Mark 4
4
Ruuɓusinɛ ayuu shɔgbete ɓaa zɔvi
1Tɔtti Yesɔ gaa vimatinɛ a nya wapo Galili. Mɔɔyi gbete i toli au ɗɔbii i si bang, kɛɗɔn yurɛ a to yɛti girgi mii a wapo a ɔ̃rɛ ɗɔn, mɔɔyi shili kɛ nya wapo. 2Yesɔ mati shɔ vi waanɛ pɛli vishonɛ a ruuɓusinɛ, a geliyi nɛ.
3<<Ɔ weshopɛ! Lewɔɔ ɗɔn shɔwɔɔ tu zɔvi a yɛ ɗɔɔ zɔnɛ au jaa. 4Usi ɗɔɔ zɔvi zɔnɛ a jaa, zɔvi gãsiyi shishi a nyaba janoyi nyekirɛ i sharɛ. 5Gãsiyi shishi a tipi ɗɔɔ jatari, aɗɔgbete tipi si ɓa bang ɓa. Zɔviu taa gbãgbã, aruu tipiu siɓa gbikiri-gbikiri ɓa. 6Kɛɗɔn, naa ɗaa tootɛ, a too vishau watirɛ aruu u gnri siɓa bang ɓa. 7Gãsiyi zɔvi shishi a tette kɔkkɔ, naa batɛ kɔkkɔ maurɛ a watirɛ, ijo shɛshi nɔɔ ɓa. 8Ama zɔvi gãsiyi shishi a tipi tɔ̃vɨng, vishau tarɛ, a barɛ, shɛshi nɔɔ rɛ, zɔvi shɛrɛ gãsiyi wɔsi bmat atu kopi (30), wɔsi laa taati (60), wɔsi laa maani (100).>> 9Yesɔ yisi nya ruu shanɛ nɛ, <<Ɔ weshopɛ, Shɔu sho ntanɛ aɗɔn, u ntarɛ.>>
Ruuɓusinɛyi dɔɔ tanɛ
10Aɗagbete Yesɔ u si a yɔbm, u jadɔyi a shɔwɔyini i yɛu ɗɔbiirɛ a hɨu nɛ, tasiu dɔɔ ruu gbete a sha aruu ɓusinem pɛ. 11Yesɔ kasiyi nyanɛ,<<Shɔ tasɔɔ dɔɔ ruuɓusinɛ tɛ, aruu kpati roonɛ a kolapa, ama n mati shɔgbete i ji ã sisɨn ɓa a Ɗa kpati roonɛni ɓa vi ɓɛɛjo a ruuɓusinɛkɔ sheeli,>> 12aruu gbete,
<<I tāà nɔɔ, i tāà nɔɔ
ama i zɛ viɓa,
i wesho, i wesho
ama i nta ruuɓa;
aruu ikɛ ntanɛ ikɛ zɛnɛ iyɛ sɔrɛ i gn Ɗalapa tɔ,
Ɗalapa yɛ yasiyi ruuvinirɛ!>>
Yesɔ tadɔɔ ruuɓusinɛ
13Kɛɗɔn Yesɔ hɨyinɛ, <<Ɔ ji zɛ ruuɓusinɛm ɓaya? Ɔ yɛ zɛ ruuɓusinɛ gãsi kɛpi koviya? 14Zɔvi gbete shɔ jalanɛ ɓaayɛ uko ɔ̃rɛ Ɗalapa nya ruubii. 15Shɔwɔyi naa zɔvi gbete shishi a nya ba, ikɔyi ɔ̃rɛ shɔgbete ikɛ nta Ɗalapa ruubiinɛ tɛ̃ɛ̃ti i tɛ gbãgbã, japẽpẽẽ arɛ tuu vigbete shɔ ɓaa ai sisɨn kati. 16Shɔwɔyi naa zɔvi gbete shishi aɗɔ kɔkkɔ yɛ, naa i nta Ɗalapa ruubitɛ tɛ̃ɛ̃ti i tɛ a sisɨng puru. 17Ama ruwu gnri si ɓa, ruu jo ɔ̃ ɓa sɛ̃nɛnɛ ɓa. Aɗagbete yukɔnɛ, a raa tasinɛ kaanɛ ayuu ruumkɔ, i yaa Ɗalapa nya ruubii bɛtɛk. 18Shɔwɔyi naa zɔvi gbete shishi a tette kɔkkɔyɛ, ikɔyi ɔ̃rɛ shɔgbete ikɛ nta Ɗalapa ruubiinɛ; 19Aruu vi kasinɛ a koo ai sɨsɨng bang, vinaa kãnɛ a vi gãsi kãnɛ, raa ruu Ɗalapa tɛ ai sɨsɨng ni, i ji yee jaa ɓa. 20Shɔwɔyi naa zɔvi gbete shishi a tipi tɔ̃vɨng, ikɛ nta Ɗalapa ruubiinɛ, i tɛrɛː zɔvi shɛrɛ u yee jaa bmati atu kopi (30), wɔɔ laa taati (60), wɔsɔ̃n ɓa laa maani (100) ayuu vi gbete i zɔyɛ.>>
Pitila a yuu laa ɔ̃nɛ
21Yesɔ yɛ ɗekn, a shanɛ,<<Shɔgbete yɛ dɔɔ pitila u sɨng a dɔlaa ɔ̃nɛ ko a dɔɔ laa roonɛ yɛ piya? Ama shɔ dɔɔ pitila shɔ pɔ̃ a yuu laa ɔ̃nɛ. 22Vigbete shɔ kɛ ɓusinɛ shɔ yɛ shɛshi ɓilitɔ a ɗeknni, vigbete shɔkɛ rɛu nyanɛ shɔyɛ ɓɛlitɔ. 23Shɔ gbete u sho ntanɛ kɛ ɔ̃nɛ ɗɔn a ntarɛ.>> 24Yesɔ geliyi wɔsɔ̃nnɛ <<Pɔ̃ sisɨng a vigbete a ntayɛniǃ wàá gbete akɛ masi shɔ vinɛ awuni, shɔ masaa jo a ukɔ ko u tɛɛtɔ. 25Shɔgbete u vinaa ɗɔnyɛ shɔ ã vijo ukɔ ɓang, shɔgbete u ɓɛɛ ɓa ɗɔm ɓa, javi gbete u awuni yɛ shɔ tɛkati au naani.>>
Ruuɓusinɛ a yuu visha gbete u ɗɔɔ banɛ
26Yesɔ yɛ ɗekn a ruu shanɛni,<<Ɗa kpati roonɛ ɔ̃ naa shom; Jawɔ zɔ zɔvi au jaa. 27Roo nɔro a zɨmba a yurɛ, zɔviu tarɛ a barɛ. Shɔm piti kpai ji zɛ nɔgbete i bayɛ ɓa. 28Tipi pɔ̃rɛ vishau a barɛ a shɛshi u gappa gaa banɛ àu laa, kɛɗɔn kɛu yuu, akntiuni piti kpai shɛshi kɛ nɔɔ. 29Naa vishau kɛ zɔ̃nɛ, shɔ jau tu gɛsi u yee awuni aruu ɗaa vi yenɛ pɛlitɛ.>>
Ruuɓusinɛ ayuu zɔvi gbete shɔ ɓanɛ masita
30Tɔtti Yesɔ hɨnɛ<<U yɛ shakɛnɛ ivi aruu Ɗa kpati roonɛni viya? U yɛ shakɛ ruuɓusinɛ gbete piya u tasirɛ viya? 31Viu ɔ̃ naa shom, Shɔwɔ tu zɔvi gbete shɔ ɓanɛ masita, ukɔ ɔ̃rɛ pẽtẽrẽ atette zɔvi akoo piti kpai, jau ɓarɛ au jaa. 32Kɛɗɔn barɛ a tɛɛ laa gãsiyirɛ, pɛli nalaa pẽniba- pẽniba nɔgbete janɔyi kɔri jāā au sutuni.>>
33Yesɔ nwari shɔ Ɗalapa nya ruubii, pɛli vishoni a ruuɓusinɛ totto; nɔgbete iyɛ zɛyɛ. 34A geliyi vi piti kpai a yɛti ruuɓusinɛ. Ama a ɗagbete u si au jadɔyini tasiyi dɔɔ ruum gbete-gbete.
Yesɔ ãsi mii buu nya shirɛ
35A diuni aɗaɗɗarɛ Yesɔ geliu jadɔyi nɛ,<<U tɛɛ nya ɓooti danɛ.>> 36Kɛɗɔn i yaa mɔɔyirɛ a knti; Yesɔ jadɔyi i to yɛti girgi gbete Yesɔ ɔ̃ ɗɔnyɛrɛ, girgi sɛirɛ a nya zɔ. Girgi mii gãsi isi jo ɗɔukɔ awuni. 37Tɛ̃ɛ̃ti naa i gaa yɛnɛtɛ sɔrɔ mii buu dusirɛ, si sɔrɔu kɛ ntaa girgiu nɛ, si mii kɛ yinɛ a girgiu ni. 38Yesɔ ɔ̃ a nto girgi, roorɛ a pɔ̃ yuu a laa yuu pɔ̃nɛ. U jadɔyi i nisiurɛ i hɨunɛ, Shɔmala, u ɓa lunɛtɛ a mii maani, yuu ji waaɓa a ukɔni ɓaya?
39Yesɔ yulapa a ãsi sɔrɔ nyarɛ, <<Zɨ nyanɛ!>> A geli mii nɛ, <<shi kiri-kiri! Miiu shirɛ.>>
40Kɛɗɔn Yesɔ hɨ u jadɔyinɛ,<<Ɔ ntàà seti pi aruu iviya? Anɛ dɔddɔrim ɔ sisɨng ãnɛ ɓaya?>>
41Seti pɛliyi waanɛ i gaa zɔɔ hɨlinɛnɛ, Shɔm ɓɛɛ piya? Sɔrɔ a mii waponi piti i ntau nyatɔ!
Valið núna:
Mark 4: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 4
4
Ruuɓusinɛ ayuu shɔgbete ɓaa zɔvi
1Tɔtti Yesɔ gaa vimatinɛ a nya wapo Galili. Mɔɔyi gbete i toli au ɗɔbii i si bang, kɛɗɔn yurɛ a to yɛti girgi mii a wapo a ɔ̃rɛ ɗɔn, mɔɔyi shili kɛ nya wapo. 2Yesɔ mati shɔ vi waanɛ pɛli vishonɛ a ruuɓusinɛ, a geliyi nɛ.
3<<Ɔ weshopɛ! Lewɔɔ ɗɔn shɔwɔɔ tu zɔvi a yɛ ɗɔɔ zɔnɛ au jaa. 4Usi ɗɔɔ zɔvi zɔnɛ a jaa, zɔvi gãsiyi shishi a nyaba janoyi nyekirɛ i sharɛ. 5Gãsiyi shishi a tipi ɗɔɔ jatari, aɗɔgbete tipi si ɓa bang ɓa. Zɔviu taa gbãgbã, aruu tipiu siɓa gbikiri-gbikiri ɓa. 6Kɛɗɔn, naa ɗaa tootɛ, a too vishau watirɛ aruu u gnri siɓa bang ɓa. 7Gãsiyi zɔvi shishi a tette kɔkkɔ, naa batɛ kɔkkɔ maurɛ a watirɛ, ijo shɛshi nɔɔ ɓa. 8Ama zɔvi gãsiyi shishi a tipi tɔ̃vɨng, vishau tarɛ, a barɛ, shɛshi nɔɔ rɛ, zɔvi shɛrɛ gãsiyi wɔsi bmat atu kopi (30), wɔsi laa taati (60), wɔsi laa maani (100).>> 9Yesɔ yisi nya ruu shanɛ nɛ, <<Ɔ weshopɛ, Shɔu sho ntanɛ aɗɔn, u ntarɛ.>>
Ruuɓusinɛyi dɔɔ tanɛ
10Aɗagbete Yesɔ u si a yɔbm, u jadɔyi a shɔwɔyini i yɛu ɗɔbiirɛ a hɨu nɛ, tasiu dɔɔ ruu gbete a sha aruu ɓusinem pɛ. 11Yesɔ kasiyi nyanɛ,<<Shɔ tasɔɔ dɔɔ ruuɓusinɛ tɛ, aruu kpati roonɛ a kolapa, ama n mati shɔgbete i ji ã sisɨn ɓa a Ɗa kpati roonɛni ɓa vi ɓɛɛjo a ruuɓusinɛkɔ sheeli,>> 12aruu gbete,
<<I tāà nɔɔ, i tāà nɔɔ
ama i zɛ viɓa,
i wesho, i wesho
ama i nta ruuɓa;
aruu ikɛ ntanɛ ikɛ zɛnɛ iyɛ sɔrɛ i gn Ɗalapa tɔ,
Ɗalapa yɛ yasiyi ruuvinirɛ!>>
Yesɔ tadɔɔ ruuɓusinɛ
13Kɛɗɔn Yesɔ hɨyinɛ, <<Ɔ ji zɛ ruuɓusinɛm ɓaya? Ɔ yɛ zɛ ruuɓusinɛ gãsi kɛpi koviya? 14Zɔvi gbete shɔ jalanɛ ɓaayɛ uko ɔ̃rɛ Ɗalapa nya ruubii. 15Shɔwɔyi naa zɔvi gbete shishi a nya ba, ikɔyi ɔ̃rɛ shɔgbete ikɛ nta Ɗalapa ruubiinɛ tɛ̃ɛ̃ti i tɛ gbãgbã, japẽpẽẽ arɛ tuu vigbete shɔ ɓaa ai sisɨn kati. 16Shɔwɔyi naa zɔvi gbete shishi aɗɔ kɔkkɔ yɛ, naa i nta Ɗalapa ruubitɛ tɛ̃ɛ̃ti i tɛ a sisɨng puru. 17Ama ruwu gnri si ɓa, ruu jo ɔ̃ ɓa sɛ̃nɛnɛ ɓa. Aɗagbete yukɔnɛ, a raa tasinɛ kaanɛ ayuu ruumkɔ, i yaa Ɗalapa nya ruubii bɛtɛk. 18Shɔwɔyi naa zɔvi gbete shishi a tette kɔkkɔyɛ, ikɔyi ɔ̃rɛ shɔgbete ikɛ nta Ɗalapa ruubiinɛ; 19Aruu vi kasinɛ a koo ai sɨsɨng bang, vinaa kãnɛ a vi gãsi kãnɛ, raa ruu Ɗalapa tɛ ai sɨsɨng ni, i ji yee jaa ɓa. 20Shɔwɔyi naa zɔvi gbete shishi a tipi tɔ̃vɨng, ikɛ nta Ɗalapa ruubiinɛ, i tɛrɛː zɔvi shɛrɛ u yee jaa bmati atu kopi (30), wɔɔ laa taati (60), wɔsɔ̃n ɓa laa maani (100) ayuu vi gbete i zɔyɛ.>>
Pitila a yuu laa ɔ̃nɛ
21Yesɔ yɛ ɗekn, a shanɛ,<<Shɔgbete yɛ dɔɔ pitila u sɨng a dɔlaa ɔ̃nɛ ko a dɔɔ laa roonɛ yɛ piya? Ama shɔ dɔɔ pitila shɔ pɔ̃ a yuu laa ɔ̃nɛ. 22Vigbete shɔ kɛ ɓusinɛ shɔ yɛ shɛshi ɓilitɔ a ɗeknni, vigbete shɔkɛ rɛu nyanɛ shɔyɛ ɓɛlitɔ. 23Shɔ gbete u sho ntanɛ kɛ ɔ̃nɛ ɗɔn a ntarɛ.>> 24Yesɔ geliyi wɔsɔ̃nnɛ <<Pɔ̃ sisɨng a vigbete a ntayɛniǃ wàá gbete akɛ masi shɔ vinɛ awuni, shɔ masaa jo a ukɔ ko u tɛɛtɔ. 25Shɔgbete u vinaa ɗɔnyɛ shɔ ã vijo ukɔ ɓang, shɔgbete u ɓɛɛ ɓa ɗɔm ɓa, javi gbete u awuni yɛ shɔ tɛkati au naani.>>
Ruuɓusinɛ a yuu visha gbete u ɗɔɔ banɛ
26Yesɔ yɛ ɗekn a ruu shanɛni,<<Ɗa kpati roonɛ ɔ̃ naa shom; Jawɔ zɔ zɔvi au jaa. 27Roo nɔro a zɨmba a yurɛ, zɔviu tarɛ a barɛ. Shɔm piti kpai ji zɛ nɔgbete i bayɛ ɓa. 28Tipi pɔ̃rɛ vishau a barɛ a shɛshi u gappa gaa banɛ àu laa, kɛɗɔn kɛu yuu, akntiuni piti kpai shɛshi kɛ nɔɔ. 29Naa vishau kɛ zɔ̃nɛ, shɔ jau tu gɛsi u yee awuni aruu ɗaa vi yenɛ pɛlitɛ.>>
Ruuɓusinɛ ayuu zɔvi gbete shɔ ɓanɛ masita
30Tɔtti Yesɔ hɨnɛ<<U yɛ shakɛnɛ ivi aruu Ɗa kpati roonɛni viya? U yɛ shakɛ ruuɓusinɛ gbete piya u tasirɛ viya? 31Viu ɔ̃ naa shom, Shɔwɔ tu zɔvi gbete shɔ ɓanɛ masita, ukɔ ɔ̃rɛ pẽtẽrẽ atette zɔvi akoo piti kpai, jau ɓarɛ au jaa. 32Kɛɗɔn barɛ a tɛɛ laa gãsiyirɛ, pɛli nalaa pẽniba- pẽniba nɔgbete janɔyi kɔri jāā au sutuni.>>
33Yesɔ nwari shɔ Ɗalapa nya ruubii, pɛli vishoni a ruuɓusinɛ totto; nɔgbete iyɛ zɛyɛ. 34A geliyi vi piti kpai a yɛti ruuɓusinɛ. Ama a ɗagbete u si au jadɔyini tasiyi dɔɔ ruum gbete-gbete.
Yesɔ ãsi mii buu nya shirɛ
35A diuni aɗaɗɗarɛ Yesɔ geliu jadɔyi nɛ,<<U tɛɛ nya ɓooti danɛ.>> 36Kɛɗɔn i yaa mɔɔyirɛ a knti; Yesɔ jadɔyi i to yɛti girgi gbete Yesɔ ɔ̃ ɗɔnyɛrɛ, girgi sɛirɛ a nya zɔ. Girgi mii gãsi isi jo ɗɔukɔ awuni. 37Tɛ̃ɛ̃ti naa i gaa yɛnɛtɛ sɔrɔ mii buu dusirɛ, si sɔrɔu kɛ ntaa girgiu nɛ, si mii kɛ yinɛ a girgiu ni. 38Yesɔ ɔ̃ a nto girgi, roorɛ a pɔ̃ yuu a laa yuu pɔ̃nɛ. U jadɔyi i nisiurɛ i hɨunɛ, Shɔmala, u ɓa lunɛtɛ a mii maani, yuu ji waaɓa a ukɔni ɓaya?
39Yesɔ yulapa a ãsi sɔrɔ nyarɛ, <<Zɨ nyanɛ!>> A geli mii nɛ, <<shi kiri-kiri! Miiu shirɛ.>>
40Kɛɗɔn Yesɔ hɨ u jadɔyinɛ,<<Ɔ ntàà seti pi aruu iviya? Anɛ dɔddɔrim ɔ sisɨng ãnɛ ɓaya?>>
41Seti pɛliyi waanɛ i gaa zɔɔ hɨlinɛnɛ, Shɔm ɓɛɛ piya? Sɔrɔ a mii waponi piti i ntau nyatɔ!
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria