Mark 3
3
Shɔgbete u naa vɔɔ kagbete
1Kɛɗɔn Yesɔ sɔɔ ɗɔgbete Yahudawa toli nya i gaki Ɗa aɗɔnyɛ, a ɗɔukɔ shɔwɔɔ siɗɔn u naa vɔɔ kagbete. 2Shɔwɔyi si aɗɔukɔ i kasi nɛi zɛ Yesɔ pɛ ko yɛ pɛli vi kɔ̃linɛtɔ ya, i knnɔɔ nɛi zɛpɛ yɛ gati shɔ tɛya a lee susunɛ niya. 3Yesɔ geli shɔgbete u naa vɔɔ kagbeteu nɛ, <<anɛ a ɗekn yɛm.>>
4Kɛɗɔn Yesɔ hɨnɛ, << U nya ãsinɛ a lee susunɛ gelɔɔ nɛ iviya? Ɔ pɔ̃si shɔ naa ya ko ɔ gẽ shɔ nɔ̃rɔ̃? Ɔ raa shɔya ko ɔ nyo shɔ?>>I jo nwanya wɔɔ ɓa.
5Yesɔ sisɨn lɛsirɛ aɗagbete knnɔɔ ai biiyɛ, ama ntai raa sɔ̃ntɔ, aruu i ji roori yuu ɓa ɗɔgbete ni ɓa i sisɨn gborki. Kɛɗɔn a geli jaunɛ, <<Gn naa pɛ.>>Jau gnrɛ, tɛ̃ɛ̃ti gatirɛ. 6Naa Farasiyawayi i ya ɗɔ nya toliutɛ i toli zɔɔ nya a Hirudu shɔ biini, i kã nyaba nɔgbete iyɛ nyo Yesɔ vɔrɔ yɛ.
Mɔɔ i gn Yesɔ
7Yesɔ au jadɔyi i yɛ nya ɓooti wapo Galili mɔɔ i gnyi adɔɔ piti a Yahudiyayi ni. 8Naa i nta vigbete Yesɔ pɛlitɛ kpai, shɔ Urudung a Urushalimayi a Idumiyayi a shɔ Taya wɔsɔ̃n shɔ Sudumyi kpai i a Yesɔ ɗɔbii aruu i zɛ vigbete pɛliyɛ pɛ. 9Aruu mɔɔ i si bang Yesɔ geliu jadɔyi nɛ, ɔ kãrin jaa girgi mii pɛ, aruu mɔɔ i yɛ dɔ̃nrɛ. 10Aruu si gati shɔ tɛ bang, vim pɔ̃rɛ shɔvɔrɔ i kpabii aruu i kasinɛ i ɗiu naa bii. 11Kopi ɗaviya shɔgbete i suru kɔ̃linɛ a biini naa i zɛ Yesɔ tɛ, i nwesi tipi au ɗekn i sɨn-nyavɔ nɛ, <<mokaa pɛ Ɗalapa jaa.>> 12Ama Yesɔ ãsi suru kɔ̃linɛyi i nyanɛ ɔkɔɔ geli shɔwɔnɛ ko nkɔng piya.
Yesɔ lɔ Jashonɛ kopi tu ziti
13Yesɔ gɛ̃ kɔpɔ a ɓa shɔgbete au kasiyɛ nya, i au ɗɔbiirɛ. 14Yesɔ lɔ kopi tu ziti. Ɓai niinɛ jashonɛyi, <<N lɔ ɔtɛ ɔ ɔ̃ a nkɔni,>> n yɛn sholi ɔkɛtɔ ɔ nwari shɔ Ɗa nya ruubii, ɔ kakaa suru kɔ̃linɛ shɛshinɛ yɛ ɔ̃ ɗɔn. 15Yesɔ ãi kakaa gbete i shɛshi rãman awuni shɔ bii. 16Shɔgbete Yesɔ lɔ kopi tu ziti i nii nɛ: Siman(Yesɔ ãu nii nɛ Bituru); 17Yakubu Zebedi ɓɛjaa ɓezɔ̃ nii nɛ Yɔhana(Yesɔ ãi nii nɛ Bowanajis, ukɔ ɔ̃rɛ shɔ jalɛyi); 18Wɔɔ Anduru, Filibu, Batalomi, Matiyu, Tomasi, Yakubu Alifayus ɓɛjaa, Tadiyos, Siman shɔgbete ɔriu wɛrɛ koo waanɛ yɛ, 19A Yahuda Isikariyoti, shɔu mɛli Yesɔ yɛ.
Yesɔ a Bazabu
20Kɛɗɔn Yesɔ yɛ wɛrɛ rɛ, tɔtti mɔɔyi gɨu a dɔɔni Yesɔ au jadɔyini iji kpaa karaa vishanɛ ɓa. 21Naa Yesɔ ɓɛɛ shɔzɛyi i ntatɛ nankɔ, i shɛ ɓili i kã u ɗɔrɛ, aruugbete shɔ shanɛ,<<Nɛ rii rãntɛǃ>> 22Shɔmala nya ãsinɛ Musa gbete i a Urushalima yɛ i shanɛ,<<U rãma vɨri biini! Pɛ kpati rãman ãu kakaa rãman shɛshinɛ rɛ.>>
23A Yesɔ ɓai nya nwari nya aruuɓusinɛ shanɛ: <<Japẽpẽẽ shɛshi kpati japẽpẽẽ pi koviya?>> 24Naa kou kɛ vɔsiu yuunɛ a kn- kn u waa ba a ɓɛzɔɔni, kou yɛ shiɓa. 25Wɛrɛ gbete kɛ vɔsiu yuunɛ a kn-kn u waa ba a ɓɛzɔɔni, wɛrɛu yɛ shiɓa. 26Japẽpẽẽ kpati roonɛ kɛ vɔsinɛ kn-kn u waa ɓa ai nɔɔ, u kpati roonɛu yɛ shiɓa, si yisi nyatɛ.
27<<Shɔwɔɔ yɛ to shɔ kakaa wɔɔ wɛrɛ ɓa nɛn seu viɓa setɛ mau tɛtɔ; Kɛɗɔn yɛ seu vi kɛkn.>>
28N gelɔɔtɛ nizɛ, shɔ ruuvini a shɔgbete i lɛsi Ɗalapa nii yɛ piti kpai Ɗalapa yɛ yasiyi ruuvinitɔ. 29Ama shɔu kɛ sha ruu kɔ̃linɛ nɛ a Ɗa suru yuu, Ɗalapa yɛ yasiu ruuvini ɓa; aruu pɛli vigbete Ɗalapa ji kasi ɓayɛ.
30Yesɔ Sha ruum aruu shɔ gãsiyi i shalinɛ,<<Nɛu suru kɔ̃linɛ abiini.>>
Yesɔ ɓini a ɓɛzɔ̃yi
31Kɛɗɔn Yesɔ ɓini a ɓezɔ̃ni i au ɗɔbii i shi ɓili, i shonyarɛ nɛ shɔ ɓaa Yesɔ nya. 32Mɔɔyi gbete i ɔ̃li au ɗɔbii, i geliu nɛ, <<Knnɔɔpɛ, ɓini, mɛzɔ̃yini a mɛnani i ɓili i kasa zɛnɛ.>>
33Yesɔ kasinyanɛ<<Mani piya? Mazɔ̃yi piya?>> 34Kɛɗɔn knnɔɔ a shɔ gbeteyi au ɗɔbii a shanɛ, <<knɔɔpɛǃ Nkɔ mani a mazɔ̃yini yɛm! 35Shɔgbeteu kɛ pɛli vigbete Ɗalapa kasi yɛ nɛ ukɔ ɔ̃rɛ mazɔ̃, mana, mani ni.>>
Valið núna:
Mark 3: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 3
3
Shɔgbete u naa vɔɔ kagbete
1Kɛɗɔn Yesɔ sɔɔ ɗɔgbete Yahudawa toli nya i gaki Ɗa aɗɔnyɛ, a ɗɔukɔ shɔwɔɔ siɗɔn u naa vɔɔ kagbete. 2Shɔwɔyi si aɗɔukɔ i kasi nɛi zɛ Yesɔ pɛ ko yɛ pɛli vi kɔ̃linɛtɔ ya, i knnɔɔ nɛi zɛpɛ yɛ gati shɔ tɛya a lee susunɛ niya. 3Yesɔ geli shɔgbete u naa vɔɔ kagbeteu nɛ, <<anɛ a ɗekn yɛm.>>
4Kɛɗɔn Yesɔ hɨnɛ, << U nya ãsinɛ a lee susunɛ gelɔɔ nɛ iviya? Ɔ pɔ̃si shɔ naa ya ko ɔ gẽ shɔ nɔ̃rɔ̃? Ɔ raa shɔya ko ɔ nyo shɔ?>>I jo nwanya wɔɔ ɓa.
5Yesɔ sisɨn lɛsirɛ aɗagbete knnɔɔ ai biiyɛ, ama ntai raa sɔ̃ntɔ, aruu i ji roori yuu ɓa ɗɔgbete ni ɓa i sisɨn gborki. Kɛɗɔn a geli jaunɛ, <<Gn naa pɛ.>>Jau gnrɛ, tɛ̃ɛ̃ti gatirɛ. 6Naa Farasiyawayi i ya ɗɔ nya toliutɛ i toli zɔɔ nya a Hirudu shɔ biini, i kã nyaba nɔgbete iyɛ nyo Yesɔ vɔrɔ yɛ.
Mɔɔ i gn Yesɔ
7Yesɔ au jadɔyi i yɛ nya ɓooti wapo Galili mɔɔ i gnyi adɔɔ piti a Yahudiyayi ni. 8Naa i nta vigbete Yesɔ pɛlitɛ kpai, shɔ Urudung a Urushalimayi a Idumiyayi a shɔ Taya wɔsɔ̃n shɔ Sudumyi kpai i a Yesɔ ɗɔbii aruu i zɛ vigbete pɛliyɛ pɛ. 9Aruu mɔɔ i si bang Yesɔ geliu jadɔyi nɛ, ɔ kãrin jaa girgi mii pɛ, aruu mɔɔ i yɛ dɔ̃nrɛ. 10Aruu si gati shɔ tɛ bang, vim pɔ̃rɛ shɔvɔrɔ i kpabii aruu i kasinɛ i ɗiu naa bii. 11Kopi ɗaviya shɔgbete i suru kɔ̃linɛ a biini naa i zɛ Yesɔ tɛ, i nwesi tipi au ɗekn i sɨn-nyavɔ nɛ, <<mokaa pɛ Ɗalapa jaa.>> 12Ama Yesɔ ãsi suru kɔ̃linɛyi i nyanɛ ɔkɔɔ geli shɔwɔnɛ ko nkɔng piya.
Yesɔ lɔ Jashonɛ kopi tu ziti
13Yesɔ gɛ̃ kɔpɔ a ɓa shɔgbete au kasiyɛ nya, i au ɗɔbiirɛ. 14Yesɔ lɔ kopi tu ziti. Ɓai niinɛ jashonɛyi, <<N lɔ ɔtɛ ɔ ɔ̃ a nkɔni,>> n yɛn sholi ɔkɛtɔ ɔ nwari shɔ Ɗa nya ruubii, ɔ kakaa suru kɔ̃linɛ shɛshinɛ yɛ ɔ̃ ɗɔn. 15Yesɔ ãi kakaa gbete i shɛshi rãman awuni shɔ bii. 16Shɔgbete Yesɔ lɔ kopi tu ziti i nii nɛ: Siman(Yesɔ ãu nii nɛ Bituru); 17Yakubu Zebedi ɓɛjaa ɓezɔ̃ nii nɛ Yɔhana(Yesɔ ãi nii nɛ Bowanajis, ukɔ ɔ̃rɛ shɔ jalɛyi); 18Wɔɔ Anduru, Filibu, Batalomi, Matiyu, Tomasi, Yakubu Alifayus ɓɛjaa, Tadiyos, Siman shɔgbete ɔriu wɛrɛ koo waanɛ yɛ, 19A Yahuda Isikariyoti, shɔu mɛli Yesɔ yɛ.
Yesɔ a Bazabu
20Kɛɗɔn Yesɔ yɛ wɛrɛ rɛ, tɔtti mɔɔyi gɨu a dɔɔni Yesɔ au jadɔyini iji kpaa karaa vishanɛ ɓa. 21Naa Yesɔ ɓɛɛ shɔzɛyi i ntatɛ nankɔ, i shɛ ɓili i kã u ɗɔrɛ, aruugbete shɔ shanɛ,<<Nɛ rii rãntɛǃ>> 22Shɔmala nya ãsinɛ Musa gbete i a Urushalima yɛ i shanɛ,<<U rãma vɨri biini! Pɛ kpati rãman ãu kakaa rãman shɛshinɛ rɛ.>>
23A Yesɔ ɓai nya nwari nya aruuɓusinɛ shanɛ: <<Japẽpẽẽ shɛshi kpati japẽpẽẽ pi koviya?>> 24Naa kou kɛ vɔsiu yuunɛ a kn- kn u waa ba a ɓɛzɔɔni, kou yɛ shiɓa. 25Wɛrɛ gbete kɛ vɔsiu yuunɛ a kn-kn u waa ba a ɓɛzɔɔni, wɛrɛu yɛ shiɓa. 26Japẽpẽẽ kpati roonɛ kɛ vɔsinɛ kn-kn u waa ɓa ai nɔɔ, u kpati roonɛu yɛ shiɓa, si yisi nyatɛ.
27<<Shɔwɔɔ yɛ to shɔ kakaa wɔɔ wɛrɛ ɓa nɛn seu viɓa setɛ mau tɛtɔ; Kɛɗɔn yɛ seu vi kɛkn.>>
28N gelɔɔtɛ nizɛ, shɔ ruuvini a shɔgbete i lɛsi Ɗalapa nii yɛ piti kpai Ɗalapa yɛ yasiyi ruuvinitɔ. 29Ama shɔu kɛ sha ruu kɔ̃linɛ nɛ a Ɗa suru yuu, Ɗalapa yɛ yasiu ruuvini ɓa; aruu pɛli vigbete Ɗalapa ji kasi ɓayɛ.
30Yesɔ Sha ruum aruu shɔ gãsiyi i shalinɛ,<<Nɛu suru kɔ̃linɛ abiini.>>
Yesɔ ɓini a ɓɛzɔ̃yi
31Kɛɗɔn Yesɔ ɓini a ɓezɔ̃ni i au ɗɔbii i shi ɓili, i shonyarɛ nɛ shɔ ɓaa Yesɔ nya. 32Mɔɔyi gbete i ɔ̃li au ɗɔbii, i geliu nɛ, <<Knnɔɔpɛ, ɓini, mɛzɔ̃yini a mɛnani i ɓili i kasa zɛnɛ.>>
33Yesɔ kasinyanɛ<<Mani piya? Mazɔ̃yi piya?>> 34Kɛɗɔn knnɔɔ a shɔ gbeteyi au ɗɔbii a shanɛ, <<knɔɔpɛǃ Nkɔ mani a mazɔ̃yini yɛm! 35Shɔgbeteu kɛ pɛli vigbete Ɗalapa kasi yɛ nɛ ukɔ ɔ̃rɛ mazɔ̃, mana, mani ni.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria