oLuka 19
19
Ozaka Ino Zegba
1Oyesu ya shigbo bwo ogya nyakwu ko Ojeriko. 2Ongo oye iye nu wo Ozaka yo ogya ni. Anu pini wo oteyi ka awozegba la. 3Oya takirikwu ko mo Oyesu, oke gege lo ikweyi koni owase digbo kweyi ewa nwashika ebeni. 4Ebeni onyinya kweyi ga toshi iso ke efu nyakwu ni hagye owe ni Oyesu wa shigbo shini ona mo.
5Ishini Oyesu fo tu ke efu oni ni, otiyi mi iso kweyi ka da anu mo, <<oZaka, sa wo okpagye papa. Owo otiri shini na hagye ole wo ikyeni.>> 6Ebeni oZaka sa wo okpagye papa kweyi byo Oyesu go ole nu kpo otunehe.
7Kpiri kase ni be ebeni mo oza ni gbodagye ni kweyi aba ka akyose mo, <<Oya go ole ki ine ko ozalabi.>>
8oZaka ke takpa nyiso kweyi ka da Adole mo, <<Ma, Adole! Ebeni anani, nyya yo oza ni ngbo ni ya yi ko we epa kweyi nyya yo okwu oye ya yi da awoleha. Owoni nggya ashe egya kweyi zi ikwiri, nyya sore ko oza ni nze ni ole ene.>>
9Oyesu ka da anu mo, <<Ikyeni angmase ni bo ole ebeni ni, ikweyi koni ongo mani bwi ipwoma ki Ibirayi la. 10Koni Oyi ka Asuse wa shini na tikpo kweyi ki ngmo oza ni gebi ni la.>>
Elase Ikweyi ka Ayole Igwo
(oMatiyu 25.14-30)
11Ni aya akpaha ze ba pwe ela ni Oyesu ya ka ni, okelase da awa ikweyi koni oye pee kpo Ojerusele kweyi ase ba ma mo obula ko Owuso ya wa ishi oye kponu. 12Okamo, <<Ongo oye wo oyi ose, ogo okpagye oye lenu shini ana to ose, kweyi ishini orose ona kwikye wo Obula wa. 13Ebeni oya ayole nu igwo kweyi oda awo ikwiri igwo, oka da awa mo, <Ala yo otoyu kpanu gbi ishini nwwa.>>
14<<Awase nu ke yanya nu kweyi asha ase gboso kweyi ga kamo, <Aha ba yimu ko ongo mani ko wose ka aha lo.>
15<<Oyi ose mani ro ose, kweyi okwikye wo obula wa. Ebeni otoleho ge ebe ka ayole nu ni oda awi ikwiri ni, oya yimu ko gyo oza ni opye kpa anu ni.
16<<Oyole kikyikyo wa kweyi wa kamo, <Adole ikwiri oye wo, nyyo otoyu, npyi igwo manu.>
17Adole nu kyogwu mo, <<<Nngmagye, oyole hin neshi, koni oyo okwokwoshi ikweyi ko oza gbayayi ni, nyya yo ya woteyi ko ogya nyakwu igwo.>
18<<Oyole ko omwepa wa kweyi wa kamo, <Adole, ikwiri oye wo, nyyo otoyu kpa anu, npye eho manu.>
19<<Adole nu ka da anu mo, <Awo ga wo oteyi ko ogya nyakwu eho.>
20<<Ebeni oyole oye wa kweyi wa kamo, <Adole, ikwiri oye wo yoma, nyyi teba ipu ka ayikyi. 21Nyya yoshi ko otu wo, ikweyi koni ogbo ono ni. Oya zo oza ebeni oyi tagye lo ni, kweyi oki ya kyo oza ebeni otu lo ni.>
22<<Adole nu kyogwu mo, <Nyya kwe epwo bwe ebe kela ni oka ni, awo ayole bibi! Ogye mo nwwa ase ni gbo ono ni, nyya zo oza ebeni nyyi tagye lo ni, kweyi nki ya kyoza ebeni ntu lo ni? 23Ojiya ni oyi ikwiri hin to olashiko, shini ishini ni nwwa, nbi ya zo oza hin kpi inyigwiye lo?>
24<<Ebeni oka da awase ni hagye ni mo, <Ala yo ikwiri oye ni yi bize sha abo nu shini ala yi da ase ni gbo opami igwo ni.>
25Akamo, <Adole,> <anu kwobonu gbi ikwiri igwo wa!>
26Okyogwu mo, <<Nyya kadala, kpiri kase ni gbo oza aba fu manu, ase ni ke go ojije lo, ko oza ni ogbo gbayayi ni aba yi bize sho. 27Awase ni ke wa awomonyekwotu hin nu ni ba yimu mo naka wose wa lo ni, kpuwa we ebeni kweyi kpuwa ngmo obutu hin.>>>
Oyesu go Ojerusele
(oMatiyu 21.1-11; oMak 11.1-11; Oyohana 12.12-19)
28Ishini Oyesu ka awe ela mani kweyi ni, okwo owe ya go Ojerusele. 29Ishini oyo pee kpo Obetafiji kpo Obetani ni, ebe kikpokyi ni aba yogwu mo Efu ko Ozetu ni, ota awogboso epa oleho kweyi ka da awa mo, 30<<Ala gogya leke ni yo ohobu kala ni, ogoga kala, ala ba mo oyi ko odagyi gbogbo ebeni, ni ashishe se ebibye wa lo ni. Ala yo yi shini ala byo we ebeni. 31Owoni ashe da ala oka mo, <Ojiya ni ala ba yo yi?> Ala ka da anu mo, <Adole pini ya yimu la.>>>
32Awase ni otuwo oleho ni ga tanu byoni oka da awa ni. 33Ni aba yo oyi ko odagyi ya yiyi ni, inoza duwoka mo, <<Ojiya ni ala ba yo oyi ko odagyi mani ya yiyi?>>
34Akyogwu mo, <<Adole pini ya yimu la.>>
35Aga byo oyi ko odagyi oni wa do Oyesu, ayo oshiye wa ta ikweyi ko odagyi kweyi ayo Oyesu yagye ikweyi nu. 36Ni oyipu ki iyawu ya ga ni ase nwashika to oshiye wa ikweyi ko owe.
37Ishini owa pee kpe ebeni owe gi kweyi ke Efu ko oZetu ni, kpiri ke ewa ka awogboso kwotu ko osho Owuso iye kpo oko nyakwu ikweyi ka awoza ki igbashi ni ama ni:
38<<Otunehe yo kpo ose ni wa ipu ki iye ka Adole ni.>>
<<Omene yipu ki iso kweyi Igyashi wa ko Owuso!>>
39Ashishini ka Awofarisi ni bi ipu ke ewa ni ka do Oyesu mo, <<Inofoza ka da awogboso na sha!>>
40Okyogwu mo, <<Nyya kadala, owoni asha, awikyikpo mani ba sha ami iye.>>
Oyesu Kyegba Ikweyi ko Ojerusele
41Ni oyo pee kpo Ojerusele ni, oziyi iso mo ogya, kweyi osize iyikweyi nu,
42kweyi kamo, <<Ojerusele, owoni ase wo bi gyo oza ni ya byo omene wa da ala nabani, ake yi leba da ala. 43Eno ya wa ba ni awomonyekwotu kala ba shoba gyehe ta ala kweyi shogba ta ala kweyi ba wa ngma ala bwa agbabo kpiri. 44Aba wa yo ogya kala ya kya, aba wa ya ayi kala ya ngmo kpiri. Aba sha akyo oyoye bita ya hagye ikweyi ko oye lo, ikweyi koni ala gyi ishi ko owowa ko Owuso da ala lo ni.>>
Oyesu Gipu ko Ole ko Owuso
(oMatiyu 21.12-17; oMak 11.15-19; Oyohana 2.13-22)
45Oyesu gipu ko Ole ko Owuso, kweyi kwotu ko na awase ni ba tora ko oza ni.
46Oka dawa mo, <<Ayi tota ipu ko Okpa mo, <Ole hin wole ko tinarigwu la,> ala ke yo pya wo ole ka awowi.>>>
47Kurutu oya foza ipu ko Ole ko Owuso ose ka awosapa kpa awofono kpa awoteyi ka asuse ke ba takirikwu ko yo ngmo. 48Ake pyo owe ko ya lo, ikweyi koni kpiri kase ba takirikwu ko pwe ela nu.
Valið núna:
oLuka 19: ALA
Áherslumerki
Deildu
Afrita
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
oLuka 19
19
Ozaka Ino Zegba
1Oyesu ya shigbo bwo ogya nyakwu ko Ojeriko. 2Ongo oye iye nu wo Ozaka yo ogya ni. Anu pini wo oteyi ka awozegba la. 3Oya takirikwu ko mo Oyesu, oke gege lo ikweyi koni owase digbo kweyi ewa nwashika ebeni. 4Ebeni onyinya kweyi ga toshi iso ke efu nyakwu ni hagye owe ni Oyesu wa shigbo shini ona mo.
5Ishini Oyesu fo tu ke efu oni ni, otiyi mi iso kweyi ka da anu mo, <<oZaka, sa wo okpagye papa. Owo otiri shini na hagye ole wo ikyeni.>> 6Ebeni oZaka sa wo okpagye papa kweyi byo Oyesu go ole nu kpo otunehe.
7Kpiri kase ni be ebeni mo oza ni gbodagye ni kweyi aba ka akyose mo, <<Oya go ole ki ine ko ozalabi.>>
8oZaka ke takpa nyiso kweyi ka da Adole mo, <<Ma, Adole! Ebeni anani, nyya yo oza ni ngbo ni ya yi ko we epa kweyi nyya yo okwu oye ya yi da awoleha. Owoni nggya ashe egya kweyi zi ikwiri, nyya sore ko oza ni nze ni ole ene.>>
9Oyesu ka da anu mo, <<Ikyeni angmase ni bo ole ebeni ni, ikweyi koni ongo mani bwi ipwoma ki Ibirayi la. 10Koni Oyi ka Asuse wa shini na tikpo kweyi ki ngmo oza ni gebi ni la.>>
Elase Ikweyi ka Ayole Igwo
(oMatiyu 25.14-30)
11Ni aya akpaha ze ba pwe ela ni Oyesu ya ka ni, okelase da awa ikweyi koni oye pee kpo Ojerusele kweyi ase ba ma mo obula ko Owuso ya wa ishi oye kponu. 12Okamo, <<Ongo oye wo oyi ose, ogo okpagye oye lenu shini ana to ose, kweyi ishini orose ona kwikye wo Obula wa. 13Ebeni oya ayole nu igwo kweyi oda awo ikwiri igwo, oka da awa mo, <Ala yo otoyu kpanu gbi ishini nwwa.>>
14<<Awase nu ke yanya nu kweyi asha ase gboso kweyi ga kamo, <Aha ba yimu ko ongo mani ko wose ka aha lo.>
15<<Oyi ose mani ro ose, kweyi okwikye wo obula wa. Ebeni otoleho ge ebe ka ayole nu ni oda awi ikwiri ni, oya yimu ko gyo oza ni opye kpa anu ni.
16<<Oyole kikyikyo wa kweyi wa kamo, <Adole ikwiri oye wo, nyyo otoyu, npyi igwo manu.>
17Adole nu kyogwu mo, <<<Nngmagye, oyole hin neshi, koni oyo okwokwoshi ikweyi ko oza gbayayi ni, nyya yo ya woteyi ko ogya nyakwu igwo.>
18<<Oyole ko omwepa wa kweyi wa kamo, <Adole, ikwiri oye wo, nyyo otoyu kpa anu, npye eho manu.>
19<<Adole nu ka da anu mo, <Awo ga wo oteyi ko ogya nyakwu eho.>
20<<Ebeni oyole oye wa kweyi wa kamo, <Adole, ikwiri oye wo yoma, nyyi teba ipu ka ayikyi. 21Nyya yoshi ko otu wo, ikweyi koni ogbo ono ni. Oya zo oza ebeni oyi tagye lo ni, kweyi oki ya kyo oza ebeni otu lo ni.>
22<<Adole nu kyogwu mo, <Nyya kwe epwo bwe ebe kela ni oka ni, awo ayole bibi! Ogye mo nwwa ase ni gbo ono ni, nyya zo oza ebeni nyyi tagye lo ni, kweyi nki ya kyoza ebeni ntu lo ni? 23Ojiya ni oyi ikwiri hin to olashiko, shini ishini ni nwwa, nbi ya zo oza hin kpi inyigwiye lo?>
24<<Ebeni oka da awase ni hagye ni mo, <Ala yo ikwiri oye ni yi bize sha abo nu shini ala yi da ase ni gbo opami igwo ni.>
25Akamo, <Adole,> <anu kwobonu gbi ikwiri igwo wa!>
26Okyogwu mo, <<Nyya kadala, kpiri kase ni gbo oza aba fu manu, ase ni ke go ojije lo, ko oza ni ogbo gbayayi ni aba yi bize sho. 27Awase ni ke wa awomonyekwotu hin nu ni ba yimu mo naka wose wa lo ni, kpuwa we ebeni kweyi kpuwa ngmo obutu hin.>>>
Oyesu go Ojerusele
(oMatiyu 21.1-11; oMak 11.1-11; Oyohana 12.12-19)
28Ishini Oyesu ka awe ela mani kweyi ni, okwo owe ya go Ojerusele. 29Ishini oyo pee kpo Obetafiji kpo Obetani ni, ebe kikpokyi ni aba yogwu mo Efu ko Ozetu ni, ota awogboso epa oleho kweyi ka da awa mo, 30<<Ala gogya leke ni yo ohobu kala ni, ogoga kala, ala ba mo oyi ko odagyi gbogbo ebeni, ni ashishe se ebibye wa lo ni. Ala yo yi shini ala byo we ebeni. 31Owoni ashe da ala oka mo, <Ojiya ni ala ba yo yi?> Ala ka da anu mo, <Adole pini ya yimu la.>>>
32Awase ni otuwo oleho ni ga tanu byoni oka da awa ni. 33Ni aba yo oyi ko odagyi ya yiyi ni, inoza duwoka mo, <<Ojiya ni ala ba yo oyi ko odagyi mani ya yiyi?>>
34Akyogwu mo, <<Adole pini ya yimu la.>>
35Aga byo oyi ko odagyi oni wa do Oyesu, ayo oshiye wa ta ikweyi ko odagyi kweyi ayo Oyesu yagye ikweyi nu. 36Ni oyipu ki iyawu ya ga ni ase nwashika to oshiye wa ikweyi ko owe.
37Ishini owa pee kpe ebeni owe gi kweyi ke Efu ko oZetu ni, kpiri ke ewa ka awogboso kwotu ko osho Owuso iye kpo oko nyakwu ikweyi ka awoza ki igbashi ni ama ni:
38<<Otunehe yo kpo ose ni wa ipu ki iye ka Adole ni.>>
<<Omene yipu ki iso kweyi Igyashi wa ko Owuso!>>
39Ashishini ka Awofarisi ni bi ipu ke ewa ni ka do Oyesu mo, <<Inofoza ka da awogboso na sha!>>
40Okyogwu mo, <<Nyya kadala, owoni asha, awikyikpo mani ba sha ami iye.>>
Oyesu Kyegba Ikweyi ko Ojerusele
41Ni oyo pee kpo Ojerusele ni, oziyi iso mo ogya, kweyi osize iyikweyi nu,
42kweyi kamo, <<Ojerusele, owoni ase wo bi gyo oza ni ya byo omene wa da ala nabani, ake yi leba da ala. 43Eno ya wa ba ni awomonyekwotu kala ba shoba gyehe ta ala kweyi shogba ta ala kweyi ba wa ngma ala bwa agbabo kpiri. 44Aba wa yo ogya kala ya kya, aba wa ya ayi kala ya ngmo kpiri. Aba sha akyo oyoye bita ya hagye ikweyi ko oye lo, ikweyi koni ala gyi ishi ko owowa ko Owuso da ala lo ni.>>
Oyesu Gipu ko Ole ko Owuso
(oMatiyu 21.12-17; oMak 11.15-19; Oyohana 2.13-22)
45Oyesu gipu ko Ole ko Owuso, kweyi kwotu ko na awase ni ba tora ko oza ni.
46Oka dawa mo, <<Ayi tota ipu ko Okpa mo, <Ole hin wole ko tinarigwu la,> ala ke yo pya wo ole ka awowi.>>>
47Kurutu oya foza ipu ko Ole ko Owuso ose ka awosapa kpa awofono kpa awoteyi ka asuse ke ba takirikwu ko yo ngmo. 48Ake pyo owe ko ya lo, ikweyi koni kpiri kase ba takirikwu ko pwe ela nu.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA