oLuka 20
20
Oka Doda Ikweyi ko Oshu ko Oyesu
(oMatiyu 21.23-27; oMak 11.27-33)
1Eno oye Oyesu ya fa ase oza ipu ko Ole ko Owuso, kweyi oya tono ko oshu neshi, oteyi ka awosapa kpa awofono kpa awanyakwase we ebe nu. 2Akamo, <<Ka daha, oshu wonya ni oya ya awoza mani kpa anu, anoho da awo oshu mani?>>
3Okyogwu mo, <<Ami ki gbo oka oye ko da ala. Ala ka da ami, 4obatisma ko Oyohana ni oya ya ni bwi iso la kwe bwe ebe ka asuse la?>>
5Ebeni akwotu ko tawashu kpi iyiwa mo, <<Owoni aha kamo obwebe ko Owuso la, oya ka daha mo, <Ojiya ni ala tela ko kyogwu kpa anu?>> 6Owoni aha ke kamo obwe ebe ka asuse la, ase ba taha akyo koni akyogwu mo Oyohana wi inobane ni.>>
7Ebeni akamo, <<Aha gye ebeni obwanu wa ni lo.>>
8Oyesu ka da awa mo, <<Ami ke ya kadala oshu wonya ni nyyaya awoza mani kpa anu lo.>>
Elase Ikweyi ka Awo osheho ka Abola
(oMatiyu 21.33-46; oMak 12.1-12)
9Oyesu ki kelase mani da ase mo: <<Ongo oye gbeho ki inabi, kweyi oyi da awosheho oye abo kweyi ga anu go okpagye oye ga gbeji kotata. 10Ni ishi gye ko kyi izire ni, oto oyole nu oleho ko ga zo ogwogwa ke efu mani ebe ka awo osheho. Awo osheho mani ke gwo kweyi no abo yeye. 11Oki to oyoleho oye oleho, oyoleho ni ke agwo kweyi gbo owuru ki ne enya kpa abo yeye. 12Oki to oyole ko omweta oleho, kweyi ayi ibiri kweyi to we ese.
13<<Ebeni adeho mani kamo, <Oji ni nyya ya? Nyya to oyi hin ni nyya yimu ni oleho; kwe awosheho ba mo ya gyiyi.>
14<<Ishini awosheho ka abola mo ni, aka diyiwa mo. <Ino ro ogwu nu yoma, ala wa shan yo ngmo, shini ogwu na wa akaka aha.> 15Ebeni ato bwo oko ko ongma we ese kweyi ayo ngmo.
<<Oji ni ala ma byo ada keho mani wa ya kpa awa? 16Oya wa kweyi wa ya awo osheho ka abola mani yi ngmo kweyi wa ye eho ya da awashe.>> Ishini ase pwela mani ni akamo, <<Oza mani naka gbodagye lo!>>
17Oyesu ke yi iyi kwuwa tiriri kweyi odoka mo, <<Oji wi ikweyi kela mani ni ayitota ni mo,
<<<Akyo ni awomoda tela nu ni, anu pini wo oshu kole>? 18Ase ni gbo ikweyi ka akyo mani oya kyigbo wuruwuru, ase ni oke gboso oya yo ya gba wo omu.>>
19Awofono kpo ose ka awosapa ba tikpo ko owe ni aba yo kwu ebebeni, ikweyi koni agye mo okelase ikweyi wa ni. Awa ke ba yoshi ka asuse.
Egba ko Okesa
(oMatiyu 22.23-33; oMak 12.18-27)
20Akpiyi kwo ba mo oza ni oyaya ni, asha ase ba gboso shini ana moza ni oya ya ni, awa ni wa bya ase neshi ni. Aba yimu ko kwo Oyesu kpela oye shini ana yo nabo doshu ko ogbolamaga. 21Ebeni awase ni ashuwa ni do oka mo, <<Inofoza, aha gye mo oza ni oya ka ki ya fu ni gyogye la, oya yimu ka ashe sha ashe lo, oke ya foza ko Owuso owe ko kwokwoshi. 22Ogyogye la shini ahan zegba do Okesa kwe ahan ka ze lo?>>
23Oyesu ke gyo oza ni yipu ko otu wa ni kweyi oka da awa mo, 24<<Ala shiya ami odinari. Oyi ka anoho kpi iye ka anoho yipu nu?>>
25Akyogwu mo, <<Ko Okesa.>>
Oka da awa mo, <<Ala do Okesa oza ni wa ko Okesa, ala do Owuso oza ni wa ko Owuso.>>
26Agege ko ze eda da anu ikweyi ko oza ni oka iyi ke ewa ni ke lo. Igbashi yuwa kwu agege kela lo.
Gbo Onya kpo Nyiso ka Amiri
(oMatiyu 22.23-33; oMak 12.18-27)
27Ebeni ashishini ka Awosadusi ni mo onyiso ka amiri yaba lo ni we ebe ko Oyesu wa do oka mo, 28<<Inofoza, Omusa kamo owoni ongo gbo onya kweyi omo oyi kpa anu lo gbi ishini ogekwu, oyinanu ya doka ko onya oni shini na mo oyi da anu. 29Ishi oye agba ayene ahapa. Akikyikyo ipu wa gbo onya kweyi mo oyi lo gbishini ogekwu. 30Ko omwepa, 31kpa ako omweta doka nu, mama ni kpiri wa ase ahapa gekwu ashishe wa mo oyi kpa anu lo. 32Ogwejeji nu, onya ni gekwu. 33Nabani onyiso ka amiri, oya wo onya ka anoho ipu wa ikweyi koni kpiri wa ase ahapa do oka nu ni?>>
34Oyesu kyogwu mo, <<Ala ase ki ishi mani ba gba anya kweyi aba bya anya go oda oba. 35Awase ni ke shu ko bi ipu ka awonyiso amiri abayi oyi ni yawa ni aba gba anya kwe aba byuwa go oda ba lo, 36kweyi aba gekwu lo; koni ale bya ayoleho ni. Awayi ko Owuso, ikweyi koni awayi ko nyiso ka amiri ni. 37Omusa ke ka gbo ipu ki igwu ki ikyashi mo awase ni gekwu ba nyiso amiri, koni oya Adole ogwu mo, <Owuso ki Ibirayi, Owuso ki Ishakwu kpo Owuso ko Oyakubu.>#20.37 OBOSE 3.6 38Owo Owuso kawase ni gekwu lalo, oke wa ka awo gbo olayi la, ikweyi koni bwebe nu kpiri wa gbolayi.>>
39Ashishini ka awofono kyogwu mo, <<Inofoza, okela wo gyogye la!>> 40Kweyi ado oka ko ojije kelo.
Okristi wo Oyi ka Anoho?
(oMatiyu 22.41-46; oMak 12.35-37)
41Ebeni Oyesu ka dawa mo, <<Aba yamoji ba ka mo Okristi#20.41 Messiah wo Oyi ko Odawuda? 42Odawuda abiyinu ka ipu ko Okpa ki Igye mo, <<<Adole ka da Adole hin mo, <Yagye abore hin,
43gbishini nyya ya awomonyekwotu wo ba wa wo oka ki ikpo wo.>>>#20.43 Okpa ki Igye 110.1 44Odawuda yo ogwu mo <Adole.> Bwo owe wonya ni oya wo oyi nu?>>
Ala Gbera kpa Awofono
(oMatiyu 23.1-36; oMak 12.38-40)
45Ni ase tayayo ba pwela nu ni, Oyesu ka da awogboso mo, 46<<Ala gbera kpa awofono! Aba yimu ko yawu kpo obagidi, kweyi ba yimu shini ana tuwo ogbogba ipishi, ana da awa oka ko yagye neshi ipu ke ekpa kpe ebe ki imya. 47Aba ya anyokwu ole ya bize, aki ba tinarigwu gbeji. Edo kase mani aba wa kwuwe epwo ko tata.>>
Valið núna:
oLuka 20: ALA
Áherslumerki
Deildu
Afrita
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
oLuka 20
20
Oka Doda Ikweyi ko Oshu ko Oyesu
(oMatiyu 21.23-27; oMak 11.27-33)
1Eno oye Oyesu ya fa ase oza ipu ko Ole ko Owuso, kweyi oya tono ko oshu neshi, oteyi ka awosapa kpa awofono kpa awanyakwase we ebe nu. 2Akamo, <<Ka daha, oshu wonya ni oya ya awoza mani kpa anu, anoho da awo oshu mani?>>
3Okyogwu mo, <<Ami ki gbo oka oye ko da ala. Ala ka da ami, 4obatisma ko Oyohana ni oya ya ni bwi iso la kwe bwe ebe ka asuse la?>>
5Ebeni akwotu ko tawashu kpi iyiwa mo, <<Owoni aha kamo obwebe ko Owuso la, oya ka daha mo, <Ojiya ni ala tela ko kyogwu kpa anu?>> 6Owoni aha ke kamo obwe ebe ka asuse la, ase ba taha akyo koni akyogwu mo Oyohana wi inobane ni.>>
7Ebeni akamo, <<Aha gye ebeni obwanu wa ni lo.>>
8Oyesu ka da awa mo, <<Ami ke ya kadala oshu wonya ni nyyaya awoza mani kpa anu lo.>>
Elase Ikweyi ka Awo osheho ka Abola
(oMatiyu 21.33-46; oMak 12.1-12)
9Oyesu ki kelase mani da ase mo: <<Ongo oye gbeho ki inabi, kweyi oyi da awosheho oye abo kweyi ga anu go okpagye oye ga gbeji kotata. 10Ni ishi gye ko kyi izire ni, oto oyole nu oleho ko ga zo ogwogwa ke efu mani ebe ka awo osheho. Awo osheho mani ke gwo kweyi no abo yeye. 11Oki to oyoleho oye oleho, oyoleho ni ke agwo kweyi gbo owuru ki ne enya kpa abo yeye. 12Oki to oyole ko omweta oleho, kweyi ayi ibiri kweyi to we ese.
13<<Ebeni adeho mani kamo, <Oji ni nyya ya? Nyya to oyi hin ni nyya yimu ni oleho; kwe awosheho ba mo ya gyiyi.>
14<<Ishini awosheho ka abola mo ni, aka diyiwa mo. <Ino ro ogwu nu yoma, ala wa shan yo ngmo, shini ogwu na wa akaka aha.> 15Ebeni ato bwo oko ko ongma we ese kweyi ayo ngmo.
<<Oji ni ala ma byo ada keho mani wa ya kpa awa? 16Oya wa kweyi wa ya awo osheho ka abola mani yi ngmo kweyi wa ye eho ya da awashe.>> Ishini ase pwela mani ni akamo, <<Oza mani naka gbodagye lo!>>
17Oyesu ke yi iyi kwuwa tiriri kweyi odoka mo, <<Oji wi ikweyi kela mani ni ayitota ni mo,
<<<Akyo ni awomoda tela nu ni, anu pini wo oshu kole>? 18Ase ni gbo ikweyi ka akyo mani oya kyigbo wuruwuru, ase ni oke gboso oya yo ya gba wo omu.>>
19Awofono kpo ose ka awosapa ba tikpo ko owe ni aba yo kwu ebebeni, ikweyi koni agye mo okelase ikweyi wa ni. Awa ke ba yoshi ka asuse.
Egba ko Okesa
(oMatiyu 22.23-33; oMak 12.18-27)
20Akpiyi kwo ba mo oza ni oyaya ni, asha ase ba gboso shini ana moza ni oya ya ni, awa ni wa bya ase neshi ni. Aba yimu ko kwo Oyesu kpela oye shini ana yo nabo doshu ko ogbolamaga. 21Ebeni awase ni ashuwa ni do oka mo, <<Inofoza, aha gye mo oza ni oya ka ki ya fu ni gyogye la, oya yimu ka ashe sha ashe lo, oke ya foza ko Owuso owe ko kwokwoshi. 22Ogyogye la shini ahan zegba do Okesa kwe ahan ka ze lo?>>
23Oyesu ke gyo oza ni yipu ko otu wa ni kweyi oka da awa mo, 24<<Ala shiya ami odinari. Oyi ka anoho kpi iye ka anoho yipu nu?>>
25Akyogwu mo, <<Ko Okesa.>>
Oka da awa mo, <<Ala do Okesa oza ni wa ko Okesa, ala do Owuso oza ni wa ko Owuso.>>
26Agege ko ze eda da anu ikweyi ko oza ni oka iyi ke ewa ni ke lo. Igbashi yuwa kwu agege kela lo.
Gbo Onya kpo Nyiso ka Amiri
(oMatiyu 22.23-33; oMak 12.18-27)
27Ebeni ashishini ka Awosadusi ni mo onyiso ka amiri yaba lo ni we ebe ko Oyesu wa do oka mo, 28<<Inofoza, Omusa kamo owoni ongo gbo onya kweyi omo oyi kpa anu lo gbi ishini ogekwu, oyinanu ya doka ko onya oni shini na mo oyi da anu. 29Ishi oye agba ayene ahapa. Akikyikyo ipu wa gbo onya kweyi mo oyi lo gbishini ogekwu. 30Ko omwepa, 31kpa ako omweta doka nu, mama ni kpiri wa ase ahapa gekwu ashishe wa mo oyi kpa anu lo. 32Ogwejeji nu, onya ni gekwu. 33Nabani onyiso ka amiri, oya wo onya ka anoho ipu wa ikweyi koni kpiri wa ase ahapa do oka nu ni?>>
34Oyesu kyogwu mo, <<Ala ase ki ishi mani ba gba anya kweyi aba bya anya go oda oba. 35Awase ni ke shu ko bi ipu ka awonyiso amiri abayi oyi ni yawa ni aba gba anya kwe aba byuwa go oda ba lo, 36kweyi aba gekwu lo; koni ale bya ayoleho ni. Awayi ko Owuso, ikweyi koni awayi ko nyiso ka amiri ni. 37Omusa ke ka gbo ipu ki igwu ki ikyashi mo awase ni gekwu ba nyiso amiri, koni oya Adole ogwu mo, <Owuso ki Ibirayi, Owuso ki Ishakwu kpo Owuso ko Oyakubu.>#20.37 OBOSE 3.6 38Owo Owuso kawase ni gekwu lalo, oke wa ka awo gbo olayi la, ikweyi koni bwebe nu kpiri wa gbolayi.>>
39Ashishini ka awofono kyogwu mo, <<Inofoza, okela wo gyogye la!>> 40Kweyi ado oka ko ojije kelo.
Okristi wo Oyi ka Anoho?
(oMatiyu 22.41-46; oMak 12.35-37)
41Ebeni Oyesu ka dawa mo, <<Aba yamoji ba ka mo Okristi#20.41 Messiah wo Oyi ko Odawuda? 42Odawuda abiyinu ka ipu ko Okpa ki Igye mo, <<<Adole ka da Adole hin mo, <Yagye abore hin,
43gbishini nyya ya awomonyekwotu wo ba wa wo oka ki ikpo wo.>>>#20.43 Okpa ki Igye 110.1 44Odawuda yo ogwu mo <Adole.> Bwo owe wonya ni oya wo oyi nu?>>
Ala Gbera kpa Awofono
(oMatiyu 23.1-36; oMak 12.38-40)
45Ni ase tayayo ba pwela nu ni, Oyesu ka da awogboso mo, 46<<Ala gbera kpa awofono! Aba yimu ko yawu kpo obagidi, kweyi ba yimu shini ana tuwo ogbogba ipishi, ana da awa oka ko yagye neshi ipu ke ekpa kpe ebe ki imya. 47Aba ya anyokwu ole ya bize, aki ba tinarigwu gbeji. Edo kase mani aba wa kwuwe epwo ko tata.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA