Luka 17
17
Amasambi, imfwa ne inkito
(Mt. 18:6-7 Mk. 9:42)
1Yesu aebele abasambi bakwe: “Bonse bekeshiba mukine amatunko, nomba umuntu uyo amatunko yafikila akakwata ubwafya.” 2Kilefwaikwa bwino ukumukaka umwando wa kukikayo mu mukoshi ilibwe ilya fina sana no kumuposa mu menshi, pakuti eingisha abakayele mu masambi, kwati ni ulya umo pali bena. 3Mube abakengela muli ino nshita. Mwila twala abanenu ku masambi. Nga uuli onse uwa sumina muli nebo apanga amasambi, mukalipile. Nga alapila amasambi yakwe mwelele. 4Nangu uyu muntu uwa sumina muli nebo alufyanya kuli webo imiku kinelubali mubushiku bumo, na kilanshita aleisa kuli webo mukulanda: “Na lapila”, nomba ulingile ukumwelela imiku yonse. 5Abasole balandile ku Mfumu Yesu: “Twa mipapata lundeniko ikisumino kyesu.” 6Elo Yesu abaswike: “Nga na mukwata ikisumino mu Lesa nge tanga sha lubanga, kuti mwaeba iki kimuti ikikulu ikya malubeni: ‘inukule nokuya ibyala ku mumana,’ na kika mufwila.” 7“Nga umo pali mwebo nakwata umubonfi uulima mwibala nangu uusunga imikoko, na abwela mukulima nangu mukusunga imikoko, mukine tamwakebe uwankito: isa, ikala pano ulyeko ikintu. 8Nomba akamweba paliyo nkende: ikigye ungipikile ifyakulya fyandi pakuti indje. Pekanishishe mpaka fye ipwe ukulya. Nga napwa ifyakulya fyandi ifya kyungulo, kuti walya ifyobe. 9Kabili, tamutasha umubonfi wenu pankito akibomba iyo bamwebele ukukita! Mukine awe 10Na efyo ifi filingile ukuba nobe. Ilyo ukapanga ifyo fyone imfumu yobe ya kwebele ukukita, elo ulanda: tatulingile uku lumbanya, tulifye ababonfi Natubomba fye inkito iyo tulingile ukukita.”
Yesu aundapa abafibashi ikumi
11Ubushiku bumo, Yesu akonkobeshe ubulendo bwakwe na basambi bakwe ku Yerusalemu, bali pitile ikitungu kyali pakati ya mushi wa Samariya na Galileya. 12Elyo apalamine ku mushi umo, ikumi ilyaba fibashi balolele kuli Yesu. Nomba bali iminine akatalamukila. 13Balemukuta na maka no kubilikisha: “Yesu, Kafundisha wesu, tubeleleniko uluse na utundape!” 14Yesu abaloleshe no kubeba: “kabiyeni kamoneni bashimapepo ba mu Yerusalemu pakuti ba sambilile umubili wenu elo mupole nomba.” Ilyo baleya kuli bashimapepo, balepola. 15Bali isanga bonse ukuti nabapola nomba umo pali bena abwelele kuli Yesu no kula bilikisha ne nsansa noku lalumbanya Lesa paku mundapa. 16Aishile fukama no kwikefya ku makasa yakwa Yesu noku mulanga umukinshi wakwe noku mutotela. Uyu muntu ali mu Samariya tali umu Yuda. 17Yesu alandile kuli balya alinabo: “Lesa aundapa abafibashi ikumi. Elo ninshi aba pabula bambi taba bwelele uku lumbanya Lesa? 18Na pelelwa sana ukuti uyu muntu uutali mu Yuda abe bunke ukwisa totela Lesa.” Takuli umbi uubwelele! 19Yesu amweba: “Ima, kabuye; wapola pantu wa kisumino muli nebo.”
Yesu alesambilisha panshita ilyo ubufumu bwakwa Lesa bukesa
(Mt. 24:23-41)
20Ubushiku bumo aba Faliseyo baipwishe Yesu, nilisa ubufumu bwakwa Lesa bukesa? Yesu abaswike, “takwakabe ikilangililo iki kasonta ukuti ubufumu bwakwa Lesa bukesa. 21Umuntu nangu umo tekuti alande: Mona, bulyapa! Nangu buli kulya; pantu ubufumu bwakwa Lesa buli mukati kenu.” 22Yesu alandile ku abasambi bakwe: “Inshita ikesa iyo mukatemwa ukumbona nebo, umwana wa muntu aka kimfya, nomba filya ta fyakakiti. 23Ba kamyeba muli shilya shinku, abantu bambi namyeba: uyo apo! Nangu ulya apo! Nomba mwi musumina na mwiya muku mufwaya. 24Pantu kimokine kuli bonse balamona utubekobeko ilyo tubutisha umulu kutampilo na kulutwe, mu musango umowine ikyalo kyonse kikambona, nebo ne Umwana wa muntu, ubushiku bwa kubwela kwandi. 25Nomba pantanshi ya filya, kifwile akyule sana no kupingulwa ku bantu bapali kino kyalo. 26Pantanshi ya kwisa kwa lubunsho, ilyo Nowa ali umumi akale, abantu bali ne misango imoine iyo abantu ba kakwata pantanshi yakuti nebo, ne Umwana wa muntu, kabwela. 27Pantanshi ya lubunsho kila muntu aleikala ubwikashi bwakwe ngefyo abeleshe ukulya, ukunwa, nokupwa, mpaka ubushiku ubo Nowa no mukashi wakwe ba kengila mubwato. Apopene, ulubunsho lwaishile nokwibisha bonse aba lesangwa kunse ya bwato. 28Kikaba kwati ni munshita yakwa Loti akale, imilandu yakitike eikakitika kabili ilyo mukubwela kwandi. Bonse mu mushi wa Sodoma baleikala nga filya fine babelesha ukulya no kunwa, ukushita noku shitisha, ukulima no kukula. 29Nomba ubushiku ubo Loti afumine mu mushi wakwe sodoma, Lesa aponeshe mumulu umulilo na mabwe ya leokya no kwipaya bonse. 30Mu musango umowine ubushiku ubo nebo, umwana wa muntu, kabwela, fyonse fika ifya kutenekela noku tulumusha.” 31Bulya bushiku, ulya ukaba pa mutenge wa nganda takekilile mu nganda pakuti apite ikintu nangu kimo; kimokine kuli onse uukaba kumabala ebwela ku nganda. 32Ibukisheni pafya fikile umukashi wakwa Loti. 33Uka fwaya ukupususha ubumi bwakwe aka bulufya, no ukalufya akasanga. 34Nde myeba bulya ubushiku, mu kwisa kwandi, babili aba mulupwa lumo bakalala mubulo pamo, umo akapitwa umo akashala paliyo nkende. 35Nga kuli abanakashi babili abaletwa pamo intanga pa nkende imo umuntu umo akapitwa, nomba umo akashala paliyo nkende. 36Nga kuli abaume babili balebomba mwibala limo pa nkende umowine, umuntu umo akapitwa, nomba umo akashala paliyo nkende. 37Na bali mwipusha Yesu: nikwisa filya fikakitika, we Mfumu? Abasuka: bonse bakeshiba filya uko fikakitikila, kwati ni filya fine bonse beshiba uku sangwa ikitumbi ilyo ba pungwa ba kolongana.
Valið núna:
Luka 17: KDG
Áherslumerki
Deildu
Afrita
Want to have your highlights saved across all your devices? Sign up or sign in
Seba Bible by Beyond Translation is licensed under Creative Commons Attribution-ShareAlike 4.0 License.
Luka 17
17
Amasambi, imfwa ne inkito
(Mt. 18:6-7 Mk. 9:42)
1Yesu aebele abasambi bakwe: “Bonse bekeshiba mukine amatunko, nomba umuntu uyo amatunko yafikila akakwata ubwafya.” 2Kilefwaikwa bwino ukumukaka umwando wa kukikayo mu mukoshi ilibwe ilya fina sana no kumuposa mu menshi, pakuti eingisha abakayele mu masambi, kwati ni ulya umo pali bena. 3Mube abakengela muli ino nshita. Mwila twala abanenu ku masambi. Nga uuli onse uwa sumina muli nebo apanga amasambi, mukalipile. Nga alapila amasambi yakwe mwelele. 4Nangu uyu muntu uwa sumina muli nebo alufyanya kuli webo imiku kinelubali mubushiku bumo, na kilanshita aleisa kuli webo mukulanda: “Na lapila”, nomba ulingile ukumwelela imiku yonse. 5Abasole balandile ku Mfumu Yesu: “Twa mipapata lundeniko ikisumino kyesu.” 6Elo Yesu abaswike: “Nga na mukwata ikisumino mu Lesa nge tanga sha lubanga, kuti mwaeba iki kimuti ikikulu ikya malubeni: ‘inukule nokuya ibyala ku mumana,’ na kika mufwila.” 7“Nga umo pali mwebo nakwata umubonfi uulima mwibala nangu uusunga imikoko, na abwela mukulima nangu mukusunga imikoko, mukine tamwakebe uwankito: isa, ikala pano ulyeko ikintu. 8Nomba akamweba paliyo nkende: ikigye ungipikile ifyakulya fyandi pakuti indje. Pekanishishe mpaka fye ipwe ukulya. Nga napwa ifyakulya fyandi ifya kyungulo, kuti walya ifyobe. 9Kabili, tamutasha umubonfi wenu pankito akibomba iyo bamwebele ukukita! Mukine awe 10Na efyo ifi filingile ukuba nobe. Ilyo ukapanga ifyo fyone imfumu yobe ya kwebele ukukita, elo ulanda: tatulingile uku lumbanya, tulifye ababonfi Natubomba fye inkito iyo tulingile ukukita.”
Yesu aundapa abafibashi ikumi
11Ubushiku bumo, Yesu akonkobeshe ubulendo bwakwe na basambi bakwe ku Yerusalemu, bali pitile ikitungu kyali pakati ya mushi wa Samariya na Galileya. 12Elyo apalamine ku mushi umo, ikumi ilyaba fibashi balolele kuli Yesu. Nomba bali iminine akatalamukila. 13Balemukuta na maka no kubilikisha: “Yesu, Kafundisha wesu, tubeleleniko uluse na utundape!” 14Yesu abaloleshe no kubeba: “kabiyeni kamoneni bashimapepo ba mu Yerusalemu pakuti ba sambilile umubili wenu elo mupole nomba.” Ilyo baleya kuli bashimapepo, balepola. 15Bali isanga bonse ukuti nabapola nomba umo pali bena abwelele kuli Yesu no kula bilikisha ne nsansa noku lalumbanya Lesa paku mundapa. 16Aishile fukama no kwikefya ku makasa yakwa Yesu noku mulanga umukinshi wakwe noku mutotela. Uyu muntu ali mu Samariya tali umu Yuda. 17Yesu alandile kuli balya alinabo: “Lesa aundapa abafibashi ikumi. Elo ninshi aba pabula bambi taba bwelele uku lumbanya Lesa? 18Na pelelwa sana ukuti uyu muntu uutali mu Yuda abe bunke ukwisa totela Lesa.” Takuli umbi uubwelele! 19Yesu amweba: “Ima, kabuye; wapola pantu wa kisumino muli nebo.”
Yesu alesambilisha panshita ilyo ubufumu bwakwa Lesa bukesa
(Mt. 24:23-41)
20Ubushiku bumo aba Faliseyo baipwishe Yesu, nilisa ubufumu bwakwa Lesa bukesa? Yesu abaswike, “takwakabe ikilangililo iki kasonta ukuti ubufumu bwakwa Lesa bukesa. 21Umuntu nangu umo tekuti alande: Mona, bulyapa! Nangu buli kulya; pantu ubufumu bwakwa Lesa buli mukati kenu.” 22Yesu alandile ku abasambi bakwe: “Inshita ikesa iyo mukatemwa ukumbona nebo, umwana wa muntu aka kimfya, nomba filya ta fyakakiti. 23Ba kamyeba muli shilya shinku, abantu bambi namyeba: uyo apo! Nangu ulya apo! Nomba mwi musumina na mwiya muku mufwaya. 24Pantu kimokine kuli bonse balamona utubekobeko ilyo tubutisha umulu kutampilo na kulutwe, mu musango umowine ikyalo kyonse kikambona, nebo ne Umwana wa muntu, ubushiku bwa kubwela kwandi. 25Nomba pantanshi ya filya, kifwile akyule sana no kupingulwa ku bantu bapali kino kyalo. 26Pantanshi ya kwisa kwa lubunsho, ilyo Nowa ali umumi akale, abantu bali ne misango imoine iyo abantu ba kakwata pantanshi yakuti nebo, ne Umwana wa muntu, kabwela. 27Pantanshi ya lubunsho kila muntu aleikala ubwikashi bwakwe ngefyo abeleshe ukulya, ukunwa, nokupwa, mpaka ubushiku ubo Nowa no mukashi wakwe ba kengila mubwato. Apopene, ulubunsho lwaishile nokwibisha bonse aba lesangwa kunse ya bwato. 28Kikaba kwati ni munshita yakwa Loti akale, imilandu yakitike eikakitika kabili ilyo mukubwela kwandi. Bonse mu mushi wa Sodoma baleikala nga filya fine babelesha ukulya no kunwa, ukushita noku shitisha, ukulima no kukula. 29Nomba ubushiku ubo Loti afumine mu mushi wakwe sodoma, Lesa aponeshe mumulu umulilo na mabwe ya leokya no kwipaya bonse. 30Mu musango umowine ubushiku ubo nebo, umwana wa muntu, kabwela, fyonse fika ifya kutenekela noku tulumusha.” 31Bulya bushiku, ulya ukaba pa mutenge wa nganda takekilile mu nganda pakuti apite ikintu nangu kimo; kimokine kuli onse uukaba kumabala ebwela ku nganda. 32Ibukisheni pafya fikile umukashi wakwa Loti. 33Uka fwaya ukupususha ubumi bwakwe aka bulufya, no ukalufya akasanga. 34Nde myeba bulya ubushiku, mu kwisa kwandi, babili aba mulupwa lumo bakalala mubulo pamo, umo akapitwa umo akashala paliyo nkende. 35Nga kuli abanakashi babili abaletwa pamo intanga pa nkende imo umuntu umo akapitwa, nomba umo akashala paliyo nkende. 36Nga kuli abaume babili balebomba mwibala limo pa nkende umowine, umuntu umo akapitwa, nomba umo akashala paliyo nkende. 37Na bali mwipusha Yesu: nikwisa filya fikakitika, we Mfumu? Abasuka: bonse bakeshiba filya uko fikakitikila, kwati ni filya fine bonse beshiba uku sangwa ikitumbi ilyo ba pungwa ba kolongana.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Seba Bible by Beyond Translation is licensed under Creative Commons Attribution-ShareAlike 4.0 License.