Luka 12
12
Yesu akengesha abasambi bakwe no kubakoselesha
(Mt. 10:26-27)
1Pali ilya nshita, abantu bali kolongana amakana ayengi, ikyakuti bala nyatana. Yesu atampile ukulanda na abasambi bakwe: “patanshi ya fyonse kengeleni ku kitutumushi kya ba Faliseyo, abali ba bubimunda. 2Mwiba kwati nibena pantu fyonse ifyo abantu bafisa Lesa aka fisokolola tekuti musunge inkama umuyaya. 3Eikyo fyonse ifyo mukalanda mufimfi baka fyumfwa fyonse apabuta. Fyonse ifyo mulanda mufyumba fyenu fikomfwika ku fibumba. 4Nde myeba, mwe banandi: mwilatina abantu bepaya umubili elo panuma ya filya, tekuti bakite ikintu nangu kimo. 5Nomba ni Lesa fye eka eo mulingile ukutina. Takwata fye amaka ya kwipaya abantu, nomba niena wa kwata amaka ya kuposa mumulilo. Ende myeba, Lesa ni ena fye mulingile ukutina! 6Bonse balishiba ukuti mulashitisha utoni utunono tunono tu sano kumpiya shibili. Eikyo Lesa tapali nangu umo uyo pali bena akalaba. 7Nomba kuli mwebo Lesa alishiba no bwingi bwa mishishi ya kumutwe wenu. Eilyo mwiba no mwenso, mwalikindama kukinso kyakwa Lesa ukukila ubwingi bwa toni utunono. 8Nde myeba, umuntu onse ukansumina mukine kuntashi ya bantu, nebo ne Umwana wa muntu ka musumina kuntashi ya ba Malaika bakwa Lesa. 9Nomba ulya ukankana kuntashi ya bantu na nebo nakwe nkamukana kuntashi ya ba Malaika bakwa Lesa. 10Umuntu onse ukalanda amashiwi yabipa pa mwana wa muntu, Lesa aka mwelela; nomba ulya wa salula Mupashi wa mushilo, Lesa taka mwelele. 11Ilyo abantu ba kamikata no kumyebelela mu mayanda ya mapepo nangu kuntashi ya tungulushi. Mwi kasakamana umusango muka soselamo nangu ifyo mulingile ukulanda. 12Pantu, ilyo bakula mipusha mupashi wa mushilo ukamisambilisha munshita ilya ine ifyo mulingile ukulanda.”
Ipinda lyafyakulya fya munkankala
13Mukati kebumba, kwali uwaebele Yesu: “Kafundisha, eba munina wandi angakanyeko ifyuma fya bupyani fyesu ifyo ba tata batushilile pa kufwa.” 14Yesu amwaswike: “We munandi, ni nani wampela amaka ya kupingula, nangu ukwabanya ifyuma kuli webo babili?” 15Kabili abebele bonse: “Kengeleni! Kukilaka kya lunkubwa, pantu ubukindami bwa ubumi bwenu tabukonka ubwingi bwa fyuma fyenu.” 16Yesu alandile ili ilipinda: “Ibala lya mukankala umo lyali twalisha sana. 17Atontokanya muli ena, no kulanda: ninshi nalakita? Shikwete inkende umwakwingisha ubusomboshi bwandi. 18Kukulekelesha alandile: nkatoba amatala yandi no kukula aya kulileko sana, emo nkabika ifintu fyandi fyonse no busomboshi bwandi, 19Nokweba umutima wandi: we mutima wandi naukwata ifintu ifingi ifisungilwe mu myaka iingi; tusha, lya, nwa noku sansamuka. 20Nomba Lesa alandile ati: Uli muntu umuwelewele! Buno bwine ubushiku, umutima obe ulepokololwa, na fyonse ifyo wa pekanya, fikaba fya bantu bambi tafyakabe fyobe! 21Yesu apwilishishe: filya fikaba kuli bonse balya bakindika ifyuma fyabo, nomba ta babomfya ifyuma fyabo muku mubombela Lesa.”
Yesu alekoselesha abasambi bakwe ukusumina muli Lesa pakuti abasunge
(Mt. 6:25-34)
22Yesu alandile kabili ku abasambi bakwe: “Eikyo nde myeba muli kano kashita: mwisakamana pa bumi bwenu pafyo mukalalya, nangu pa mubili wenu ifyo mukalafwala. 23Pantu ubumi bwalikila ifyakulya mulya no mubili ifyakufwala mu fwala. 24Lolekesheni ba mwankole: tababyala noku sombola ta basombola, tabakwata impakwilo nangu ubutala, nomba Lesa ala bapela lyonse ifyakulya. Elo mwebo mwalikwata ubukindami kuli Lesa ukukila ifyoni. 25Nemwe mwila sakamana, pantu tekuti mulundeko inshita kubumi bwenu muku sakamikwa kwenu. 26Ngefyo tekuti ukite ikintu ikinono ngeki, ninshi wingasakamanina kufintu fimbi? 27Sambilileni pa maluba ifyo yamena: taya bomba taya ibilila ifyakufwala fyafiko; nomba nde myeba ati imfumu Solomoni, uwali ne fyuma ifingi sana, ne fyakufwala fyakwe fini tafyali ifisuma ukukila nangu iluba limo pali ayo maluba. 28Apo Lesa asunga bwino amaluba ya mubanga ne fyani fimbi fyabipa, nangu fili palya lelo na fikaposwa mailo mumulilo. Eikyo mukine akamisunga bwino. Muli nekisumino ikinono. 29Mwila tontonkanya lyonse pafyo mukalalya nangu ukunwa. Mwila sakamana pali ifi fintu.” 30Abantu tabaishiba ukuti Lesa alasakamana pali ifi fintu fyonse. Nomba kuli mwebo, Lesa wenu alishi ifyo mukabila. 31Nomba, ifyo mulingile ukukita, ukuikoselesha ku bufumu bwakwa Lesa, kabili akamipela fyonse ifi ifyo mulekabila. 32Muli basambi bandi abanono. Mwiumfwa umwenso, pantu Tata wenu wa kumulu na sansamuka ukumipela ubufumu bwakwe. 33Shitisheni ifyo mukwete elo mupele impiya abapina. Muli uyu musango, mukapelwa ifyuma fya uyu wine musango kumulu. Ifyuma fya uyu musango tafyakakyepe nakalya, pantu ingifi nangu imo tekuti ifibe, nangu utushishi tatwakonaule. 34Pantu ukuli ifyuma fyenu, ekukaba no mutima wenu.
Ababonfi bakwa Yesu balingile ukuba abakengela na bapuililika
(Mt. 24:45-51)
35Beni abafwala, abaipekanya mukubomba na ebeni amalampi yenu ya misanikile. 36Beni kwati bankito balepembela imfumu yabo ibwele kubwinga, pakuti ba iswile ilyo ikafika noku konkonsha noku ipokelela. 37Insansa ku babonfi abo imfumu yabo isanga balelola na baipekanya mukubwela kwakwe! Nde myeba, akafwala insalu shabankito pakuti abombe, akabekalika na akabapela ifyakulya. 38Nangu fye imfumu yafika pakati kabushiku nangu kumpela ya bushiku, ilyo afika asanga abankito balelola na baipekanya mukubwela kwakwe, akaba ne nsansa kuli bena. 39“Nga umwine wa nganda nga aishiba inshita ingifi ili nokwisa iba ifyuma fyakwe, akashala alelola na takaleke ingifi ukwiba mu nganda yakwe. 40Nga kuli mwebo, nemwe, mube lyonse abaipekanya, pantu nebo, Umwana wa muntu, nkesa munshita iyo tamu tontokanishisha!”
Umubonfi umololoke no utaololoka
(Mt. 24:45-51)
41Petelo aipwishe Yesu: “We Mfumu, bushe ulelanda ili ipinda kulifwebo fye nangu na ku bantu bonse?” 42Imfumu yalandile: “Nde landa filya kuli bonse. Beni kwati mubonfi wa kengela no walinga uku teketela uyo imfumu ingalinga ukusala pakuti asunge bwino ababonfi bambi elo no kubapela ifyakulya munshita ilingile.” 43Panuma ya nshita imo, ilyo imfumu ya bwelela kwakwe, nga ya mona ukuti umubonfi wakwe abomba bwino inkito yakwe, nomba imfumu ikaba ne sansa kuli ena. 44Nde myeba mukine, imfumu, ika mupanga intungulushi ya fyuma fyakwe. 45Nomba uyu mubonfi nga mukati kakwe alanda: imfumu yandi yakokola ukubwela, atampa uku pumaula ababonfi abaume na banakashi kilanshita. Elo alepisha inshita iingi mukwangala no kukolwa. 46Elo imfumu yakwe ikabwela ubushiku bumo na muli iyo nshita iyo umubonfi ta kenekelepo. Aka mukanda sana nabo bambi aba tale umfwila. 47Ababonfi aba ishiba ubufwayo bwa mfumu yabo nomba nga taba pekenye nangu ukukita ifyo imfumu yakwe ifyo ilefwaya akapumwa nobukali. 48Nomba umubonfi, ulya utaishiba ifyo mfumu yakwe ilefwaya, na ngapanga ikili kyonse ikyo kilingili ukumupanikilapo akapumwa apanono. Kuli bonse abo ba puminwe sana, abengi bakabalomba; na kuli ulya apelwe bukasunga bukulu, ba kamulomba ifingi sana.
Imbila yakwa Yesu ikaleta akapatulula pa bantu
(Mt. 10:34-36)
49Yesu akonkobeshe, ningisa bika umulilo pa kyalo. Na nde tontokanya ukuti nautampa akale ukwaka! 50Nomba pantanshi yakuti filya fikafike, ndi lubatisho lwa bukyushi na ndi uwafulungana mpaka filya fikapwe. 51Mulatontonkanya ati nalisa mukuleta ikibote pa kyalo? Mukine awe! Nde mishibisha ukuti nalisa mukuleta akapatulula pa abantu. 52Ukutampa lelo, nga kuli basano abantu mulupwa lumo, bakapatukana abene na bene, batatu bakapusana na babili na babili bakapusana na batatu, pali nebo. 53Ekweba ati, abantu ba mulupwa bakapatukana, bawishi na bana baume na bana baume bakapusana na bawishi, bangina bakapusana no mwana mwakanashi no mwana mwanakashi akapusana na bangina, bangina fyala na banafyala na banafyala bakapusana na banginafyala.
Yesu aebele abantu baipekanye pali filya fili nokufika
(Mt. 16:2-3)
54Kabili Yesu alanda kwibumba: “Ilyo mwamona ikumbi lya futika ku, kabanga mulalanda ukuti: infula ileloka, na filya fila kitika. 55Nga mwamona ukupupa kwa mwela kukapinda mulalanda ati: kwalaba ikibe nombaline. 56Bubimunda! Muleshiba ifi moneka ikyalo no umulu. Ninshi tamwishibila umulolele ifintu filekitika nombaline?”
Umfwaneni no mulwani obe
(Mt. 5:25-26)
57“Na ninshi tamu lengulula mwebene ifya lungama? 58Kanshi ilyo muleya no mulwani wenu kuli kapingula wa milandu umfwana nakwe, lulya muli mushila pakuti mupwishanye itanshi ya kufika kuli ba kapingula, pakuti kapingula ekutwala ku bashilika ba bupingushi na ulya eka kubika mukifungo. 59Ndekweba, ukalipila fyonse ifilingile pantanshi ya kufuma mukifungo.”
Valið núna:
Luka 12: KDG
Áherslumerki
Deildu
Afrita
Want to have your highlights saved across all your devices? Sign up or sign in
Seba Bible by Beyond Translation is licensed under Creative Commons Attribution-ShareAlike 4.0 License.
Luka 12
12
Yesu akengesha abasambi bakwe no kubakoselesha
(Mt. 10:26-27)
1Pali ilya nshita, abantu bali kolongana amakana ayengi, ikyakuti bala nyatana. Yesu atampile ukulanda na abasambi bakwe: “patanshi ya fyonse kengeleni ku kitutumushi kya ba Faliseyo, abali ba bubimunda. 2Mwiba kwati nibena pantu fyonse ifyo abantu bafisa Lesa aka fisokolola tekuti musunge inkama umuyaya. 3Eikyo fyonse ifyo mukalanda mufimfi baka fyumfwa fyonse apabuta. Fyonse ifyo mulanda mufyumba fyenu fikomfwika ku fibumba. 4Nde myeba, mwe banandi: mwilatina abantu bepaya umubili elo panuma ya filya, tekuti bakite ikintu nangu kimo. 5Nomba ni Lesa fye eka eo mulingile ukutina. Takwata fye amaka ya kwipaya abantu, nomba niena wa kwata amaka ya kuposa mumulilo. Ende myeba, Lesa ni ena fye mulingile ukutina! 6Bonse balishiba ukuti mulashitisha utoni utunono tunono tu sano kumpiya shibili. Eikyo Lesa tapali nangu umo uyo pali bena akalaba. 7Nomba kuli mwebo Lesa alishiba no bwingi bwa mishishi ya kumutwe wenu. Eilyo mwiba no mwenso, mwalikindama kukinso kyakwa Lesa ukukila ubwingi bwa toni utunono. 8Nde myeba, umuntu onse ukansumina mukine kuntashi ya bantu, nebo ne Umwana wa muntu ka musumina kuntashi ya ba Malaika bakwa Lesa. 9Nomba ulya ukankana kuntashi ya bantu na nebo nakwe nkamukana kuntashi ya ba Malaika bakwa Lesa. 10Umuntu onse ukalanda amashiwi yabipa pa mwana wa muntu, Lesa aka mwelela; nomba ulya wa salula Mupashi wa mushilo, Lesa taka mwelele. 11Ilyo abantu ba kamikata no kumyebelela mu mayanda ya mapepo nangu kuntashi ya tungulushi. Mwi kasakamana umusango muka soselamo nangu ifyo mulingile ukulanda. 12Pantu, ilyo bakula mipusha mupashi wa mushilo ukamisambilisha munshita ilya ine ifyo mulingile ukulanda.”
Ipinda lyafyakulya fya munkankala
13Mukati kebumba, kwali uwaebele Yesu: “Kafundisha, eba munina wandi angakanyeko ifyuma fya bupyani fyesu ifyo ba tata batushilile pa kufwa.” 14Yesu amwaswike: “We munandi, ni nani wampela amaka ya kupingula, nangu ukwabanya ifyuma kuli webo babili?” 15Kabili abebele bonse: “Kengeleni! Kukilaka kya lunkubwa, pantu ubukindami bwa ubumi bwenu tabukonka ubwingi bwa fyuma fyenu.” 16Yesu alandile ili ilipinda: “Ibala lya mukankala umo lyali twalisha sana. 17Atontokanya muli ena, no kulanda: ninshi nalakita? Shikwete inkende umwakwingisha ubusomboshi bwandi. 18Kukulekelesha alandile: nkatoba amatala yandi no kukula aya kulileko sana, emo nkabika ifintu fyandi fyonse no busomboshi bwandi, 19Nokweba umutima wandi: we mutima wandi naukwata ifintu ifingi ifisungilwe mu myaka iingi; tusha, lya, nwa noku sansamuka. 20Nomba Lesa alandile ati: Uli muntu umuwelewele! Buno bwine ubushiku, umutima obe ulepokololwa, na fyonse ifyo wa pekanya, fikaba fya bantu bambi tafyakabe fyobe! 21Yesu apwilishishe: filya fikaba kuli bonse balya bakindika ifyuma fyabo, nomba ta babomfya ifyuma fyabo muku mubombela Lesa.”
Yesu alekoselesha abasambi bakwe ukusumina muli Lesa pakuti abasunge
(Mt. 6:25-34)
22Yesu alandile kabili ku abasambi bakwe: “Eikyo nde myeba muli kano kashita: mwisakamana pa bumi bwenu pafyo mukalalya, nangu pa mubili wenu ifyo mukalafwala. 23Pantu ubumi bwalikila ifyakulya mulya no mubili ifyakufwala mu fwala. 24Lolekesheni ba mwankole: tababyala noku sombola ta basombola, tabakwata impakwilo nangu ubutala, nomba Lesa ala bapela lyonse ifyakulya. Elo mwebo mwalikwata ubukindami kuli Lesa ukukila ifyoni. 25Nemwe mwila sakamana, pantu tekuti mulundeko inshita kubumi bwenu muku sakamikwa kwenu. 26Ngefyo tekuti ukite ikintu ikinono ngeki, ninshi wingasakamanina kufintu fimbi? 27Sambilileni pa maluba ifyo yamena: taya bomba taya ibilila ifyakufwala fyafiko; nomba nde myeba ati imfumu Solomoni, uwali ne fyuma ifingi sana, ne fyakufwala fyakwe fini tafyali ifisuma ukukila nangu iluba limo pali ayo maluba. 28Apo Lesa asunga bwino amaluba ya mubanga ne fyani fimbi fyabipa, nangu fili palya lelo na fikaposwa mailo mumulilo. Eikyo mukine akamisunga bwino. Muli nekisumino ikinono. 29Mwila tontonkanya lyonse pafyo mukalalya nangu ukunwa. Mwila sakamana pali ifi fintu.” 30Abantu tabaishiba ukuti Lesa alasakamana pali ifi fintu fyonse. Nomba kuli mwebo, Lesa wenu alishi ifyo mukabila. 31Nomba, ifyo mulingile ukukita, ukuikoselesha ku bufumu bwakwa Lesa, kabili akamipela fyonse ifi ifyo mulekabila. 32Muli basambi bandi abanono. Mwiumfwa umwenso, pantu Tata wenu wa kumulu na sansamuka ukumipela ubufumu bwakwe. 33Shitisheni ifyo mukwete elo mupele impiya abapina. Muli uyu musango, mukapelwa ifyuma fya uyu wine musango kumulu. Ifyuma fya uyu musango tafyakakyepe nakalya, pantu ingifi nangu imo tekuti ifibe, nangu utushishi tatwakonaule. 34Pantu ukuli ifyuma fyenu, ekukaba no mutima wenu.
Ababonfi bakwa Yesu balingile ukuba abakengela na bapuililika
(Mt. 24:45-51)
35Beni abafwala, abaipekanya mukubomba na ebeni amalampi yenu ya misanikile. 36Beni kwati bankito balepembela imfumu yabo ibwele kubwinga, pakuti ba iswile ilyo ikafika noku konkonsha noku ipokelela. 37Insansa ku babonfi abo imfumu yabo isanga balelola na baipekanya mukubwela kwakwe! Nde myeba, akafwala insalu shabankito pakuti abombe, akabekalika na akabapela ifyakulya. 38Nangu fye imfumu yafika pakati kabushiku nangu kumpela ya bushiku, ilyo afika asanga abankito balelola na baipekanya mukubwela kwakwe, akaba ne nsansa kuli bena. 39“Nga umwine wa nganda nga aishiba inshita ingifi ili nokwisa iba ifyuma fyakwe, akashala alelola na takaleke ingifi ukwiba mu nganda yakwe. 40Nga kuli mwebo, nemwe, mube lyonse abaipekanya, pantu nebo, Umwana wa muntu, nkesa munshita iyo tamu tontokanishisha!”
Umubonfi umololoke no utaololoka
(Mt. 24:45-51)
41Petelo aipwishe Yesu: “We Mfumu, bushe ulelanda ili ipinda kulifwebo fye nangu na ku bantu bonse?” 42Imfumu yalandile: “Nde landa filya kuli bonse. Beni kwati mubonfi wa kengela no walinga uku teketela uyo imfumu ingalinga ukusala pakuti asunge bwino ababonfi bambi elo no kubapela ifyakulya munshita ilingile.” 43Panuma ya nshita imo, ilyo imfumu ya bwelela kwakwe, nga ya mona ukuti umubonfi wakwe abomba bwino inkito yakwe, nomba imfumu ikaba ne sansa kuli ena. 44Nde myeba mukine, imfumu, ika mupanga intungulushi ya fyuma fyakwe. 45Nomba uyu mubonfi nga mukati kakwe alanda: imfumu yandi yakokola ukubwela, atampa uku pumaula ababonfi abaume na banakashi kilanshita. Elo alepisha inshita iingi mukwangala no kukolwa. 46Elo imfumu yakwe ikabwela ubushiku bumo na muli iyo nshita iyo umubonfi ta kenekelepo. Aka mukanda sana nabo bambi aba tale umfwila. 47Ababonfi aba ishiba ubufwayo bwa mfumu yabo nomba nga taba pekenye nangu ukukita ifyo imfumu yakwe ifyo ilefwaya akapumwa nobukali. 48Nomba umubonfi, ulya utaishiba ifyo mfumu yakwe ilefwaya, na ngapanga ikili kyonse ikyo kilingili ukumupanikilapo akapumwa apanono. Kuli bonse abo ba puminwe sana, abengi bakabalomba; na kuli ulya apelwe bukasunga bukulu, ba kamulomba ifingi sana.
Imbila yakwa Yesu ikaleta akapatulula pa bantu
(Mt. 10:34-36)
49Yesu akonkobeshe, ningisa bika umulilo pa kyalo. Na nde tontokanya ukuti nautampa akale ukwaka! 50Nomba pantanshi yakuti filya fikafike, ndi lubatisho lwa bukyushi na ndi uwafulungana mpaka filya fikapwe. 51Mulatontonkanya ati nalisa mukuleta ikibote pa kyalo? Mukine awe! Nde mishibisha ukuti nalisa mukuleta akapatulula pa abantu. 52Ukutampa lelo, nga kuli basano abantu mulupwa lumo, bakapatukana abene na bene, batatu bakapusana na babili na babili bakapusana na batatu, pali nebo. 53Ekweba ati, abantu ba mulupwa bakapatukana, bawishi na bana baume na bana baume bakapusana na bawishi, bangina bakapusana no mwana mwakanashi no mwana mwanakashi akapusana na bangina, bangina fyala na banafyala na banafyala bakapusana na banginafyala.
Yesu aebele abantu baipekanye pali filya fili nokufika
(Mt. 16:2-3)
54Kabili Yesu alanda kwibumba: “Ilyo mwamona ikumbi lya futika ku, kabanga mulalanda ukuti: infula ileloka, na filya fila kitika. 55Nga mwamona ukupupa kwa mwela kukapinda mulalanda ati: kwalaba ikibe nombaline. 56Bubimunda! Muleshiba ifi moneka ikyalo no umulu. Ninshi tamwishibila umulolele ifintu filekitika nombaline?”
Umfwaneni no mulwani obe
(Mt. 5:25-26)
57“Na ninshi tamu lengulula mwebene ifya lungama? 58Kanshi ilyo muleya no mulwani wenu kuli kapingula wa milandu umfwana nakwe, lulya muli mushila pakuti mupwishanye itanshi ya kufika kuli ba kapingula, pakuti kapingula ekutwala ku bashilika ba bupingushi na ulya eka kubika mukifungo. 59Ndekweba, ukalipila fyonse ifilingile pantanshi ya kufuma mukifungo.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Seba Bible by Beyond Translation is licensed under Creative Commons Attribution-ShareAlike 4.0 License.