oLuka 21
21
Oza ko Otukyokye ko Onyokwu
(oMak 12.41-44)
1Ishini Oyesu zi iyi iso ni, oma awolodu ba zeshi ko otukyokye wa ba tipu ko odudu ko Ole ko Owuso. 2Oki mo onyokwu oye ni wo oleha ni yo ikwiri nu epa yi ti ipu ko olashiko. 3Okamo, <<Nyya kadala okwokwoshi, eshi ni onyokwu ni wo oleha mani ze ni shoshi sha aka ananoho. 4Kpiri kawase mani ze eshi bwipu ko odu wa; anu ke ze ipu ke eha nu, oto oza ni ogbo ko re ni.>>
Oyi ko Kweyi ki Ishi Mani
(oMatiyu 24.1-2; oMak 13.1-2)
5Ashishini ka awogboso ba kela ikweyi ko Ole ko Owuso ni agwa agya kpi ikyikpo kpe eshi ni aze do Owuso ni. Oyesu ke kamo, 6<<Oza ni ala ma ebeni, ishi ya wa ba ni aba shi ikyikpo oyoye bita ya hagye ikweyi ko oye lo; kpiri wa aba yi sa sho okpagye.>>
Owe kpe Egye Moma
(oMatiyu 24.3-14; oMak 13.3-13)
7Adoka mo, <<Inofoza, ishi wonya ni awoza mani ba gbodagye? Kweyi oji ya wo oyi ni ya shiya aha mo aba yimu ko gbodagye?
8Okyogwu mo, <<Ala gbera ela koni ashishe na ka bya ala go owe labi lo. Koni ase nwashika ba wa kpi iyen, ba kamo, <Ami wo Okristi la, ishi yo pee.> Ala ka gbosuwa lo. 9Ishini ala pwela ke efu kpokpo kpa awashosha, ala ka yoshi lo. Awoza mani kpiri ba gbodagye, oke wo okweyi kese lalo.>>
10Ebeni oka da awa mo, <<Okpagye oye ba kpefu kpo okpagye oye, obula oye ba kpefu kpo obula oye. 11Okpagye ya ja jigi-jigi, ase ba ngme emye kpe ere ebebe nya, kweyi oyi ko oza ko ta ase oshi neneshi ba gbodagye bwi iso.
12<<Ime awoza mani ke, aba kwa ala kweyi ba da ala egye. Aba bya ala ge ekpa kpo oruduru, aba bya ala go obutu ka awose kpa awogbolamaga kpiri ipu ki iye hin. 13Omani ya da ala ko oshu yo olobene ikweyin. 14Ikweyi koni ke ala ka byotu ikweyi ko oza ni ala ba ka ni lo. 15Koni nyya da ala ela kpo oziyi ni ashishe ipu ka awomonyekwotu kala ya gege ya tawashu ikweyi ko oza ni ala ba ka ni lo. 16Awene kpa awada kpa ayene kala kpase ki ipwoma kala kpa awoya kala ba ya ala ra kweyi aba ya ashishini kala ngmo. 17Ase nwashika ba ya anya kala ikweyin. 18Oyoye ipu ki inyeyi ki ikweyi kala ke ya gebi lo. 19Owoni ala hagye giri ala ba pyo olayi.
Oyesu Kela Ikweyi ke Ebi ni wa Ro Ojerusele ni
(oMatiyu 24.15-21; oMak 13.14-19)
20<<Ishini ala ma awadakare shogba to Ojerusele, ala gye mo ishi ko yo kya yo pee. 21Ebeni awase ni bo okpagye ko Ojudiya ni na nyinya gi ikweyi ke efu, awase ni bo ogya nyakwu na bose, kweyi awase ni bo ogya leke na ka gipu ko ogya nyakwu lo. 22Ikweyi koni omani pini wi ishini aba dase owe kpiri byoni ayi tota ni. 23Ishi oni ya labi da anya ni bifu kpa anya ni bya ayi abo ni! Ikweyi koni ishi oni aba mo owe labi okpagye ni kweyi anya ko Owuso ya wa ikweyi kawase ni. 24Aba ngma ashishini kpe ewakpa, aba bya ashishini ga shetu okpagye kpiri. Awase ni wa Ase ko Oyahuda lo ni ba da ase ko Ojerusele ikpo gbi ishini ishi kawase ni wo Oyahuda lo ni wa ya gye.
Owowa ko Oyi ka Asuse
(oMatiyu 24.29-31; oMak 13.24-27)
25Aba mo oza ko oshi ipu ke eno, kpo oya, kpi inyiwo. Ipu kese okpagye gogogogo ba yoshi kotata ikweyi ke eya ko ogwa ki ishu nyakwu. 26Asuse ba yoshi kweyi ba shekwu, ikweyi ko oza ni ya gbodagye ese ni, koni oza ni bo okpowuso ni ba ja. 27Ipu ki ishi oni aba mo Oyi ka Asuse ya bwi ipu ko okpowuso kpo oshu kpo igyashi. 28Ishini awoza mani ba gbodagye, ala kyi iyi kala tu neneshi ikweyi koni inongma ala yo pee.>>
Ozafofu ko Oyesu Ikweyi ke Efu ko Odegyo
(oMatiyu 24.32-35; oMak 13.28-31)
29Okelase mani da awa mo: <<Ala me efu ko ofigi kpa ashishini ke efu. 30Ishini efu wa kwotu ko fu, ala gye mo ogwa ya yimu ko gbo. 31Mamani, ishini ala ma awoza mani ba gbodagye, ala gye mo obula ko Owuso yo pee.
32<<Nyya kadala okwokwoshi, awoza mani kpiri ba gbodagye ome ese ki ikyeni na shigbo. 33Iso kpo okpagye ya shuga, elan ke ya shuga lo.
Otugbagba ko Gbera
34<<Ala gbera, ala ka yo otu kala do ozarore kpi inyi gwogwa, kpo otu byobya ikweyi ki iyo kese mani lo, koni eno ya wa kwa ala gba. 35Ikweyi koni oya wa ikweyi kawase ni bi ipu kese ni kpiri. 36Ala bagye kpe era, ala bi tinarigwu ishi kpiri shini ala pyo oshu ko bose shi ipu ko oza ni ya yimu ko gbodagye ni, kweyi ala ba gege ko hagye obutu ko Oyi ka Asuse.>>
37Ishi kpiri Oyesu ya foza ipu ko Ole ko Owuso, kweyi onose kpiri oya bose ge ese gi ikweyi ke efu ni aba yogwu mo Efu ko oZetu ga kya, 38kweyi kpiri kase ba bose ototukpokyi ko pwela nu ipu ko Ole ko Owuso.
Valið núna:
oLuka 21: ALA
Áherslumerki
Deildu
Afrita
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
oLuka 21
21
Oza ko Otukyokye ko Onyokwu
(oMak 12.41-44)
1Ishini Oyesu zi iyi iso ni, oma awolodu ba zeshi ko otukyokye wa ba tipu ko odudu ko Ole ko Owuso. 2Oki mo onyokwu oye ni wo oleha ni yo ikwiri nu epa yi ti ipu ko olashiko. 3Okamo, <<Nyya kadala okwokwoshi, eshi ni onyokwu ni wo oleha mani ze ni shoshi sha aka ananoho. 4Kpiri kawase mani ze eshi bwipu ko odu wa; anu ke ze ipu ke eha nu, oto oza ni ogbo ko re ni.>>
Oyi ko Kweyi ki Ishi Mani
(oMatiyu 24.1-2; oMak 13.1-2)
5Ashishini ka awogboso ba kela ikweyi ko Ole ko Owuso ni agwa agya kpi ikyikpo kpe eshi ni aze do Owuso ni. Oyesu ke kamo, 6<<Oza ni ala ma ebeni, ishi ya wa ba ni aba shi ikyikpo oyoye bita ya hagye ikweyi ko oye lo; kpiri wa aba yi sa sho okpagye.>>
Owe kpe Egye Moma
(oMatiyu 24.3-14; oMak 13.3-13)
7Adoka mo, <<Inofoza, ishi wonya ni awoza mani ba gbodagye? Kweyi oji ya wo oyi ni ya shiya aha mo aba yimu ko gbodagye?
8Okyogwu mo, <<Ala gbera ela koni ashishe na ka bya ala go owe labi lo. Koni ase nwashika ba wa kpi iyen, ba kamo, <Ami wo Okristi la, ishi yo pee.> Ala ka gbosuwa lo. 9Ishini ala pwela ke efu kpokpo kpa awashosha, ala ka yoshi lo. Awoza mani kpiri ba gbodagye, oke wo okweyi kese lalo.>>
10Ebeni oka da awa mo, <<Okpagye oye ba kpefu kpo okpagye oye, obula oye ba kpefu kpo obula oye. 11Okpagye ya ja jigi-jigi, ase ba ngme emye kpe ere ebebe nya, kweyi oyi ko oza ko ta ase oshi neneshi ba gbodagye bwi iso.
12<<Ime awoza mani ke, aba kwa ala kweyi ba da ala egye. Aba bya ala ge ekpa kpo oruduru, aba bya ala go obutu ka awose kpa awogbolamaga kpiri ipu ki iye hin. 13Omani ya da ala ko oshu yo olobene ikweyin. 14Ikweyi koni ke ala ka byotu ikweyi ko oza ni ala ba ka ni lo. 15Koni nyya da ala ela kpo oziyi ni ashishe ipu ka awomonyekwotu kala ya gege ya tawashu ikweyi ko oza ni ala ba ka ni lo. 16Awene kpa awada kpa ayene kala kpase ki ipwoma kala kpa awoya kala ba ya ala ra kweyi aba ya ashishini kala ngmo. 17Ase nwashika ba ya anya kala ikweyin. 18Oyoye ipu ki inyeyi ki ikweyi kala ke ya gebi lo. 19Owoni ala hagye giri ala ba pyo olayi.
Oyesu Kela Ikweyi ke Ebi ni wa Ro Ojerusele ni
(oMatiyu 24.15-21; oMak 13.14-19)
20<<Ishini ala ma awadakare shogba to Ojerusele, ala gye mo ishi ko yo kya yo pee. 21Ebeni awase ni bo okpagye ko Ojudiya ni na nyinya gi ikweyi ke efu, awase ni bo ogya nyakwu na bose, kweyi awase ni bo ogya leke na ka gipu ko ogya nyakwu lo. 22Ikweyi koni omani pini wi ishini aba dase owe kpiri byoni ayi tota ni. 23Ishi oni ya labi da anya ni bifu kpa anya ni bya ayi abo ni! Ikweyi koni ishi oni aba mo owe labi okpagye ni kweyi anya ko Owuso ya wa ikweyi kawase ni. 24Aba ngma ashishini kpe ewakpa, aba bya ashishini ga shetu okpagye kpiri. Awase ni wa Ase ko Oyahuda lo ni ba da ase ko Ojerusele ikpo gbi ishini ishi kawase ni wo Oyahuda lo ni wa ya gye.
Owowa ko Oyi ka Asuse
(oMatiyu 24.29-31; oMak 13.24-27)
25Aba mo oza ko oshi ipu ke eno, kpo oya, kpi inyiwo. Ipu kese okpagye gogogogo ba yoshi kotata ikweyi ke eya ko ogwa ki ishu nyakwu. 26Asuse ba yoshi kweyi ba shekwu, ikweyi ko oza ni ya gbodagye ese ni, koni oza ni bo okpowuso ni ba ja. 27Ipu ki ishi oni aba mo Oyi ka Asuse ya bwi ipu ko okpowuso kpo oshu kpo igyashi. 28Ishini awoza mani ba gbodagye, ala kyi iyi kala tu neneshi ikweyi koni inongma ala yo pee.>>
Ozafofu ko Oyesu Ikweyi ke Efu ko Odegyo
(oMatiyu 24.32-35; oMak 13.28-31)
29Okelase mani da awa mo: <<Ala me efu ko ofigi kpa ashishini ke efu. 30Ishini efu wa kwotu ko fu, ala gye mo ogwa ya yimu ko gbo. 31Mamani, ishini ala ma awoza mani ba gbodagye, ala gye mo obula ko Owuso yo pee.
32<<Nyya kadala okwokwoshi, awoza mani kpiri ba gbodagye ome ese ki ikyeni na shigbo. 33Iso kpo okpagye ya shuga, elan ke ya shuga lo.
Otugbagba ko Gbera
34<<Ala gbera, ala ka yo otu kala do ozarore kpi inyi gwogwa, kpo otu byobya ikweyi ki iyo kese mani lo, koni eno ya wa kwa ala gba. 35Ikweyi koni oya wa ikweyi kawase ni bi ipu kese ni kpiri. 36Ala bagye kpe era, ala bi tinarigwu ishi kpiri shini ala pyo oshu ko bose shi ipu ko oza ni ya yimu ko gbodagye ni, kweyi ala ba gege ko hagye obutu ko Oyi ka Asuse.>>
37Ishi kpiri Oyesu ya foza ipu ko Ole ko Owuso, kweyi onose kpiri oya bose ge ese gi ikweyi ke efu ni aba yogwu mo Efu ko oZetu ga kya, 38kweyi kpiri kase ba bose ototukpokyi ko pwela nu ipu ko Ole ko Owuso.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA