ.> 11Ama ɔ mati shɔ vinɛ nɛpɛ tɔ̃vɨng shɔu yaa ɓeye a minini aɗagbete iɗɔ raatasinɛ, nɛ tɔ̃vɨng shɔu ãvipɛ Ɗalapa:<vigbete ɔ si kpaa ang ɗɔbii piti kpai n teetɛ n ãkɛ Ɗalapa,> 12nankɔ ɔ zãri shɔtɛ nɛ shɔkɔ pɔ̃si ɓeye a ɓini naanɛ a vini. 13A nyabankɔ vigbete ɔ mati shɔ nyo Ɗalapa nya ruubiitɛ. viwɔyi sɔ̃nji aɗɔn waanɛ gbete ɔ pɛli nankɔ.>>
Vigbete pɔ̃rɛ shɔ ɔ̃ ɓa wɔsɔ-wɔsɔ ɓa
14Tɔttɔ Yesɔ ɓaa mɔɔ nyarɛ a geliyinɛ, kopiya u weshopɛ ang nya, ɔ zɛ tɔ̃vɨng. 15Ɓa vigbete shɔ shaarɛ a nya ukɔ pɔ̃rɛ shɔ ɔ̃ <<ɓa wɔsɔ-wɔsɔ ɓa,>> a Ɗalapa ɗeknrɛ niɓa, pɛ vigbete shɛ a shɔ sisɨn ɓusɨn ɔkɔ pɔ̃rɛ shɔu ɔ̃ ɓa wɔsɔ-wɔsɔ ɓa a Ɗalapa ɗekn.
16Shɔgbete u sho ntanɛ aɗɔn u ntapɛ tɔ̃vɨng.
17Aknti gbete Yesɔ yisi mɔɔyi vi matinɛtɛ, tokɛ yɛti wɛrɛ, u jaɗɔyi i hɨ ruu nɛu tasiyi dɔɔ ruuɓusunɛ gbete shayɛ pɛ. 18Yesɔ risinyanɛ,<<Ɔ ang yusẽtɛ ɔkɔma ɔji zɛ vigbete n shayɛ ɓaa? Ɔji zɛɓa nɛ, ɓa vigbete shɔ tosi a yɛti, ɓa ukɔ pɔ̃rɛ shɔzɛ u ɔ̃ <Ɓa wɔsɔ-wɔsɔ ɓa.> 19Aruu vishaanɛ toɓa shɔzɛ sisɨn ɓa ama u yɛti ɓuzɨn, kɛɗɔn yɛ shɛ ɓili kɛkn.>>(Yesɔ sha vim, u tasinɛ vishaanɛ piti kpai pɛ, <<Vi wɔsɔ-wɔsɔ.>>
20Yesɔ yɛ ɗekn a shanɛni nɛ:<<Vigbete shɛ a shɔ sisɨn ukɔ pɔ̃rɛ shɔu ɔ̃ ɓa wɔsɔ-wɔsɔ ɓa.>> 21aruu gbete pɛ shɔzɛ sisɨn kɔ, ruu kɔ̃linɛ shɛkirɛ, naa shɔja lɛsinɛ, vi ɓɔɔnɛ, shɔ nyonɛ, roonɛ a shɔ soni, 22mang pɛlinɛ, lánɛ́, shɔ ɗakinɛ, sisɨn vi tɔ̃vɨng kasinɛ gbete ɓa nyaɓa tɔ̃vɨng ɓa, shɔ sannɛ a sisɨn, shɔ nii lɛsinɛ, a yuu lakinɛ wɔsɔ̃n vi rãn shonɛ. 23Vi kɔ̃linɛm piti kpai shɛ a sisɨn ukɔ pɔ̃ shɔzɛ u ɔ̃rɛ <<ɓa wɔsɔ-wɔsɔ ɓa.>>
Suu sisɨn ãnɛ
24Kɛɗɔn Yesɔ yaa ɗɔurɛ yɛkɛ komɔɔ Taya a Sudun. to yɛti wɛrɛ ji kasiɓa nɛ shɔwɔ u zɛnrɛ ɓa; shom piti u ɓunɛu ji pɛliɓa. 25Tɛ̃ɛ̃ti naa suwɔɔ nta Yesɔ ruubiitɛ, suu u jasoro pẽtẽrẽ suru kɔ̃linɛ sãutɔ arɛ a nwese a Yesɔ ɗekn. 26Suu pɛ shɔzati a Yahudawa i tipi, shɔ yeu a tipi ponishiya a Siriya. Gakki Yesɔ nɛu shɛshi suru kɔ̃linɛ ang ɓɛjaa bii.
27Yesɔ geli suunɛ, u shaari pɛ shɔ Isirelayi pɛtɔ a ɗekn gbete i naa jajjayi, ɓa vitɔ̃vɨng a tuu jajjayi vishaanɛ a ã shɔgbeteyi ɓa Yahudawa ɓa gbete i naa zaayɛ.
28Suu kasinyanɛ, <<nankɔ, Uɓeyelapa, ama zaayi ma i shaa vishaanɛ gbete nteli atipi a jajja piitɔ.>>
29kɛɗɔn Yesɔ geli suu nɛ, <<aruu gbete a kasinyaɓang kɔ, yɛ wɛrɛnɛ, suru kɔ̃linɛ yaa mɛjautɛ.>>
30A Suu wɛrɛrɛ kpaarɛ jajjau rotɛ a laa roonɛ, suru kɔ̃linɛ shɛtɛ a ɓejau biini.
Yesɔ gati shɔgbete nwanyaɓa a shogbãti
31Kɛɗɔn Yesɔ yaa tipi Tayarɛ a sɔkɛ nyaɓa Sudun yɛnɛ ɓooti Galili. Akɛ ɗɔlaa kopi i koo. 32A ɗɔukɔ shɔ n-tiu jawɔɔrɛ gbete nwanyaɓa, shogbãti nta ruu ɓa ntẽtini ɓa, shɔ gakki Yesɔ nɛu pɔ̃siu naa ayuu aruu u gatitɔ.
33Yesɔ gɔ̃ jaurɛ kagbete a shɛshiu a mɔɔyi ɗɔbiini, a tosi janaa a jau sho a tuli susãri aɗɔn kɛɗɔn Yesɔ susãri ɗiiwɔɔ jau ɗɛɛti. 34Kɛɗɔn a ɗee nɔɔ a lapa, a gɔ̃ ɔ̃kinɛ a kakaani, a shanɛ, <<Ippataǃ>>ukɔ ɔ̃rɛ, <<ɓelinɛǃ>> 35Tɛ̃ɛ̃ti jau sho i ɓelirɛ nta vigbete shɔ shayɛ tɛpɛ-tɛpɛ, vigbete si shatiu ɗɛɛti kalirɛ, gaa nyanwanɛrɛ tɛpɛ-tɛpɛ.
36Kɛɗɔn Yesɔ gɔ̃ shɔ yuushorɛ nɛ, ikɔ geli shɔwɔyinɛ ama u ɗɔɔ i zãrinɛ i yɛ ɗekn ɓɛɛjitɔ a shɔ gelinɛni. 37shɔ nta vim nam kopiya vibii zaanɛ pɛliyi waanɛ i shanɛ,<<pɛli vitɛ kpai tɔ̃vɨng, pɔ̃ shɔ shogbãtitɛ i nta ruutɛ, a shɔ gbete i nyaɓa i nwanyatɛ.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria