انجیلِ لوقا 20
20
وَ چه اقتداری ای کارَلَه ایکِنی؟
1یکی وَ او روزَل که عیسی مِنِه معبدِ خداوند مردمَه تعلیم ایدا وِ خَوَرِ خَشِ پادشاییِ خدا نَه موعظَه ایکِه، کاهنلِ گَپو وِ معلملِ تورات بِی شیخَلِ یهود اومَن طِیش 2وِ گُتن: «وَمون بِگُ وَ چه اقتداری ای کارَلَه ایکِنی؟ ای اقتدارَ کی وَ تِ دایِه؟» 3عیسی جواب دا: «مِ هم وَتون سئوالی دارُم؛ وَ مِ بِگِیت، 4غُسلِ تعمید یحیی وَ جانبِ خدا بی یا وَ جانبِ انسان؟» 5اونگَل بِی یَک شُور کِردِن وِ گُتِن: «اَر بِگِیم وَ جانبِ خدا بی، ایگُ: "پَ سیچه وَش ایمون ناوُردیت؟" 6وِ اَر بگیم وَ جانبِ انسان بی، مردم هَمه سنگسارِمون ایکِنِن، سی‌یِکِه اعتقاد دارِن یحیی پیغمبر بی.» 7پَ جواب دان: «نُونیم وَ کوچِنه.» 8عیسی وَشون گُت: «مِ هَم وَ ایشا نیگُم بِی چه اقتداری ای کارَلَه ایکِنُم.»
مَثَل باغبونَلِ شرور
9اوسِه ای مثلَه سی مردم آوُرد: «مِردی تاکستونی دِرُس کِه وُ وِه نَه دا اجارَه وَ چَن باغبون وِ سی مِدَتِ زیادی وَ وِلاتی دَ سفر کِه. 10مِنِه مُوسِمِ چییَنِ مَصول، غلامی نَه بِسی کِه طِی باغبونَل تا بَهرِ خِشَه وَ میوۀ تاکستون بِسونِه. امّا باغبونَل وِّ نَه زَن وِ دَس‌خالی وَرگَردَنان. 11صاحابِ تاکِسون غلامی دَ بِسی کِه، امّا وِّ نَه هَم زَن وِ وَش بی‌حرمتی کِردِن وِ دَس‌خالی رُونَش کِردن. 12پَ سی دَفۀ سِوُم غلامی دَ بِسی کِه، امّا وِّ نَه هم زخمی کِردِن، وِردان وَدَر.
13«پَ صاحابِ تاکِسون گُت: "چه کِنُم؟ کِرِ عزیزِمَه بِسی ایکِنُم؛ شاید وِّ نَه حرمت کِنِن." 14امّا باغبونَل وختی کِرَ دییِن، وَ یَک گُتِن: "یِه وارثِه. بی‌یِیت وِّ نَه بِکِشیم تا میراثِش این خِمون وابو." 15پَ وِّ نَه وَ تاکستون وِردان وَدَر وِ کُشتِن.
«ایسِه وَ گَمون ایشا صاحابِ تاکستون باشون چه ایکِنِه؟ 16وِّ ایایِه وِ باغبونَلَه ایکِشِه، تاکستونَه اییِه وَ دَسِ کَسَلی دَ.» وختی مردم یِنَه اِشنُفتِن، گُتِن: «اَلبَت که نَه!» 17امّا عیسی سِیلَشون کِه وِ گُت: «پَ معنیِ او نِوِشتَه مِنِه زَبورِ داوود چِنِه؟
که ایگُ: "بَردی که معمارَل رَد کِردِن،
بَردِ اصلیِ بنا وابی‌یِه"
18هرکه وَ ری او بَرد بییُفته، خُرد ایابو، وِ اَر او بَرد وَ ری کسی بییُفته، وِّ نَه مِنه یَک خُرد ایکِنِه.»
دایَنِ خراج وَ امپراتور
19معلملِ تورات وِ کاهنلِ گپو وختی فَمِسِن ای مثلَه درمورد اونگَل ایگُ، ایخواسِن هَمو موقَع وِّ نَه دَسگیر کِنِن، امّا وَ مردم زَلَشون ایرَت.
20پَ عیسی نَه زِرِ نظر گِرُتِن وِ جاسوسَلی بِسی کِردِن طِیش که خِشونَه صادق نشون ایدان. اونگَل وَ دینِ یِه بییِن که وَ گَپَلِ عیسی بُونِه‌ای بِجورِن تا وِّ نَه تسلیمِ اقتدار وِ مَحکمۀ فَرمُندار کِنِن. 21پَ جاسوسَل وَ عیسی پُرسییِن: «استاد، دونیم که تِ حقیقتَه ایگی وِ تعلیم ایئی، وُ وَ کسی طَرَفداری نیکِنی، بلکم وَ راسی رَه خدا نَه یای ایئی. 22طبقِ شریعت، دایَنِ خراج وَ امپراتور سی ایما رَوایَه وا نَه؟» 23امّا عیسی حیلۀ اونگَلَه فَمِس وِ گُت: 24«دیناری وَم نِشون بِئیت. نقش وِ نومِ ری سکه این کیَه؟» 25جواب دان: «این امپراتورِه.» عیسی وَشون گُت: «این امپراتورَ وَ امپراتور بِئیت وِ این خدا نَه وَ خدا!» 26وَ ای ترتیب، نَتَرِسِن مِنِه حضور مردم وِّ نَه بِی گَپَلِش بِندازن وَ تَلَه، وُ وَ جوابِش حیرت‌زَیَه وابی‌یِن وِ صیا نَکِردِن.
سؤال درمورد زِندَه وابی‌یَنِ مُردِه‌یَل
27اوسِه چَن نفر وَ فرقۀ صدوقی که وَ زِندَه وابی‌یَنِ مُردِه‌یَل اعتقاد نیارِن اومَن طِی عیسی، 28وِ سئوالی وَش کِردِن، گُتِن: «استاد، موسی سی ایما نِوِشت که اَر کَکِی مِردی بمیره وُ وَ خُوش زنی بی‌اولاد وَجا بِنِه، او مِرد باید وِّ نَه بِسونِه تا نسلی سی کَکاش وَجا بِنِه. 29ایسِه، هَف کَکا بییِن. کَکِی اَوَلی زنی اِسَه وِ بی‌اولاد مُرد. 30اوسِه دِوِمی 31وِ دِنداش سِوِمی وِّ نَه اِسَه، هَمیطو هر هَف کَکا مُردِن، بی‌یِکه وَ خِشون اولادی وَجا بِنِن. 32عاقبت او زن هم مُرد. 33ایسو، مِنِه روزی که مُردِه‌یَل زِندَه ایابون، وِّ زن کویِکی ایابو؟ سی‌یِکِه هر هَف کَکا وِّ نَه اِسَن.»
34عیسی وَشون جواب دا: «مردم ای دنیا زن ایسونِن وِ شی ایکِنِن. 35امّا کَسَلی که لایق بون که بَعدَ مُردَن زِندَه وابون، وَختی بِرَن وَ او دنیا نه زن ایسونِن وِ نه شی ایکِنِن، 36سی‌یِکِه اونگَل دَ نیمیرِن؛ سی‌یِکِه مِی فرشته‌یَل ایابون. اونگَل اولادَلِ خدایَن، سی‌یِکِه اولادَلِ زِندَه وابی‌یَه وَ مُردِه‌یَلِن. 37حقیقت زِندَه وابی‌یَنِ مُردِه‌یَلَه حتی موسی هم مِنِه جَریانِ بِتِۀ تَش گِرُتَه آشکار ایکِنِه، وُچِه که خداوند، خِدِی ابراهیم وِ خِدِی اِسحاق وِ خِدِی یعقوب خوندَه وابی‌یِه. 38خدا نَه خِدِی مُردِه‌یَل، بلکم خِدِی زِندِه‌یَلِه؛ سی‌یِکِه طی خدا همه زِندِه یَن.» 39اوسِه یِه‌پاره‌ای وَ معلملِ تورات مِنِه جواب گُتِن: «استاد، مَهلی خوب گُتی!» 40وِ دَ هیشکَه زَلَه نَکه چیئی وَش بِپُرسِه.
41امّا عیسی وَشون گُت: «چطو ایگُن مسیحِ موعود کِرِ داوودِ پادشایَه؟ 42سی‌یِکِه داوود خُوش مِنِه کتاب زبور ایگُ:
"خداوند وَ خداوندِ مِ گُت:
وَ دَسِ راسِ مِ بِشین
43تا او موقَع که دُشمَنَلِتَه بِنُم زِرِ پات."
44ایسِه، اَر داوود وِّ نَه "خداوند" ایخونِه، چطو وِّ ایتَرِه کِرِ داوود بو؟»
وَ معلِمَلِ تورات دیری کِنیت
45مِنِه هَمو حال که مردم هَمَه گوش ایدان، عیسی وَ شاگردلِش گُت: 46«وَ معلملِ تورات دیری کِنیت که دِلِشون ایخوا بِی قَبِی بِلند رَه بِرَن وِ مردم مِنِه کوچه وِ بازار وَشون سلام کِنِن، وِ مِنِه کَنیسِه‌یَل بِتَرین جا نَه داشتَه بون وِ مِنِه جشن وُ مِمونی‌یَل بِشینِن وَ بالِی مجلس. 47وَ ایبال حونِه‌یَلِ بیوَه‌زَنَلَه غارت ایکِنِن وُ وَ اوبال، سی ظاهرسازی، دِعاشونَه طول اییِن. محکومیتِ اینگَل مهلی سخت‌تَر ایابو.»
Valið núna:
انجیلِ لوقا 20: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company
انجیلِ لوقا 20
20
وَ چه اقتداری ای کارَلَه ایکِنی؟
1یکی وَ او روزَل که عیسی مِنِه معبدِ خداوند مردمَه تعلیم ایدا وِ خَوَرِ خَشِ پادشاییِ خدا نَه موعظَه ایکِه، کاهنلِ گَپو وِ معلملِ تورات بِی شیخَلِ یهود اومَن طِیش 2وِ گُتن: «وَمون بِگُ وَ چه اقتداری ای کارَلَه ایکِنی؟ ای اقتدارَ کی وَ تِ دایِه؟» 3عیسی جواب دا: «مِ هم وَتون سئوالی دارُم؛ وَ مِ بِگِیت، 4غُسلِ تعمید یحیی وَ جانبِ خدا بی یا وَ جانبِ انسان؟» 5اونگَل بِی یَک شُور کِردِن وِ گُتِن: «اَر بِگِیم وَ جانبِ خدا بی، ایگُ: "پَ سیچه وَش ایمون ناوُردیت؟" 6وِ اَر بگیم وَ جانبِ انسان بی، مردم هَمه سنگسارِمون ایکِنِن، سی‌یِکِه اعتقاد دارِن یحیی پیغمبر بی.» 7پَ جواب دان: «نُونیم وَ کوچِنه.» 8عیسی وَشون گُت: «مِ هَم وَ ایشا نیگُم بِی چه اقتداری ای کارَلَه ایکِنُم.»
مَثَل باغبونَلِ شرور
9اوسِه ای مثلَه سی مردم آوُرد: «مِردی تاکستونی دِرُس کِه وُ وِه نَه دا اجارَه وَ چَن باغبون وِ سی مِدَتِ زیادی وَ وِلاتی دَ سفر کِه. 10مِنِه مُوسِمِ چییَنِ مَصول، غلامی نَه بِسی کِه طِی باغبونَل تا بَهرِ خِشَه وَ میوۀ تاکستون بِسونِه. امّا باغبونَل وِّ نَه زَن وِ دَس‌خالی وَرگَردَنان. 11صاحابِ تاکِسون غلامی دَ بِسی کِه، امّا وِّ نَه هَم زَن وِ وَش بی‌حرمتی کِردِن وِ دَس‌خالی رُونَش کِردن. 12پَ سی دَفۀ سِوُم غلامی دَ بِسی کِه، امّا وِّ نَه هم زخمی کِردِن، وِردان وَدَر.
13«پَ صاحابِ تاکِسون گُت: "چه کِنُم؟ کِرِ عزیزِمَه بِسی ایکِنُم؛ شاید وِّ نَه حرمت کِنِن." 14امّا باغبونَل وختی کِرَ دییِن، وَ یَک گُتِن: "یِه وارثِه. بی‌یِیت وِّ نَه بِکِشیم تا میراثِش این خِمون وابو." 15پَ وِّ نَه وَ تاکستون وِردان وَدَر وِ کُشتِن.
«ایسِه وَ گَمون ایشا صاحابِ تاکستون باشون چه ایکِنِه؟ 16وِّ ایایِه وِ باغبونَلَه ایکِشِه، تاکستونَه اییِه وَ دَسِ کَسَلی دَ.» وختی مردم یِنَه اِشنُفتِن، گُتِن: «اَلبَت که نَه!» 17امّا عیسی سِیلَشون کِه وِ گُت: «پَ معنیِ او نِوِشتَه مِنِه زَبورِ داوود چِنِه؟
که ایگُ: "بَردی که معمارَل رَد کِردِن،
بَردِ اصلیِ بنا وابی‌یِه"
18هرکه وَ ری او بَرد بییُفته، خُرد ایابو، وِ اَر او بَرد وَ ری کسی بییُفته، وِّ نَه مِنه یَک خُرد ایکِنِه.»
دایَنِ خراج وَ امپراتور
19معلملِ تورات وِ کاهنلِ گپو وختی فَمِسِن ای مثلَه درمورد اونگَل ایگُ، ایخواسِن هَمو موقَع وِّ نَه دَسگیر کِنِن، امّا وَ مردم زَلَشون ایرَت.
20پَ عیسی نَه زِرِ نظر گِرُتِن وِ جاسوسَلی بِسی کِردِن طِیش که خِشونَه صادق نشون ایدان. اونگَل وَ دینِ یِه بییِن که وَ گَپَلِ عیسی بُونِه‌ای بِجورِن تا وِّ نَه تسلیمِ اقتدار وِ مَحکمۀ فَرمُندار کِنِن. 21پَ جاسوسَل وَ عیسی پُرسییِن: «استاد، دونیم که تِ حقیقتَه ایگی وِ تعلیم ایئی، وُ وَ کسی طَرَفداری نیکِنی، بلکم وَ راسی رَه خدا نَه یای ایئی. 22طبقِ شریعت، دایَنِ خراج وَ امپراتور سی ایما رَوایَه وا نَه؟» 23امّا عیسی حیلۀ اونگَلَه فَمِس وِ گُت: 24«دیناری وَم نِشون بِئیت. نقش وِ نومِ ری سکه این کیَه؟» 25جواب دان: «این امپراتورِه.» عیسی وَشون گُت: «این امپراتورَ وَ امپراتور بِئیت وِ این خدا نَه وَ خدا!» 26وَ ای ترتیب، نَتَرِسِن مِنِه حضور مردم وِّ نَه بِی گَپَلِش بِندازن وَ تَلَه، وُ وَ جوابِش حیرت‌زَیَه وابی‌یِن وِ صیا نَکِردِن.
سؤال درمورد زِندَه وابی‌یَنِ مُردِه‌یَل
27اوسِه چَن نفر وَ فرقۀ صدوقی که وَ زِندَه وابی‌یَنِ مُردِه‌یَل اعتقاد نیارِن اومَن طِی عیسی، 28وِ سئوالی وَش کِردِن، گُتِن: «استاد، موسی سی ایما نِوِشت که اَر کَکِی مِردی بمیره وُ وَ خُوش زنی بی‌اولاد وَجا بِنِه، او مِرد باید وِّ نَه بِسونِه تا نسلی سی کَکاش وَجا بِنِه. 29ایسِه، هَف کَکا بییِن. کَکِی اَوَلی زنی اِسَه وِ بی‌اولاد مُرد. 30اوسِه دِوِمی 31وِ دِنداش سِوِمی وِّ نَه اِسَه، هَمیطو هر هَف کَکا مُردِن، بی‌یِکه وَ خِشون اولادی وَجا بِنِن. 32عاقبت او زن هم مُرد. 33ایسو، مِنِه روزی که مُردِه‌یَل زِندَه ایابون، وِّ زن کویِکی ایابو؟ سی‌یِکِه هر هَف کَکا وِّ نَه اِسَن.»
34عیسی وَشون جواب دا: «مردم ای دنیا زن ایسونِن وِ شی ایکِنِن. 35امّا کَسَلی که لایق بون که بَعدَ مُردَن زِندَه وابون، وَختی بِرَن وَ او دنیا نه زن ایسونِن وِ نه شی ایکِنِن، 36سی‌یِکِه اونگَل دَ نیمیرِن؛ سی‌یِکِه مِی فرشته‌یَل ایابون. اونگَل اولادَلِ خدایَن، سی‌یِکِه اولادَلِ زِندَه وابی‌یَه وَ مُردِه‌یَلِن. 37حقیقت زِندَه وابی‌یَنِ مُردِه‌یَلَه حتی موسی هم مِنِه جَریانِ بِتِۀ تَش گِرُتَه آشکار ایکِنِه، وُچِه که خداوند، خِدِی ابراهیم وِ خِدِی اِسحاق وِ خِدِی یعقوب خوندَه وابی‌یِه. 38خدا نَه خِدِی مُردِه‌یَل، بلکم خِدِی زِندِه‌یَلِه؛ سی‌یِکِه طی خدا همه زِندِه یَن.» 39اوسِه یِه‌پاره‌ای وَ معلملِ تورات مِنِه جواب گُتِن: «استاد، مَهلی خوب گُتی!» 40وِ دَ هیشکَه زَلَه نَکه چیئی وَش بِپُرسِه.
41امّا عیسی وَشون گُت: «چطو ایگُن مسیحِ موعود کِرِ داوودِ پادشایَه؟ 42سی‌یِکِه داوود خُوش مِنِه کتاب زبور ایگُ:
"خداوند وَ خداوندِ مِ گُت:
وَ دَسِ راسِ مِ بِشین
43تا او موقَع که دُشمَنَلِتَه بِنُم زِرِ پات."
44ایسِه، اَر داوود وِّ نَه "خداوند" ایخونِه، چطو وِّ ایتَرِه کِرِ داوود بو؟»
وَ معلِمَلِ تورات دیری کِنیت
45مِنِه هَمو حال که مردم هَمَه گوش ایدان، عیسی وَ شاگردلِش گُت: 46«وَ معلملِ تورات دیری کِنیت که دِلِشون ایخوا بِی قَبِی بِلند رَه بِرَن وِ مردم مِنِه کوچه وِ بازار وَشون سلام کِنِن، وِ مِنِه کَنیسِه‌یَل بِتَرین جا نَه داشتَه بون وِ مِنِه جشن وُ مِمونی‌یَل بِشینِن وَ بالِی مجلس. 47وَ ایبال حونِه‌یَلِ بیوَه‌زَنَلَه غارت ایکِنِن وُ وَ اوبال، سی ظاهرسازی، دِعاشونَه طول اییِن. محکومیتِ اینگَل مهلی سخت‌تَر ایابو.»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company