انجیلِ لوقا 19
19
عیسی وِ زَکّایِ خَراجگیر
1عیسی رَت مِنِه شهرِ اَریحا وُ وَ مابینِ شهر رَی ایابی. 2وُچه مِردی بی، وَ نومِ زَکّا، که رئیسِ خَراجگیرَل وِ آیَمِ ثروتمندی بی. 3وِّ ایخواس بینِه عیسی کیَه، امّا وَ زورِ جمعیت نیتَرِس وِّ نَه بِوینِه سی‌یِکِه قَدِش کوتا بی. 4سی هَمیو، دُویِس نَهاتَر وُ وَ دارِ انجیرِ بَجی رَت بالا تا وِّ نَه بِوینه، سی‌یِکِه عیسی وَ او رَه رَی ایابی. 5وختی عیسی رَسی وُچو، سِیلَ بالا کِه وِ وَش گُت: «زکّا، زی بیو دومِن که اُمرو باید مِنِه حونِی تِ وِیسُم.» 6زکّا زی اومَه دومِن وِ بِی شایی مِمونِش کِه. 7مردم وختی یِنَه دییِن، هَمَشون غُرَغُر کِردِن ایگُتِن: «رَتِه وَ مِمونی، حونِی یِه گِناکار.»
8زکّا وَ جاش وَریسا وُ وَ عیسِی خداوند گُت: «ای آقا، ایسِه نصفِ داراییمَه اییُم وَ فقیرَل، وِ اَر چیئی وَ ناحق وَ کسی اِسَیَه بوم، چار برابر وَش اییَرگَردَنُم.» 9عیسی وَ زَکا گُت: «اُمرو نجات اومَه وَ ای حونَه، سی‌یِکِه ای مرد هم، اولاد ابراهیمِه. 10سی‌یِکِه کِرِ انسان اومَیِه تا وَلا وابی‌یَه نَه بِجورِه وِ نجات بییِه.»
مَثَل پادشاه و ده سکۀ طلا
11مِنِه هَمو حال که مردم وَ ای صُبَتَل گوش ایدان، عیسی مِنِه ادامۀ صُبَتِش، مثلی آوُرد، سی‌یِکِه نِزِنگِ اورشلیم بی وِ مردم گَمون ایکِردِن پادشایی خدا قرارِه زی وِ هَموسِه ظهور کِنِه. 12پَ عیسی گُت: «نجیب‌زاده‌ای رَت وَ دیارِ دیردَسی تا مقامِ شاهی نَه وَ دَس بیارِه وِ اوسِه وَرگَرده. 13پَ، ده نفر وَ خادِمَلِشَه خواس وُ وَ هر کویَکی یِه سکّۀ طلا دا که مِزِ سِه ماهِ یِه کارگر بی وِ گُت: "تا مِ وَرگَردُم بِی ای پیل دادِ سِتَد کِنیت." 14امّا هُم‌وِلاتی‌یَلِش که وَش نفرت داشتِن؛ وَ دِنداش نَمایَنده‌ای بِسی کِردِن بِی ای پِیوم که: "ایما نیخِیم ای آیَم وَ ایما سَلطَنَت کنه." 15بِی همَۀ اینگَل، وِّ وَ مقام شاهی رَسی وِ وَرگشت وَ وِلاتِ خُوش. پَ دستور دا خادِمَلی نَه که وَشون سرمایَه دایَه بی، صیا کِنِن تا بِفَمه هر کویَکی چِقَه سود کِرده. 16اَوَلی اومَه وِ گُت: "آقا، سکّۀ تِ ده سکّۀ دَ سود کِردِه." 17آقاش گُت: "آفرین، ای خادمِ خوب! سی‌یِکِه مِنِه کَم وفادار بیئی، حکومت ده شهرَ اییُم وَ دَسِ تو." 18دومی اومَه وِ گُت: "آقا، سکّۀ تِ پنج سکِۀ دَ سود کِردِه." 19وَ وِّ هم گُت: "وَ پنج شهر حکومت کُ." 20اوسِه یکی دَش اومَه وِ گُت: "آقا، بفرما یِه سکّۀ تِنِه! وِه نَه پیچَنام مِنِه پارچه‌ای، نِگَه کِردُم. 21سی‌یِکِه وَت زَلَم ایرَت، تِ مِردِ سختگیری یِی. اوچیئی که نَنَهائی‌یِی، اییَگِری، وِ اوچیئی که نَکاشتی‌یِی، ایبِری." 22پادشاه وَش گُت: "ای خادمِ شرور، طبق گُتِۀ خُوت وَت حکم ایکِنُم. تِ که دونِسی مِردی سختگیرُم، اوچیئی که نَنَهامِه اییَگِرُم وِ اوچیئی که نَکاشتِمه ایبِرُم، 23پَ سیچه پیلِ مِنَه نَدِی وَ صرافَل تا وختی اییَرگَردُم وِه نَه بِی سودِش بِسونُم واپَس؟" 24پَ وَ حاضِرین گُت: "سِکّه نَه وَش بِسونیت وِ بِئیت وَ خادمی که ده سکّه دارِه." 25اونگَل جواب دان: "آقا، وِّ که خُوش ده سکّه داره!" 26گُت: "وَ ایشا ایگُم که، وَ هرکه دارِه، بیشتر دایَه ایابو؛ امّا وِه که نیارِه، حتی هَموِنَم که داره وَش اِسَیَه ایابو. 27وِ ایسِه او دشمَنَلِ مِنَه که نیخواسِن وَشون سَلطَنَت کِنُم، بیاریت وِیچو وِ دَمِ ریم بِکِشیت."»
عیسی ایرَه مِنِه اورشلیم
28بعدِ ای صُبَتَل، عیسی نِهِی بقیه اُفتا وَ رَه وَ طرفِ اورشلیم.
29وختی رَسی وَ نِزِنگِ دهاتِ بِیت‌فاجی وِ بِیت‌عَنیا که مِنِه کُویی وَ نومِ زیتون بییِن، دِتا وَ شاگردَلِ خِشَه بِسی کِه وِ گُت: 30«بِرِیت وَ دهاتی که دَمِ ریتونِه. هَمیِکِه رَتیت مِنِه دهات، کِرَه‌خَری نَه بَسَه ایجوریت که تا ایسِه کسی سُوارِش نَوابی‌یِه. وِه نَه واز کِنیت وِ بیاریت وِیچو. 31اَر کسی وَ ایشا پُرسی: "سیچه وِه نَه واز ایکِنیت؟" بِگِیت: "خداوند وِه نَه لازم دارِه."» 32او دِتا شاگِرد رَتِن وِ همَه چی نَه هموطو جُسِن که عیسی وَشون گُتَه بی. 33وختی کِرَه‌خَرَ واز ایکِردِن، صاحابَلِش وَشون گُتِن: «سیچِه کِرَه‌خَرَ واز ایکِنیت؟» 34دِتا شاگرد جواب دان: «خداوند وِه نَه لازم داره.» 35پَ اونگَل کِرَه‌خَرَ آوُردِن طی عیسی. اوسِه قَبایَلِشونَه بِسِن وَ ریش وِ عیسی نَه سُوارِش کِردِن. 36هَمیطو که عیسی ایرَت جلو، مردم قَبایَلِشونَه پَن ایکِردِن وَ سَرِ رَش. 37هَموطو که نِزِنگ ایابی وِ هَنی مِنِه سرازیری کُو زیتون بی، جماعتِ شاگِردَل هَمَشون بِی شایی خدا نَه بِی صییِی بلند سی تَمومِ معجزَه‌یَلی که وَش دییَه بییِن حَمد وِ ثَنا ایکِردِن، 38وِ ایگُتِن:
«مبارکِه پادشایی که وَ نومِ خداوند ایایِه!
صلح‌وُسلامت مِنِه آسمون وِ جلال مِنِه عرشِ بَرین بو!»
39یِه‌پاره‌ای وَ عالِمَلِ فرقۀ فَریسی وَ مِلِی جمعیت وَ عیسی گُتِن: «استاد، شاگردَلِتَه نَهیب بییِه!» 40عیسی مِنِه جواب گُت: «وَ ایشا ایگُم اَر اینگَل صیا مَکِنِن، هَمی بَردَل قیرَه ایزَنِن!»
41اوسِه وختی که عیسی نِزِنگ وابی وَ اورشلیم وِ شهرَ دی، سی شهر گِریوِس 42وِ گُت: «کاشکی تو، بَله تو! اُمرو دونِسی که چه چیئی سیت صلح‌وُسلامتی ایارِه. امّا حیف که وَ تییَلِت پَنون وابی‌یِه. 43سی‌یِکِه او روزَل ایا که دشمَنَلِت دورتادورِت سنگر ایسازِن وُ وَ هرلَت مُحاصِرَت ایکِنِن، عرصَه نَه وَت تنگ ایکِنِن؛ 44وِ تِ وِ بَچه‌یَلِتَه وَ مِنِت وَ خَکِ خین ایکَشِن. وِ بَرد ری بَرد نیوِیسِه؛ سی‌یِکِه تِ وَ او زَمونی که خدا وَ دییَنِت اومَه، غافل مُندی.»
عیسی معبدِ خداوندَ تَمیز ایکِنِه
45اوسِه رَت مِنِه صحنِ معبدِ خداوند وِ شروع کِه وَ صَرا کِردَنِ دَسفِروشَل، 46وُ وَشون گُت: «مِنِه کتابَلِ مقدس نوشتَه وابی‌یِه که "حونِی مِ حونِی دعا ایابو"؛ امّا ایشا وِه نَه "کِرِ رازَنَل" کِردیتِه.»
47عیسی هَر رو مِنِه معبد تعلیم ایدا. امّا کاهنلِ گپو وِ معلملِ تورات وِ رَئیسَلِ قوم وَ دینِ کُشتَنِش بییِن، 48امّا رَیی سی نیَتِشون نیجُسِن، سی‌یِکِه تَمومِ مردم شیفتۀ گَپَلِش بییِن.
Valið núna:
انجیلِ لوقا 19: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company
انجیلِ لوقا 19
19
عیسی وِ زَکّایِ خَراجگیر
1عیسی رَت مِنِه شهرِ اَریحا وُ وَ مابینِ شهر رَی ایابی. 2وُچه مِردی بی، وَ نومِ زَکّا، که رئیسِ خَراجگیرَل وِ آیَمِ ثروتمندی بی. 3وِّ ایخواس بینِه عیسی کیَه، امّا وَ زورِ جمعیت نیتَرِس وِّ نَه بِوینِه سی‌یِکِه قَدِش کوتا بی. 4سی هَمیو، دُویِس نَهاتَر وُ وَ دارِ انجیرِ بَجی رَت بالا تا وِّ نَه بِوینه، سی‌یِکِه عیسی وَ او رَه رَی ایابی. 5وختی عیسی رَسی وُچو، سِیلَ بالا کِه وِ وَش گُت: «زکّا، زی بیو دومِن که اُمرو باید مِنِه حونِی تِ وِیسُم.» 6زکّا زی اومَه دومِن وِ بِی شایی مِمونِش کِه. 7مردم وختی یِنَه دییِن، هَمَشون غُرَغُر کِردِن ایگُتِن: «رَتِه وَ مِمونی، حونِی یِه گِناکار.»
8زکّا وَ جاش وَریسا وُ وَ عیسِی خداوند گُت: «ای آقا، ایسِه نصفِ داراییمَه اییُم وَ فقیرَل، وِ اَر چیئی وَ ناحق وَ کسی اِسَیَه بوم، چار برابر وَش اییَرگَردَنُم.» 9عیسی وَ زَکا گُت: «اُمرو نجات اومَه وَ ای حونَه، سی‌یِکِه ای مرد هم، اولاد ابراهیمِه. 10سی‌یِکِه کِرِ انسان اومَیِه تا وَلا وابی‌یَه نَه بِجورِه وِ نجات بییِه.»
مَثَل پادشاه و ده سکۀ طلا
11مِنِه هَمو حال که مردم وَ ای صُبَتَل گوش ایدان، عیسی مِنِه ادامۀ صُبَتِش، مثلی آوُرد، سی‌یِکِه نِزِنگِ اورشلیم بی وِ مردم گَمون ایکِردِن پادشایی خدا قرارِه زی وِ هَموسِه ظهور کِنِه. 12پَ عیسی گُت: «نجیب‌زاده‌ای رَت وَ دیارِ دیردَسی تا مقامِ شاهی نَه وَ دَس بیارِه وِ اوسِه وَرگَرده. 13پَ، ده نفر وَ خادِمَلِشَه خواس وُ وَ هر کویَکی یِه سکّۀ طلا دا که مِزِ سِه ماهِ یِه کارگر بی وِ گُت: "تا مِ وَرگَردُم بِی ای پیل دادِ سِتَد کِنیت." 14امّا هُم‌وِلاتی‌یَلِش که وَش نفرت داشتِن؛ وَ دِنداش نَمایَنده‌ای بِسی کِردِن بِی ای پِیوم که: "ایما نیخِیم ای آیَم وَ ایما سَلطَنَت کنه." 15بِی همَۀ اینگَل، وِّ وَ مقام شاهی رَسی وِ وَرگشت وَ وِلاتِ خُوش. پَ دستور دا خادِمَلی نَه که وَشون سرمایَه دایَه بی، صیا کِنِن تا بِفَمه هر کویَکی چِقَه سود کِرده. 16اَوَلی اومَه وِ گُت: "آقا، سکّۀ تِ ده سکّۀ دَ سود کِردِه." 17آقاش گُت: "آفرین، ای خادمِ خوب! سی‌یِکِه مِنِه کَم وفادار بیئی، حکومت ده شهرَ اییُم وَ دَسِ تو." 18دومی اومَه وِ گُت: "آقا، سکّۀ تِ پنج سکِۀ دَ سود کِردِه." 19وَ وِّ هم گُت: "وَ پنج شهر حکومت کُ." 20اوسِه یکی دَش اومَه وِ گُت: "آقا، بفرما یِه سکّۀ تِنِه! وِه نَه پیچَنام مِنِه پارچه‌ای، نِگَه کِردُم. 21سی‌یِکِه وَت زَلَم ایرَت، تِ مِردِ سختگیری یِی. اوچیئی که نَنَهائی‌یِی، اییَگِری، وِ اوچیئی که نَکاشتی‌یِی، ایبِری." 22پادشاه وَش گُت: "ای خادمِ شرور، طبق گُتِۀ خُوت وَت حکم ایکِنُم. تِ که دونِسی مِردی سختگیرُم، اوچیئی که نَنَهامِه اییَگِرُم وِ اوچیئی که نَکاشتِمه ایبِرُم، 23پَ سیچه پیلِ مِنَه نَدِی وَ صرافَل تا وختی اییَرگَردُم وِه نَه بِی سودِش بِسونُم واپَس؟" 24پَ وَ حاضِرین گُت: "سِکّه نَه وَش بِسونیت وِ بِئیت وَ خادمی که ده سکّه دارِه." 25اونگَل جواب دان: "آقا، وِّ که خُوش ده سکّه داره!" 26گُت: "وَ ایشا ایگُم که، وَ هرکه دارِه، بیشتر دایَه ایابو؛ امّا وِه که نیارِه، حتی هَموِنَم که داره وَش اِسَیَه ایابو. 27وِ ایسِه او دشمَنَلِ مِنَه که نیخواسِن وَشون سَلطَنَت کِنُم، بیاریت وِیچو وِ دَمِ ریم بِکِشیت."»
عیسی ایرَه مِنِه اورشلیم
28بعدِ ای صُبَتَل، عیسی نِهِی بقیه اُفتا وَ رَه وَ طرفِ اورشلیم.
29وختی رَسی وَ نِزِنگِ دهاتِ بِیت‌فاجی وِ بِیت‌عَنیا که مِنِه کُویی وَ نومِ زیتون بییِن، دِتا وَ شاگردَلِ خِشَه بِسی کِه وِ گُت: 30«بِرِیت وَ دهاتی که دَمِ ریتونِه. هَمیِکِه رَتیت مِنِه دهات، کِرَه‌خَری نَه بَسَه ایجوریت که تا ایسِه کسی سُوارِش نَوابی‌یِه. وِه نَه واز کِنیت وِ بیاریت وِیچو. 31اَر کسی وَ ایشا پُرسی: "سیچه وِه نَه واز ایکِنیت؟" بِگِیت: "خداوند وِه نَه لازم دارِه."» 32او دِتا شاگِرد رَتِن وِ همَه چی نَه هموطو جُسِن که عیسی وَشون گُتَه بی. 33وختی کِرَه‌خَرَ واز ایکِردِن، صاحابَلِش وَشون گُتِن: «سیچِه کِرَه‌خَرَ واز ایکِنیت؟» 34دِتا شاگرد جواب دان: «خداوند وِه نَه لازم داره.» 35پَ اونگَل کِرَه‌خَرَ آوُردِن طی عیسی. اوسِه قَبایَلِشونَه بِسِن وَ ریش وِ عیسی نَه سُوارِش کِردِن. 36هَمیطو که عیسی ایرَت جلو، مردم قَبایَلِشونَه پَن ایکِردِن وَ سَرِ رَش. 37هَموطو که نِزِنگ ایابی وِ هَنی مِنِه سرازیری کُو زیتون بی، جماعتِ شاگِردَل هَمَشون بِی شایی خدا نَه بِی صییِی بلند سی تَمومِ معجزَه‌یَلی که وَش دییَه بییِن حَمد وِ ثَنا ایکِردِن، 38وِ ایگُتِن:
«مبارکِه پادشایی که وَ نومِ خداوند ایایِه!
صلح‌وُسلامت مِنِه آسمون وِ جلال مِنِه عرشِ بَرین بو!»
39یِه‌پاره‌ای وَ عالِمَلِ فرقۀ فَریسی وَ مِلِی جمعیت وَ عیسی گُتِن: «استاد، شاگردَلِتَه نَهیب بییِه!» 40عیسی مِنِه جواب گُت: «وَ ایشا ایگُم اَر اینگَل صیا مَکِنِن، هَمی بَردَل قیرَه ایزَنِن!»
41اوسِه وختی که عیسی نِزِنگ وابی وَ اورشلیم وِ شهرَ دی، سی شهر گِریوِس 42وِ گُت: «کاشکی تو، بَله تو! اُمرو دونِسی که چه چیئی سیت صلح‌وُسلامتی ایارِه. امّا حیف که وَ تییَلِت پَنون وابی‌یِه. 43سی‌یِکِه او روزَل ایا که دشمَنَلِت دورتادورِت سنگر ایسازِن وُ وَ هرلَت مُحاصِرَت ایکِنِن، عرصَه نَه وَت تنگ ایکِنِن؛ 44وِ تِ وِ بَچه‌یَلِتَه وَ مِنِت وَ خَکِ خین ایکَشِن. وِ بَرد ری بَرد نیوِیسِه؛ سی‌یِکِه تِ وَ او زَمونی که خدا وَ دییَنِت اومَه، غافل مُندی.»
عیسی معبدِ خداوندَ تَمیز ایکِنِه
45اوسِه رَت مِنِه صحنِ معبدِ خداوند وِ شروع کِه وَ صَرا کِردَنِ دَسفِروشَل، 46وُ وَشون گُت: «مِنِه کتابَلِ مقدس نوشتَه وابی‌یِه که "حونِی مِ حونِی دعا ایابو"؛ امّا ایشا وِه نَه "کِرِ رازَنَل" کِردیتِه.»
47عیسی هَر رو مِنِه معبد تعلیم ایدا. امّا کاهنلِ گپو وِ معلملِ تورات وِ رَئیسَلِ قوم وَ دینِ کُشتَنِش بییِن، 48امّا رَیی سی نیَتِشون نیجُسِن، سی‌یِکِه تَمومِ مردم شیفتۀ گَپَلِش بییِن.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company