انجیلِ لوقا 22
22
خیانت یهودا
1وِ امّا عیدِ فطیر که نونِ بی‌خمیرمایَه یَه که وَ پِسَح معروفِه نِزِنگ ایابی. 2وِ کاهنلِ گپو وِ معلملِ تورات وَ دین رَیی بییِن که چطو عیسی نَه بِکِشِن، سی‌یِکِه وَ مردم زَلَشون ایرَت. 3اوسِه اِبلیس رَت مِنِه جلدِ یهودایِ معروف وَ اَسخَریوطی که یکی وَ دُوازَه شاگرد بی. 4یَهودا رَت طِی کاهنلِ گپو وِ فَرمُندِه‌یَلِ ناتورَلِ معبد وِ باشون گَپ زَه که چطو عیسی نَه وَشون تسلیم کِنِه. 5اونگَل شای وابی‌یِن وِ قرارِشون بِی یَهودا یِه وابی که پیلَش بییِن. 6یهودا هم قبول کِه وُ وَ دینِ مِجالی بی تا دیرَ تییِی مردم، عیسی نَه وَشون تسلیم کِنِه.
شومِ آخِر
7پَ روز عیدِ فطیر رَسی، که ایبایِس بَرِۀ پِسَح قربونی وابو. 8عیسی، پطرس وِ یوحنا نَه بِسی کِه وُ وَشون گُت: «بِرِیت وِ شومِ پِسَحَه سیمون آمایَه کِنیت تا بِخَریم.» 9اونگَل وَ عیسی پُرسییِن: «کوچه ایخِی آمایَش کِنیم؟» 10عیسی وَشون گُت: «هَمیِکِه پاتونَه نِهِیت مِنِه شهر، مردی نَه ایبینیت بِی کوزه‌ای اُو. وَ دینِش بِرِیت مِنِه او حونه‌ای که ایرَه 11وُ وَ صابحونَه بِگِیت: "استاد ایگُ: "مِمونحونَه، کوچِنِه تا شومِ پِسحَه بِی شاگردَلُم بِخَرُم؟" 12وِّ بالاحونۀ گَپو وِ فرش وابی‌یَه‌ای وَتون نِشون اییِه. وُچِه آمایَه کِنیت.» 13اونگَل رَتِن وِ هَمَه چی نَه هَموطو جُسِن که عیسی وَشون گُتَه بی، وِ پِسَحَه آمایَه کِردِن.
14وَختی که ساعت قرار وابی‌یَه رَسی، عیسی بِی رَسولَلِش نِشَس سَرِ سفرَه. 15اوسِه عیسی وَشون گُت: «مَهلی دِلِم ایخواس نِهِی عذاب کَشییَنُم، ای پِسَحَه باتون بِخَرُم. 16سی‌یِکِه وَ ایشا ایگُم که دَ وَش نیخَرُم تا اوسِه که مِنِه پادشاییِ خدا وَ انجومِ خُوش بِرَسِه.» 17پَ پیاله‌ای وَگِرُت وِ شکر کِه وِ گُت: «یِنَه بِگِریت وِ مابینِ خِتون بَهر کِنیت. 18سی‌یِکِه وَ ایشا ایگُم دَ وَ مَصولِ رَز نیخَرُم تا پادشاییِ خدا بیا.» 19هَمیطو نونَه وَگِرُت، شکر کِه وِ تِکَه تِکَه کِه وَشون دا وِ گُت: «یِه بَیَنِ مِنِه که سی ایشا دایَه ایابو؛ یِنَه وَ یای مِ وَجا بیاریت.» 20هَمیطو، بعدَ شوم پیالَه نَه وَگِرُت وِ گُت: «ای پیالَه، نشونۀ عهدِ جدیدِه مِنِه خینِ مو، که وَ خاطرِ ایشا رِتَه ایابو. 21امّا بِیونیت دَسِ او کَسی که وَ مِ خیانت ایکِنِه، بِی دَسُم مِنِه هَمی سُفرَیَه. 22اَلبَت، کِرِ انسان هَموطو که قرار وابی‌یِه، ایرَه، امّا وای وَ حالِ او کسی که وِّ نَه تسلیمِ دشمن ایکِنِه.» 23اوسِه شاگِردَل شروع کِردِن وَ پُرسییَن وَ یَک، که کویَکیشون ای کارَ ایکِنِه.
کی وَ هَمَه گَوتَرِه
24هَمیطو مابِینِ شاگِردَل بحث وابی که، کُویکیشون وَ هَمَه گَوتَرِه. 25عیسی وَشون گُت: «پادشایَلِ قومَلِ دَ وَشون اربابی ایکِنِن؛ وِ حاکِمَلِشون "ولی‌نعمت" خُوندَه ایابون. 26امّا ایشا ایطو نبِیت. بلکم گَپوترین مابینِ ایشا باید مِی کِچِلوتَرین بو وِ رهبر باید مِی خِذمتکار بو. 27سی‌یِکِه کویَکی گَوتَرِه، وِه که سَرِ سفره ایشینِه یا وِه که خذمت ایکِنِه؟ مَه نَه وِه که سَرِ سفرَه ایشینِه؟ امّا مِ مابینِ ایشا مِی خِذمَتکارُم.
28«امّا ایشا کَسَلی یِیت که مِنِه سختی‌یَلُم وِیسِیت طِیم. 29پَ هَموطو که بُوم پادشایی وَ مِ عطا کِه، مِ هَم وَ ایشا عطا ایکِنُم، 30تا سَرِ سُفرَم مِنِه پادشایی مِ بِخَریت وِ بنوشیت وِ بِشینیت سَرِ تَختَل وُ وَ دُوازَه طِیفِی اسرائیل داوَری کِنیت.»
31«ای شمعون، ای شمعون، بِیون که شِیطون اجازَه خواس ایشا نَه مِی گندم اَلَک کِنِه. 32امّا مِ سی تِ دعا کِردُم تا ایمونِت وَ بین نَرَه. پَ وختی اُمبِلا وَرگشتی ایمونِ کَکایلِتَه قُویَت بییِه.» 33اوسه شمعون جواب دا: «ای خداوند، مِ حاضِرُم بِی تِ بییُفتُم وَ زندان وِ بات بِمیرُم.» 34عیسی جواب دا: «ای پطرس، وَراسی وَ تِ ایگُم، اُمرو نِهِی بُنگِ قِروس، سه دَفَه حاشا ایکِنی که مِنَه ایشناسی.»
35اوسِه عیسی وَشون پُرسی: «مَه زمونی که ایشا نَه بی کیسۀ پیل وِ توربَه وِ اُرسی بِسی کِردُم، وَ چیئی مُتاج وابیئیت؟» جواب دان: «نه، وَ هیچ چی.» 36عیسی وَشون گُت: «امّا ایسِه هرکِه کیسۀ پیل یا تُربَه دارِه، وِه نَه وَگِرِه وِ اَر شُمشیر نیارِه، جومَشَه بِفروشِه، شُمشیری بِسونه. 37وَ تِ ایگُم ای نوشتۀ مِنِه کتابَلِ مقدس باید در مورد مِ وَ اَنجوم بِرَسِه که: "وِّ وَ خطاکارَل وَ حساب اومَه." وَ دِرِسی، اوچیئی که در مورد مِ نوشتَه وابی‌یِه، دارِه اَنجوم ایابو.» 38شاگردل گُتن:«ای آقا، سِی کُ، دِتا شُمشیر داریم.» عیسی وَشون گُت: «بَسِه!»
دعا مِنِه کُو زیتون
39اوسِه عیسی زَه وَدَر وِ طبق عادت، رایی کُو زیتون وابی وِ شاگردلِش هَم وَ دینِش رَتِن. 40وختی رَسییِن وَ او محل، وَشون گُت: «دعا کنیت تا نَیُفتیت مِنِه امتحان.» 41اوسِه عیسی وَ قَدِ جُمنایَنِ بَردی، وَشون دیر وابی وِ زونی زَه، ایطو دعا کِه: 42«ای بُو، اَر ارادۀ تِنِه، ای پیالَه نَه وَ مِ دیر کُ؛ وا ای حال نَه خواسِ مو، بلکَم ارادۀ تِ اَنجوم وابو.» 43اوسِه فرشته‌ای وَ آسمون وَش ظاهر وابی وُ وِّ نَه قُویَت دا. 44پَ وختی مِنِه زجر وُ عذاب بی، سخت‌تَر دعا کِه، وِ عرقش مِی قطره‌یَل خین تِپ ایکِه وَ زمین. 45وختی وَ دعا وَریسا وِ وَرگَشت طِی شاگردَل، دی وَ زورِ غم و غصَه خوسییِنِه. 46وَشون گُت: «سیچه وَ خویِیت؟ وَریسیت وِ دعا کِنیت تا نَیُفتیت مِنِه امتحان.»
عیسی نَه ایگِرِن
47عیسی هَنی گَپ ایزَه که عِدِه‌ای وَ رَه رَسییِن. او مِردَکو، یهودا، یکی وَ او دُوازَه شاگرد، رَه نَه وَشون نِشون ایدا. وِّ نِزِنگ وابی وَ عیسی تا بوسِش کِنِه، 48امّا عیسی وَش گُت: «ای یهودا، مَه کِرِ انسانَه بِی بوسه تسلیم ایکِنی؟» 49وختی اونگَلی که دورِعیسی بییِن فَمِسِن دارِه چه اتّفاقی اییُفتِه، گُتِن: «ای آقا، شُمشیرَلِمونَه بِکَشیم؟» 50اوسِه یِکی شون غلام کاهن اعظمَه بِی شُمشیر زَه وِ گوشِ راسِشَه بِری. 51امّا عیسی گُت: «ای کارَ نَکِنیت!» وِ دَس نَها وَ گوشِ او مِرد وِ شفاش دا. 52اوسِه عیسی ری کِه وَ کاهنلِ گپو وِ فَرمُندِه‌یَلِ ناتورَلِ معبد وِ شیخَلی که سی گرفتار کِردنِش اومَیَه بییِن وِ گُت: «مَه مِ رازَنُم که بِی چماق وُ شُمشیر اومِیتِه سِراغِم؟ 53هر رو مِنِه معبد باتون بییُم، وِ دَس وَ مِ دراز نَکِردیت. امّا ایسو وَخت، وَختِ ایشانِه وِ وَختِ قدرتِ تاریکی یَه.»
54اوسِه وِّ نَه گِرُتِن وِ بُردِن وَ حونۀ کاهن اعظم. پطرس دیرادیر وَ دینِشون ایرَت. 55مِنِه دلِ سِرا، تَشی بُر بی وِ عِدِه‌ای نشَسه بییِن دورِش. پطرس هَم نِشَس مابِینِشون. 56مِنِه ای موقع، کنیزی وِّ نَه مِنِه روشَنیِ تَش دی وِ وَش زُل زَه وِ گُت: «ای مِرد هَم بِی عیسی بی.» 57امّا پطرس حاشا کِه وِ گُت: «ای زن، مِ وِّ نَه نیشناسُم.» 58بعدَ یِچِی، یکی دَ وِّ نَه دی وِ گُت: «تِ هم یکی وَ اونگَلی.» امّا پطرس مِنِه جواب گُت: «ای مِرد، مِ نَه وَ اونگَلُم.» 59تقریباً بعدَ یِه ساعت، یکی دَ بِی اِطمینون گُت: «بی‌گَمون ای مِرد هم باش بی، سی‌یِکِه وِّ هَم جلیلی یَه.» 60امّا پطرس مِنِه جواب گُت: «ای مِرد، مِ نُونُم چه ایگی.» هَمیِکِه یِنَه گُت قِروس بُنگ دا. 61اوسِه عیسِی خداوند ریشَه وَرگَردنا وِ سِیلی وَ پطرس کِه، وِ پطرس گَپِشَه وَ یای آوُرد که گُتَه بی: «اُمرو نِهِی بُنگِ قِروس، سه دَفَه مِنَه حاشا ایکِنی.» 62پَ پطرس زَه وَدَر وِ زار زار گِریوِس.
مَخسَرَه کِردَنِ عیسی
63اونگَلی که عیسی نَه گرفتار کِردَه بییِن وِ زِرِ نظر داشتِنِش، مَخسَرَش ایکِردِن وِ ایزَنِش. 64تییَلِشَه بَسَه بییِن وِ ایگُتِن: «ایسِه نبوت کُ وِ بِگُ کی تِنَه ایزَنِه؟» 65وِ بِی مَهلی دِشمونَلِ دَ وَش کُفر ایگُتِن.
عیسی مِنِه حضور شورِی یهود
66وختی صُب وابی، شورِیِ شیخَلِ قوم، یعنی کاهنلِ گپو وِ معلملِ تورات، جلسَه نَهان وِ عیسی نَه خواسِن وَ حضورِ شورا. 67وِ گُتن: «اَر تِ مسیحِ موعودی، وَ ایما بِگُ.» عیسی جواب دا: «اَر بِگُم، گَپِمَه باوَر نیکِنیت، 68وِ اَر وَتون بِپُرسُم، جوابِمَه نیئیت. 69امّا وَ یِه واپَس، کِرِ انسان ایشینِه وَ دَسِ راسِ قدرت خدا.» 70هَمَشون بِی یَک گُتِن: «پَ مَه تِ کِرِ خدایِی؟» عیسی مِنِه جواب گُت: «ایشا ایگیت که هِسُم.» 71پَ گُتن: «دَ چه اِتیاجی وَ شاهِدِه؟ خِمون وَ زُوونِش اِشنُفتیم.»
Valið núna:
انجیلِ لوقا 22: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company
انجیلِ لوقا 22
22
خیانت یهودا
1وِ امّا عیدِ فطیر که نونِ بی‌خمیرمایَه یَه که وَ پِسَح معروفِه نِزِنگ ایابی. 2وِ کاهنلِ گپو وِ معلملِ تورات وَ دین رَیی بییِن که چطو عیسی نَه بِکِشِن، سی‌یِکِه وَ مردم زَلَشون ایرَت. 3اوسِه اِبلیس رَت مِنِه جلدِ یهودایِ معروف وَ اَسخَریوطی که یکی وَ دُوازَه شاگرد بی. 4یَهودا رَت طِی کاهنلِ گپو وِ فَرمُندِه‌یَلِ ناتورَلِ معبد وِ باشون گَپ زَه که چطو عیسی نَه وَشون تسلیم کِنِه. 5اونگَل شای وابی‌یِن وِ قرارِشون بِی یَهودا یِه وابی که پیلَش بییِن. 6یهودا هم قبول کِه وُ وَ دینِ مِجالی بی تا دیرَ تییِی مردم، عیسی نَه وَشون تسلیم کِنِه.
شومِ آخِر
7پَ روز عیدِ فطیر رَسی، که ایبایِس بَرِۀ پِسَح قربونی وابو. 8عیسی، پطرس وِ یوحنا نَه بِسی کِه وُ وَشون گُت: «بِرِیت وِ شومِ پِسَحَه سیمون آمایَه کِنیت تا بِخَریم.» 9اونگَل وَ عیسی پُرسییِن: «کوچه ایخِی آمایَش کِنیم؟» 10عیسی وَشون گُت: «هَمیِکِه پاتونَه نِهِیت مِنِه شهر، مردی نَه ایبینیت بِی کوزه‌ای اُو. وَ دینِش بِرِیت مِنِه او حونه‌ای که ایرَه 11وُ وَ صابحونَه بِگِیت: "استاد ایگُ: "مِمونحونَه، کوچِنِه تا شومِ پِسحَه بِی شاگردَلُم بِخَرُم؟" 12وِّ بالاحونۀ گَپو وِ فرش وابی‌یَه‌ای وَتون نِشون اییِه. وُچِه آمایَه کِنیت.» 13اونگَل رَتِن وِ هَمَه چی نَه هَموطو جُسِن که عیسی وَشون گُتَه بی، وِ پِسَحَه آمایَه کِردِن.
14وَختی که ساعت قرار وابی‌یَه رَسی، عیسی بِی رَسولَلِش نِشَس سَرِ سفرَه. 15اوسِه عیسی وَشون گُت: «مَهلی دِلِم ایخواس نِهِی عذاب کَشییَنُم، ای پِسَحَه باتون بِخَرُم. 16سی‌یِکِه وَ ایشا ایگُم که دَ وَش نیخَرُم تا اوسِه که مِنِه پادشاییِ خدا وَ انجومِ خُوش بِرَسِه.» 17پَ پیاله‌ای وَگِرُت وِ شکر کِه وِ گُت: «یِنَه بِگِریت وِ مابینِ خِتون بَهر کِنیت. 18سی‌یِکِه وَ ایشا ایگُم دَ وَ مَصولِ رَز نیخَرُم تا پادشاییِ خدا بیا.» 19هَمیطو نونَه وَگِرُت، شکر کِه وِ تِکَه تِکَه کِه وَشون دا وِ گُت: «یِه بَیَنِ مِنِه که سی ایشا دایَه ایابو؛ یِنَه وَ یای مِ وَجا بیاریت.» 20هَمیطو، بعدَ شوم پیالَه نَه وَگِرُت وِ گُت: «ای پیالَه، نشونۀ عهدِ جدیدِه مِنِه خینِ مو، که وَ خاطرِ ایشا رِتَه ایابو. 21امّا بِیونیت دَسِ او کَسی که وَ مِ خیانت ایکِنِه، بِی دَسُم مِنِه هَمی سُفرَیَه. 22اَلبَت، کِرِ انسان هَموطو که قرار وابی‌یِه، ایرَه، امّا وای وَ حالِ او کسی که وِّ نَه تسلیمِ دشمن ایکِنِه.» 23اوسِه شاگِردَل شروع کِردِن وَ پُرسییَن وَ یَک، که کویَکیشون ای کارَ ایکِنِه.
کی وَ هَمَه گَوتَرِه
24هَمیطو مابِینِ شاگِردَل بحث وابی که، کُویکیشون وَ هَمَه گَوتَرِه. 25عیسی وَشون گُت: «پادشایَلِ قومَلِ دَ وَشون اربابی ایکِنِن؛ وِ حاکِمَلِشون "ولی‌نعمت" خُوندَه ایابون. 26امّا ایشا ایطو نبِیت. بلکم گَپوترین مابینِ ایشا باید مِی کِچِلوتَرین بو وِ رهبر باید مِی خِذمتکار بو. 27سی‌یِکِه کویَکی گَوتَرِه، وِه که سَرِ سفره ایشینِه یا وِه که خذمت ایکِنِه؟ مَه نَه وِه که سَرِ سفرَه ایشینِه؟ امّا مِ مابینِ ایشا مِی خِذمَتکارُم.
28«امّا ایشا کَسَلی یِیت که مِنِه سختی‌یَلُم وِیسِیت طِیم. 29پَ هَموطو که بُوم پادشایی وَ مِ عطا کِه، مِ هَم وَ ایشا عطا ایکِنُم، 30تا سَرِ سُفرَم مِنِه پادشایی مِ بِخَریت وِ بنوشیت وِ بِشینیت سَرِ تَختَل وُ وَ دُوازَه طِیفِی اسرائیل داوَری کِنیت.»
31«ای شمعون، ای شمعون، بِیون که شِیطون اجازَه خواس ایشا نَه مِی گندم اَلَک کِنِه. 32امّا مِ سی تِ دعا کِردُم تا ایمونِت وَ بین نَرَه. پَ وختی اُمبِلا وَرگشتی ایمونِ کَکایلِتَه قُویَت بییِه.» 33اوسه شمعون جواب دا: «ای خداوند، مِ حاضِرُم بِی تِ بییُفتُم وَ زندان وِ بات بِمیرُم.» 34عیسی جواب دا: «ای پطرس، وَراسی وَ تِ ایگُم، اُمرو نِهِی بُنگِ قِروس، سه دَفَه حاشا ایکِنی که مِنَه ایشناسی.»
35اوسِه عیسی وَشون پُرسی: «مَه زمونی که ایشا نَه بی کیسۀ پیل وِ توربَه وِ اُرسی بِسی کِردُم، وَ چیئی مُتاج وابیئیت؟» جواب دان: «نه، وَ هیچ چی.» 36عیسی وَشون گُت: «امّا ایسِه هرکِه کیسۀ پیل یا تُربَه دارِه، وِه نَه وَگِرِه وِ اَر شُمشیر نیارِه، جومَشَه بِفروشِه، شُمشیری بِسونه. 37وَ تِ ایگُم ای نوشتۀ مِنِه کتابَلِ مقدس باید در مورد مِ وَ اَنجوم بِرَسِه که: "وِّ وَ خطاکارَل وَ حساب اومَه." وَ دِرِسی، اوچیئی که در مورد مِ نوشتَه وابی‌یِه، دارِه اَنجوم ایابو.» 38شاگردل گُتن:«ای آقا، سِی کُ، دِتا شُمشیر داریم.» عیسی وَشون گُت: «بَسِه!»
دعا مِنِه کُو زیتون
39اوسِه عیسی زَه وَدَر وِ طبق عادت، رایی کُو زیتون وابی وِ شاگردلِش هَم وَ دینِش رَتِن. 40وختی رَسییِن وَ او محل، وَشون گُت: «دعا کنیت تا نَیُفتیت مِنِه امتحان.» 41اوسِه عیسی وَ قَدِ جُمنایَنِ بَردی، وَشون دیر وابی وِ زونی زَه، ایطو دعا کِه: 42«ای بُو، اَر ارادۀ تِنِه، ای پیالَه نَه وَ مِ دیر کُ؛ وا ای حال نَه خواسِ مو، بلکَم ارادۀ تِ اَنجوم وابو.» 43اوسِه فرشته‌ای وَ آسمون وَش ظاهر وابی وُ وِّ نَه قُویَت دا. 44پَ وختی مِنِه زجر وُ عذاب بی، سخت‌تَر دعا کِه، وِ عرقش مِی قطره‌یَل خین تِپ ایکِه وَ زمین. 45وختی وَ دعا وَریسا وِ وَرگَشت طِی شاگردَل، دی وَ زورِ غم و غصَه خوسییِنِه. 46وَشون گُت: «سیچه وَ خویِیت؟ وَریسیت وِ دعا کِنیت تا نَیُفتیت مِنِه امتحان.»
عیسی نَه ایگِرِن
47عیسی هَنی گَپ ایزَه که عِدِه‌ای وَ رَه رَسییِن. او مِردَکو، یهودا، یکی وَ او دُوازَه شاگرد، رَه نَه وَشون نِشون ایدا. وِّ نِزِنگ وابی وَ عیسی تا بوسِش کِنِه، 48امّا عیسی وَش گُت: «ای یهودا، مَه کِرِ انسانَه بِی بوسه تسلیم ایکِنی؟» 49وختی اونگَلی که دورِعیسی بییِن فَمِسِن دارِه چه اتّفاقی اییُفتِه، گُتِن: «ای آقا، شُمشیرَلِمونَه بِکَشیم؟» 50اوسِه یِکی شون غلام کاهن اعظمَه بِی شُمشیر زَه وِ گوشِ راسِشَه بِری. 51امّا عیسی گُت: «ای کارَ نَکِنیت!» وِ دَس نَها وَ گوشِ او مِرد وِ شفاش دا. 52اوسِه عیسی ری کِه وَ کاهنلِ گپو وِ فَرمُندِه‌یَلِ ناتورَلِ معبد وِ شیخَلی که سی گرفتار کِردنِش اومَیَه بییِن وِ گُت: «مَه مِ رازَنُم که بِی چماق وُ شُمشیر اومِیتِه سِراغِم؟ 53هر رو مِنِه معبد باتون بییُم، وِ دَس وَ مِ دراز نَکِردیت. امّا ایسو وَخت، وَختِ ایشانِه وِ وَختِ قدرتِ تاریکی یَه.»
54اوسِه وِّ نَه گِرُتِن وِ بُردِن وَ حونۀ کاهن اعظم. پطرس دیرادیر وَ دینِشون ایرَت. 55مِنِه دلِ سِرا، تَشی بُر بی وِ عِدِه‌ای نشَسه بییِن دورِش. پطرس هَم نِشَس مابِینِشون. 56مِنِه ای موقع، کنیزی وِّ نَه مِنِه روشَنیِ تَش دی وِ وَش زُل زَه وِ گُت: «ای مِرد هَم بِی عیسی بی.» 57امّا پطرس حاشا کِه وِ گُت: «ای زن، مِ وِّ نَه نیشناسُم.» 58بعدَ یِچِی، یکی دَ وِّ نَه دی وِ گُت: «تِ هم یکی وَ اونگَلی.» امّا پطرس مِنِه جواب گُت: «ای مِرد، مِ نَه وَ اونگَلُم.» 59تقریباً بعدَ یِه ساعت، یکی دَ بِی اِطمینون گُت: «بی‌گَمون ای مِرد هم باش بی، سی‌یِکِه وِّ هَم جلیلی یَه.» 60امّا پطرس مِنِه جواب گُت: «ای مِرد، مِ نُونُم چه ایگی.» هَمیِکِه یِنَه گُت قِروس بُنگ دا. 61اوسِه عیسِی خداوند ریشَه وَرگَردنا وِ سِیلی وَ پطرس کِه، وِ پطرس گَپِشَه وَ یای آوُرد که گُتَه بی: «اُمرو نِهِی بُنگِ قِروس، سه دَفَه مِنَه حاشا ایکِنی.» 62پَ پطرس زَه وَدَر وِ زار زار گِریوِس.
مَخسَرَه کِردَنِ عیسی
63اونگَلی که عیسی نَه گرفتار کِردَه بییِن وِ زِرِ نظر داشتِنِش، مَخسَرَش ایکِردِن وِ ایزَنِش. 64تییَلِشَه بَسَه بییِن وِ ایگُتِن: «ایسِه نبوت کُ وِ بِگُ کی تِنَه ایزَنِه؟» 65وِ بِی مَهلی دِشمونَلِ دَ وَش کُفر ایگُتِن.
عیسی مِنِه حضور شورِی یهود
66وختی صُب وابی، شورِیِ شیخَلِ قوم، یعنی کاهنلِ گپو وِ معلملِ تورات، جلسَه نَهان وِ عیسی نَه خواسِن وَ حضورِ شورا. 67وِ گُتن: «اَر تِ مسیحِ موعودی، وَ ایما بِگُ.» عیسی جواب دا: «اَر بِگُم، گَپِمَه باوَر نیکِنیت، 68وِ اَر وَتون بِپُرسُم، جوابِمَه نیئیت. 69امّا وَ یِه واپَس، کِرِ انسان ایشینِه وَ دَسِ راسِ قدرت خدا.» 70هَمَشون بِی یَک گُتِن: «پَ مَه تِ کِرِ خدایِی؟» عیسی مِنِه جواب گُت: «ایشا ایگیت که هِسُم.» 71پَ گُتن: «دَ چه اِتیاجی وَ شاهِدِه؟ خِمون وَ زُوونِش اِشنُفتیم.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company